যাকোব 2:16 - Chakma Bible

¹⁶ এ অবস্থায় যুনি তমাত্তুন্ কেঅ তারে কয়, “তর্ মংগল ওক্‌, হেইনে-পিনিনে গম থাগঅ,” অদচ তার্ অভাব্‌পান কাদেবার কনঅ বেবস্থা ন-গরে সালে সিয়েন্দোই তার্ কি উপকার অবঅ?

যাকোব 2:16 Iomraidhean Croise

মথি লেখ্যে গম্ হবর্ 15:32

ইয়েনর্ পরেদি যীশু তা শিচ্চ্যগুনোরে ডাগিনে কলঅ, “এ মানুচ্চুনোত্তে মর্ মেয়্যে লাগের্, কিয়া এচ্চ্যে তিন দিন অলঅ ইগুনে মঅ লগে লগে আগন্, আর ইগুনো ইধু কনঅ হানা নেই। এ অবস্থায় মুই ইগুনোরে বিদেয় দিবাত্তে ন-চাং; অয়ত বা তারা পদথ্ অজ্ঞান্ ওই পড়িবাক্।”

মথি লেখ্যে গম্ হবর্ 25:35

যেক্কে মর্ পেট্ পুজ্যে সেক্কে তুমি মরে হেবাত্তে দুয়ো; যেক্কে পানি তিরেস্ পেইয়্যে সেক্কে পানি দুয়ো; যেক্কে গর্বা ওইয়োং সেক্কে আশ্রয় দুয়ো;

মথি লেখ্যে গম্ হবর্ 25:36

যেক্কে উত্যেবুত্যে এলুং সেক্কে কাবড়্ উরেই দুয়ো; যেক্কে অসুখ্ এলুং সেক্কে মরে দেগাশুনো গোজ্য; আর যেক্কে মুই জেলখানাত্ বন্দী অবস্থায় এলুং সেক্কে মরে চেবাত্তে যেয়ো।

মার্ক 5:34

যীশু তারে কলঅ, “মা, তুই বিশ্বেজ্ গোজ্যস্ বিলি গম্ ওইয়োচ্। সুগে-শান্দিয়্যে যাহ্, তর্ আর এ দুঘ্‌কান ন-ওক্।”

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

২ করিন্হীয় 8:8

এ কধাগান যে মুই উগুম্ ইজেবে কঙর্ সিয়েন নয়, মাত্তর্ অন্যগুনোর্ আয়োজর্ কধা তমারে জানেইনে মুই পোরোক্ষ্যে গুরিবার চাং তমার্ কোচ্‌পানাগান্ কত্তমান্ খাটি।