যাকোব 2:14 - Chakma Bible

¹⁴ মঅ ভেইয়ুন, যুনি কেঅ কয় তাত্তুন্ বিশ্বেজ্ আঘে মাত্তর্ কামেদি সিয়েন ন-দেগায় সালে সিয়েনত্ কি লাভ্? সেই বিশ্বেজ্‌‌চানে কি তারে পাপত্তুন্ উদ্ধোর্ গুরি পারে?

যাকোব 2:14 Iomraidhean Croise

যিরমিয় 7:8

চঅ, তুমি মিজে কধালোই বিশ্বেজ্ গোজ্য, মাত্তর্ সিয়েনত্ কনঅ লাভ নেই।

মথি লেখ্যে গম্ হবর্ 5:20

মুই তমারে কঙর্, ধর্ম-মাষ্টর আর ফরীশীগুনোর ধার্মিকতাগানত্তুন্ তমার যুনি বেশ্ কিজু ন-থায় সালে তুমি কনবাবদে স্বর্গ-রেজ্যত্ সোমেই ন-পারিবা।

লূকে লেখ্যে গম্ হবর্ 3:11

যোহনে তারারে কলঅ, “যুনি কারর্ দ্বিবে সিলুম্ থায় সালে যার্ সিলুম্ নেই তে তারে এক্কো দোক্। যার্ হানা আঘে তেয়ো সেবাবোত্যে গোরোক্।”

লূকে লেখ্যে গম্ হবর্ 6:49

যে মঅ কধাগান শুনে অদচ সেবাবোত্যেগুরি কাম্ ন-গরে তে এমন্ এক্কো মান্‌‌‌‌‌জ্য ধোক্ক্যেন, যে মাদি উ‌‌‌‌‌‌‌‌‌‌গুরে গড়াগান্ ন-গাড়েইনে ঘরান্ বানেল। যেরেদি পানিবান যেক্কে সে ঘরান উগুরে এইনে পড়িলো সেক্কে সে ঘরান্ পড়িনে এক্কুবারে ভস্ত ওই গেলঅ।”

প্রেরিত্‌ 15:9

তে আমারে আর তারা ভিদিরে যুদো বিলিনে কিচ্চু ন-থয়, কিয়া তারা বিশ্বেজ্ গোজ্যন্ বিলিনে তে তারা মনানিয়ো সাব্ গোজ্যে।

প্রেরিত্‌ 8:13

সেই শিমোনেয়ো বিশ্বেজ্ গুরিনে বাপ্তিষ্ম লল, আর তে ফিলিপ পিযে পিযে বেক্‌ জাগানিত্ গেলঅ আর চিহ্নো কাম্ আহ্ দাঙর্ দাঙর্ আমক্ অবার কামানি দেগিনে আমক্ অলঅ।

প্রেরিত্‌ 8:21

আমা এ কামত্ তর্ কনঅ ভাগ বা অধিকার নেই, কিয়া গোজেনর্ চোগেদি তঅ মনান্ ঠিগ্ নয়।

রোমীয় 2:25

তুই যুনি রীদি-সুদোম মানি চলচ্ সালে চুুুনু মাঢাবো চামান কাবানার্ দামান্ আঘে; মাত্তর্ যুনি রীদি-সুদোম ন-মানচ্ সালে চুনু মাঢাবো চামান কাবিলেয়ো গোজেন ইধু তুই চুনু মাঢাবো চামান ন-কাপ্যে মান্‌জ্য ধোক্ক্যেন্।

১ করিন্হীয় 15:2

যে কধাগান্ মুই তমা ইধু ফগদাং গোজ্জ্যং সিয়েন যুনি তুমি দরমর গুরি ধুরি রাগেই থাগঅ সালেই তুমি সেই গম্ হবরানর্ মাধ্যমে পাপত্তুন্ উদ্ধোর্ পর্-খালিক্ যুনি তমার বিশ্বেজ্‌চান বানা বারেদি ন-অয়।

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

ইব্রীয় 11:17

অব্রাহামরে যগা চেবার্ অক্তত্ তে গোজেন উগুরে বিশ্বেজত্যে ইস্‌হাকরে উৎসর্ব গোজ্জ্যে। যিবে ইধু গোজেনে এগেম্ গোজ্জ্যে তেয়ই তার্ বানা এক্কো গুরি পুয়োরে উৎসর্ব গুরিবাত্যে যার্।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।

যাকোব 1:16

মর্ কোচ্‌‌পেইয়্যে ভেইয়ুন্, ভুল ন-গোজ্জ্য।

যাকোব 2:16

এ অবস্থায় যুনি তমাত্তুন্ কেঅ তারে কয়, “তর্ মংগল ওক্‌, হেইনে-পিনিনে গম থাগঅ,” অদচ তার্ অভাব্‌পান কাদেবার কনঅ বেবস্থা ন-গরে সালে সিয়েন্দোই তার্ কি উপকার অবঅ?

যাকোব 2:18

অয়ত কেঅ কোই পারন্, “তর্ আঘে বিশ্বেজ্ আর মর্ আঘে সৎ কাম।” বেশ্, গম কধা। কাম ন-গোজ্জ্যে বাদে তর্ বিশ্বেজ্‌চান মরে দেগা আর মুই কামান্দোই মর্ বিশ্বেজ্‌চান তরে দেগেম্।

যাকোব 2:26

পরাণান্ বাদে কিয়্যেগান যেধোক্ক্যেন মরা ঠিগ্ সেধোক্ক্যেন কাম বাদে বিশ্বেজ্‌চান মরা।

২ পিতর 1:5

ইয়েনত্যে ভারী আওজি ওইনে তমা বিশ্বেজ সমারে গম খাচ্চ্যত্, গম খাচ্চ্যদ সমারে জ্ঞান,