যাকোব 2:13 - Chakma Bible

¹³ কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

যাকোব 2:13 Iomraidhean Croise

পত্থম 42:21

সে পরেদি তারা একজন আরেকজনরে কলাক্, “ঘেচ্চেকগুরি আমা সে ভেইবো উগুরে আমি যিয়েন্‌ গোজ্যেই সিয়েন্দোই আমি দুষি। তে যেক্কে আমা মুজুঙোত্‌ কোজোলী গোজ্যে সেক্কে তা মনর্‌ দুঃখোগান্‌ দেগিনেয়ো আমি তা কধালোই কান ন-পাদিই। সেনত্তে আমা উগুরে এ দুঃখানি এচ্চ্যে।”

২ বংশধর 28:11

ইক্কিনে তুমি মঅ কধাগান শুনো। তমা জাদ্‌-ভেইয়ূনো ভিদিরেত্তুন্‌ যিগুনোরে তুমি বানিনে আন্য তারারে তুমি ফেরৎ পাধেই দুয়ো, কিত্তে লগেপ্রভুর দর্‌গরেপারা রাগকান্‌ তমা উগুরে আঘে।”

গীতসংহিতা 18:25

ও লগেপ্রভু, তুই বিশ্বেজিগুনো সমারে বিশ্বেজি বেবহার গর্, নিদ্দুষিগুনো সমারে নিদ্দুযি বেবহার গর্,

গীতসংহিতা 85:10

অমকদ কোচ্‌পানা আর বিশ্বেজর এগত্তর্ ঘুদিবো; ন্যায় আর ভালেদিগানে এক্কান আরেক্কানরে চুমিবো।

গম্ উপদেজ্ 21:13

যে মানুচ্চো নাঢা মানুচ্চুনোর কানানিলোই কানান্ ঢিবে দি রাগায়, তে যেক্কে নিজে কানিবো সেক্কেনে কনজনে সিয়েনি ন-শুনিবা।

গম্ উপদেজ্ 22:16

ধন পেবাত্তে যে মানুচ্চো নাঢা মান্‌জ্য উগুরে অত্যেচার গরে বা যে মানুচ্চো তাগোয়্যেগুনোরে দান গরে তারার দ্বিয়ো জনর্ অভাব অয়।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিরমিয় 9:24

মাত্তর্ যে বাড়্‌বো গুরিবাত্তে চায় তে ইয়েনিলোই বাড়্‌বো গোরোক্, তে মরে বুঝে আর হবর্ পায়, অত্তাৎ তে হবর্ পাইদে, মুয়ই লগেপ্রভু; মর্ কোচ্‌পানাগান বোউত্ আর পিত্‌থিমীত মর্ কামানি ন্যায়ে আর সততালোই ভরা। ইয়েনি পৌইদ্যেনে মুই গম্ পাং। মুই লগেপ্রভু এ কধাগান কঙর্।”‌‍

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

মথি লেখ্যে গম্ হবর্ 5:7

যিগুনে দোয়্যেলু তারা বর্‍‍‍পেইয়্যে, কিয়া তারা দোয়্যে পেবাক্।

মথি লেখ্যে গম্ হবর্ 6:15

মাত্তর্ তুমি যুনি অন্যগুনোরে খেমা ন-গরঅ সালে তমা বাপ্পো তমারেয়ো খেমা ন-গুরিবো।

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

লূকে লেখ্যে গম্ হবর্ 6:37

“অন্যগুনোর দুষ্ ধুরিবাত্তে ন-নিগিল্ল্য, সেক্কে তমারেয়ো দুষি ধরা ন-অবঅ। অন্যগুনোরে সাজা পেবার্ যগাজ্যে বিলি মনে গরা ন-অবঅ। অন্যগুনোরে খেমা গরঅ, সেক্কে তমারেয়ো খেমা গরা অবঅ।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

যাকোব 5:4

তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।

বিচের গুরিয়্যেগুন 1:7

সেক্কে অদোনী-বেষকে কলঅ‌, “মুই সত্তুরজন রাজার আঢ্ আর টেঙর্‌ বুজ্যে আঙুলুন্‌ কাবি দুয়োং। তারা মঅ‌ টেবিলোর তলেত্তুন ফেলাসেলানি তোগেনেই খেদাক্‌। মুই তারা উগুরে যিয়েনি গোজ্যং গোজেনেয়ো মঅ‌ উগুরে সেধোক্কেন্‌ গুরিলো।” পরেন্দি তারা অদোনী-বেষকরে যিরূশালেমত্‌ নেযানার পরেন্দি তে সিদু মুরি গেলঅ‌।

বিচের গুরিয়্যেগুন 5:27

তা টেঙর্‌ কায়-কুরে সীষরা পড়িলো আর যিয়েনত্‌ পড়িলো সিয়েনত্‌ তে পড়ি রলঅ; তা টেঙানর্‌ কায়-কুরে যিয়েনত্‌ তে পোজ্যে সিয়োদোই তে মুরি গেলঅ।