যাকোব 1:8 - Chakma Bible

⁸ তে দ্বি-মনা মানুচ্‌ আর তার বেক্‌ কামানিত্ থির্ নেইয়্যে।

যাকোব 1:8 Iomraidhean Croise

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

২ রাজাবলী 17:33

তারা লগেপ্রভুরে তবনা গুরিদাক্‌, মাত্তর্‌ সে লগে যেদক্কানি দেজত্তুন্‌ তারারে আনা ওইয়্যে সে দেজ্‌ছানির সুদোম মজিম তারা নিজোর নিজোর দেবেদাগুনোরেয়ো পূজো গুরিদাক্‌।

২ রাজাবলী 17:41

তারা লগেপ্রভুর তবনায়ো গুরিদাক্‌ আরঅ তারা দেব-দেবেদা পূজোয়ো গুরিদাক্‌। এজঅ তারার ঝি-পুয়োগুনে আর নাদিন্‌-পুদিনুনে তারা পূরোণি মানুচ্চুনো ধোক্ক্যেন চলদন্‌।

গীতসংহিতা 119:113

দ্বিমনা মানুচ্চুনোরে মুই গম ন-পাং, মাত্তর্ তঅ উগুমানি মুই গম পাং।

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

হোশেয় 10:2

তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

মথি লেখ্যে গম্ হবর্ 6:22

চোগ্ অলদে কিয়্যেগানর্ চেরাগ। সেনত্তে তঅ চোগ্‌কুন যুনি গম্ অয় সালে তর্ বেক কিয়্যেগান পহ্‌রে পরিপূরোণ অবঅ।

মথি লেখ্যে গম্ হবর্ 6:24

কনজনে দ্বিবে গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব। তে একজন উগুরে মনযোগ দিবো আর অন্যজনরে ঈচ্ গুরিবো। গোজেন আর ধন-সোম্বোত্তিরে এ দ্বিয়েনর্ সেবা তুমি একসমারে গুরি ন-পারঅ।

যাকোব 1:7

এবাবোত্যে মানুচ্‌ যে প্রভুত্তুন্ কিজু পেবঅ সিয়েন যেন তে আজা ন-গরে।

যাকোব 4:8

গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

২ পিতর 2:14

তারার চোগ্‌কুন্ পরপাগোল্যেলোই ভরা আর তারা পাপ-কাম গরানা কনঅ দিনঅ ন-থামান। যিগুনে চুলুবুলু সিগুনোরে তারা লুভ্ দেগেইনে ভুল পধেদি নেযান্। তারার্ মনানি বানা লুভ গুরিবাত্যে শিক্ষ্যে। তারা উগুরে অভিশাব্ আঘে। তারা উজু পথ্‌তান ফেলেইনে ভুল পধেদি যেইয়োন।

২ পিতর 3:16

তার বেক্‌ চিধিগানিত্ তে ইয়েনি পৌইদ্যেনে এই একই কধা লিগি থায়। সিয়েনি ভিদিরে খালিক্ কদক্কানি বেপার আঘে যিয়েনি বুঝোনা আগাত্ত্যা। সেনত্যে যিগুনে শিচ্চ্য অবার শিক্ষ্যে ন-পান আর যিগুনো মনানি চুলুবুলু তারা অন্য বোইয়ো ধোক্ক্যেন ইয়েনির্ অত্তগানি ঘুরেই কোইনে নিজোর্ ভস্ত অনাগান ডাগি আনন্।