যাকোব 1:5 - Chakma Bible

⁵ তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যাকোব 1:5 Iomraidhean Croise

১ বংশধর 22:12

লগেপ্রভু তঅ উগুরে যেক্কেনে ইস্রায়েলর শাজন্ গুরিবার্ ভারান্‌ দিবো সেক্কে যেনে তে তরে বুদ্ধি-বিবেচনা আর বুঝিবার বলান্‌ দে যেনে তুই তর্‌ গোজেন লগেপ্রভুর রীদি-সুদোম মানিনে চলি পারচ্‌।

২ বংশধর 1:10

মরে জ্ঞান আর বুদ্ধি দে যেনে মুই মর্‌ কামানি পালেই পারং, কিত্তে কার সাধ্য আঘে তর্‌ এ দাঙর্‌ জাদ্‌তোরে শাজন্ গুরি পারন্‌?”

গীতসংহিতা 51:6

তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

যাত্রা 31:3

মুই এই বৎসলেলরে গোজেনর্‌ আত্মালোই পরিপূরোণ গোজ্যং। মুই তারে জ্ঞান, বুদ্ধি, অভিজ্ঞতা আর নানান্‌ বাবত্যে কালিগরি কামর্‌ খেমতা দিইনে রাগেয়োং।

যাত্রা 31:6

ইয়েনি বাদে তারে এজাল্‌ দিবাত্যে মুই দান-গুট্টির অহীষামকর্‌ পূঅ অহলীয়াবকরেয়ো বেঈ লোইয়োং। যিদুক্কুন কাবিল্ কালিগরে এই কামানি গুরিবাক্ তারারেয়ো মুই এমন্‌ জ্ঞান দিইনে রাগেয়োং যেনে তরে দিয়্যে মর্‌ উগুম্‌ মজিম্ তারা বেক্‌ জিনিস্‌ছানি বানেই পারিবাক্। এই জিনিস্‌ছানি অলঅ‌:

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

মথি লেখ্যে গম্ হবর্ 11:20

যীশু যেদক্কানি আদামত্ আর শঅরত্ বেশ্ ভাগ আমক্ কাম গোজ্যে সেই বেক্ জাগানির্ মানুচ্চুনে মনানি ন-ফিরেন্। ইয়েনত্তে সেই জাগানিরে তে অঘধা কুয়ো ধুরিলো,

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

যোহন 14:13

তুমি মঅ নাঙে যিয়েনি মাগিবা সিয়েনি মুই গুরিম্, যেন বাবা মহিমাগান্ পুয়োবোর্ মাধ্যমে ফগদাং পায়।

যোহন 15:7

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

২ করিন্হীয় 2:16

মাত্তর্ যিগুনে ভস্ত অদন্ তারা ইধু আমার্ তুম্বাজ্‌চান অলঅ মরণর্ বাচ্‌, যিয়েনর ফল অলঅ উমর্‌অ মরণ, আর যিগুনে উদ্ধোর্ পাদন্ তারা ইধু আমি জিংকানির বাচ্‌, যিয়েনর ফল অলঅ উমর্‌অ জিংকানি। এ কামর্ যগাজ্জ্যে কন্না?

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

১ যোহন 3:22

সিয়েনত্যে আমি যিয়েনি মাগিবোং সিয়েনি তাত্তুন্ পেবং, কিয়া তে যেদক্কানি উগুম দিয়্যে সিয়েনি আমি পালন গুরিই আর তে যেদক্কানি কামত্ হুজি অয় আমি সিয়েনি গুরিই।