যাকোব 1:26 - Chakma Bible

²⁶ কেঅ যুনি নিজোরে ধার্মিক মনে গরে অদচ নিজোর্ জিলানরে ন-সামালায় তে নিজোরে থগায়। তার্ ধর্মর্ কামানি মিজে।

যাকোব 1:26 Iomraidhean Croise

ইয়োব 15:13

ইয়েন্দোই দঅ তুই গোজেন বিরুদ্ধে রাগ গোজ্যস্‌ আর এ বেক্‌ কধানি তঅ মুয়োত্তুন্‌ নিগিলেয়োচ্।

ইয়োব 30:11

গোজেনে মরে বলনেইয়্যে গোজ্য আর মরে দুগোত্ ফেলেয়্যে; সেনত্তে তারা কনঅ মানা ন-মানিনে মঅ বিরুদ্ধে উঠ্যন্।

গীতসংহিতা 141:3

ও লগেপ্রভু, মর্ মুয়োন উগুরে তুই চুগিদার বজা, মঅ ঠুট্‌তোর দরান্ তুই চুগি দে।

গীতসংহিতা 32:9

তুমি ঘোড়া বা গাধা ধোক্ক্যেন ন-ওয়ো যিগুনোর বুঝিবার খেমতা নেই; মুয়োত্ লাগাম আর দুড়িলোই তারারে দোঙেই রাগা পড়ে, সিয়েনি ন-দিলে তারা তমা ইদু ন-এবাক্।

গীতসংহিতা 34:13

সালে তে জিল্লোই বজং কধা ন-হোক্, আর ঠুট্‌তোই ছলনার্ কধা বার্ ন-গোরোক্।

গম্ উপদেজ্ 10:19

বেজ্ কধা ভিদিরে ভান্ন্যেই কিজু থায়, মাত্তর্ যে তা মুয়োন দোঙেই রাগায় তে বুদ্ধবলা।

গম্ উপদেজ্ 10:31

গোজেন ভক্তগুনোর্ মুয়োনিত্তুন্ জ্ঞান কধা নিগিলি এজে, মাত্তর্ যে জিলানে বেঙা বেঙা কধা কয় সিয়েন কাবি ফেলা অবঅ।

গম্ উপদেজ্ 14:12

এক্কান পথ আঘে যিয়েন মান্‌জ্য চোগেদি ঠিগ্ মনে অয়, মাত্তর্ সে পথ্‌তানর শেজদি থায় মরণ।

গম্ উপদেজ্ 15:2

জ্ঞানী মান্‌জ্যর মুয়োনে জ্ঞানান্ গমেডালে বেবহার গরে, মাত্তর্ জ্ঞাননেইয়্যে মুয়োনিত্তুন্ ভুল্-বেদমা গঙার ধোক্ক্যেন নিগিলি এজে।

গম্ উপদেজ্ 16:10

রাজার মুয়োনত্ বিচেরর ন্যায্য রায় থায়; তা কধাগান ন্যায়বিচেরর্ বিরুদ্ধে ন-যায়।

গম্ উপদেজ্ 16:25

এক্কান পথ আঘে যিয়েনে মান্‌‌জ্য চোগেদি ঠিগ্ বিলিনে মনে অয়, মাত্তর্ সে পথ্‌তান পরেদি আগেদে মরনান্।

গম্ উপদেজ্ 19:1

যে বিবেচনা নেইয়্যে মানুচ্চো বেঙা-টেরা কধা কয় তাত্তুন্ সেই নাঢা মানুচ্চো গম্ যে গমেডালে আঢাউদো গরে।

গম্ উপদেজ্ 21:26

এন্ মানুচ্ আগন যিগুনে নিত্য লুভ্ গরন, মাত্তর্ গোজেন ভক্ত মান্‌জ্যে গমেডালে দান গরন্।

যিশাইয় 1:13

বাজে উৎসর্বর জিনিস তুমি আর ন-আন্য। তমার্ আগর্‌বাট্টি জ্বালানা মর্ ঈচ্ লাগে। আঙোস্যে, জিরেবার্ দিন আর ধর্মীয় তেম্মাং-তমা পাপত্তে মুই এ তেম্মাঙানি সোজ্য গুরি ন-পারং।

যিশাইয় 44:20

তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

মালাখি 3:14

তুমি কোইয়ো, ‘গোজেনর্ সেবা গরানা অনত্তক্। তার্ রীদি-সুদোম মজিম্ কাম্ গুরিবাত্তে আর আপ্‌সোজ্ গুরিনে বেগত্তুন্ খেমতাবলা লগেপ্রভুর মুজুঙোত্ আদাউদো গুরিনে আমার কি লাভ্ অলঅ?‌‌‌‌‌

মথি লেখ্যে গম্ হবর্ 15:9

তারা মিজে মিজে মর্ উবোসনা গরন্; তারার্ দিয়্যে শিক্ষ্যেনি মান্‌জ্যর্ বানেয়্যে কয়েক্কান সুদোম্ বানা।

মার্ক 7:7

তারা মিজে মিজে মর্ উবোসনা গরন্, তারার্ দিয়্যে শিক্ষ্যে মান্‌জ্যর্ বানেয়্যে কয়েক্কো সুদোম্ বানা।

লূকে লেখ্যে গম্ হবর্ 8:18

উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”

১ করিন্হীয় 15:15

ইয়েনি বাদে এ কধাগান্ প্রমাণ অত্তে যে, গোজেন পৌইদ্যেনে আমি মিজে সাক্ষ্য দির্, কিয়া আমা সাক্ষ্যগান ইয়েন, গোজেনে খ্রীষ্টরে মরণত্তুন্ জেদা গুরি তুল্ল্যে। মাত্তর্ যুনি মরাগুনোরে জেদা গুরি তুলো ন-অয় সালে তে খ্রীষ্টরেয়ো জেদা গুরি ন-তুলে,

১ করিন্হীয় 15:2

যে কধাগান্ মুই তমা ইধু ফগদাং গোজ্জ্যং সিয়েন যুনি তুমি দরমর গুরি ধুরি রাগেই থাগঅ সালেই তুমি সেই গম্ হবরানর্ মাধ্যমে পাপত্তুন্ উদ্ধোর্ পর্-খালিক্ যুনি তমার বিশ্বেজ্‌চান বানা বারেদি ন-অয়।

১ করিন্হীয় 3:18

তুমি কেঅ নিজোরে ফাগি ন-দুয়ো। তমাত্তুন্ যুনি কেঅ এ যুগোর চিন্তেলোই নিজোরে জ্ঞানী মনে গরে সালে তে মূর্খ ওক্‌ যেন তে ঘেচ্চেকগুরি জ্ঞানী ওই পারে,

গালাতীয় 2:6

মন্ডলীর গণ্যমান্য মানুচ্চুনে গম হবর্ পৌইদ্যেনে নুয়ো কনঅ কিচ্চু মরে ন-জানান্। আসলে তারা যিয়েন অদাক্ সাৎ সিয়েনিলোই মুই কিচ্চু মনে ন-গরং।

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

গালাতীয় 3:4

তুমি কি মিজে মিজে এদক্ দুঘ্ ভুগোর্? মুই আজা গরং তমার্ সেই দুঘ্ ভুগোনা অনত্তক্ ন-অয়।

গালাতীয় 6:3

কিচ্চু ন-ওইনেয়ো কেঅ যুনি নিজোরে বিশেষ কিজু বিলিনে মনে গরে সালে দঅ তে নিজোরে থগায়।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

ইফিষীয় 5:4

কনঅ বাবোত্যে লাজত্ পরিবার আচার-বেবহার আর বাজে আহ্ কজরা ঠাট্টা-তামাজার্ কধাবাত্তা যেন তমা ইধু ন-অয়, কিয়া ইয়েনিয়ো ন-মানায়। তাত্তুন্ বরং তুমি গোজেনরে ভালেদি জানঅ।

দ্বি’লম্বর বিররণ 11:16

মাত্তর্‌ তুমি উঝিয়ার্‌ থেবা, সিয়েন ন-গুরিলে তুমি ছলনাত্ পুরিনে লগেপ্রভুত্তুন্‌ সুরি যেবা আর দেব-দেবেদার্‌ সেবা আর পূজো গুরিবা।

কলসীয় 4:6

তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;

যাকোব 1:22

বানা গোজেন কধানি শুনিলে ন-চলিবো, সেবাবোত্যে গুরি কাম্‌অ গরা পরিবো। যুনি তুমি বানা গোজেনর্ কধানি শুনো মাত্তর্ সে ধগে কাম্ ন-গরঅ সালে তুমি নিজোরে থগর্।

যাকোব 2:20

হায় ভুলো! কাম্ বাদে বিশ্বেজ্‌চান যে ফল-নেইয়্যে সিয়েনর প্রমাণান্ কি তুই চাজ্?

১ পিতর 3:10

পবিত্র বোইবোত্ লেগা আঘে, যে সুগী জিংকানি কাদেবার্ চায় আর সুদিন চেবার্ আজা গরে, ভান্ন্যেই কধাত্তুন্ তা জিলানরে, ছলনার্ কধাত্তুন্ তা ঠুদ্‌তোরে তে সামোলোক্।