যাকোব 1:17 - Chakma Bible

¹⁷ জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

যাকোব 1:17 Iomraidhean Croise

পত্থম 41:16

জোবত্‌ যোষেফে ফরৌণরে কলঅ, “সে খেমতাগান মর্‌ নেই। মাত্তর্‌ গোজেনে রাজা বাবুর্ স্ববনর্‌ অত্তগান্‌ কোই দিইনে তা মনান্‌ শান্ত-গুরিবো।”

১ বংশধর 22:12

লগেপ্রভু তঅ উগুরে যেক্কেনে ইস্রায়েলর শাজন্ গুরিবার্ ভারান্‌ দিবো সেক্কে যেনে তে তরে বুদ্ধি-বিবেচনা আর বুঝিবার বলান্‌ দে যেনে তুই তর্‌ গোজেন লগেপ্রভুর রীদি-সুদোম মানিনে চলি পারচ্‌।

১ বংশধর 29:19

মর্ পুয়ো শলোমনরে এধোক্ক্যেন উজুউস্যে মান্‌জ্য মন দান গুরিচ্‌ যেনে তে তঅ উগুমানি, তঅ কধানি আর তঅ সুদোমানি পালেই পারে আর মুই যে পাক্কা ঘরান্‌ বানেবার্‌ যুক্কোল গোজ্যং সিয়েন্‌ বানেই পারে।”

গীতসংহিতা 102:27

মাত্তর্ তুই আগঅ ধোক্ক্যেন থেবে; তর্ জিংকানিগান কনদিন্‌অ থুম্ ন-অবঅ।

গীতসংহিতা 122:6

তুমি যিরূশালেমর সুগ-শান্দিত্ত্যে এ তবনাগান গরঅ, “যিগুনে যিরূশালেমানরে কোচ্‌পান তারার মংগল ওক্।

গীতসংহিতা 136:7

যিবে দাঙর্ বেলান্, চানানরে আর তারাগুনোরে বানেয়্যে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গীতসংহিতা 85:12

যিয়েন গম লগেপ্রভু ঘেচ্চেক্‌গুরি সিয়েন দিবো, আর আমা দেজ্‌ছানে খেত-খেত্তি দিবো।

গম্ উপদেজ্ 2:6

কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

যিশাইয় 28:26

তা গোজেনে তারে উগুম দে আর তারে ঠিগ পথ্‌তান্ শিক্ষ্যে দে।

যিশাইয় 45:7

মুয়ই পহ্‌‌র আর আন্ধারানরে বানেয়োং; মুয়ই ভালেদি আনং আর সর্বনাশ সৃট্টি গরং। মুই লগেপ্রভু ইয়েনি গুরি থাং।

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিশাইয় 60:19

দিনো অক্তত্ বেলান পহ্‌র আর দরকার ন-অবঅ,‌‌‌‌‌‌‍‍ চানানর্ জোল্‌জোল্যে পহ্‌রান তর্ ন-লাগিবো,‌‌‌‌‌‌‍‍‌‌‌‌‌‌‍‍ কিত্তে লগেপ্রভুই অবঅ তর্ জিংকানিবরর্ পহ্‌‌‌‌‌‌‌‍র,‍ আর তর্ গোজেনে অবঅ তর্ সয়সাগোজ্যে।

মালাখি 3:6

“মুই লগেপ্রভু, মর্ কনঅ পরিবত্তন্ নেই। সেনত্তে ও যাকোবর্ বংশধরুন, তুমি ভস্ত ন-অর্।

গণাণা 11:17

মুই সিয়েনত্‌ লামি এইনে তঅ সমারে কধা কোম্‌। তঅ উগুরে যে আত্মাগান্‌ আঘে মুই সিয়েনরে তারা উগুরেয়ো দিম্‌। মানুচ্চুনোর্‌ ভারান্‌ বুয়োই নিবাত্তে তারা তরে সাহায্য গুরিবাক। সেক্কে তত্তুন্‌ আর গায়্‌ গায়্‌ দায়িত্বোগান বুয়োই নেযা ন-পুরিবো।

গণাণা 11:25

সেক্কে লগেপ্রভু সেই মেঘ ভিদিরে গুরি লামি এইনে মোশি সমারে কধা কলঅ। মোশি উগুরে যে আত্মাগান্‌ এলঅ তাঁরে তে সেই সত্তুরজন বুড়ো নেতা উগুরেয়ো দিলো। যেক্কে সেই আত্মাগান্‌ তাঁরা উগুরে এলঅ সেক্কে কয়েকদিনোত্তে তাঁরা ভাববাদী ইজেবে কধা কোইয়োন।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

মথি লেখ্যে গম্ হবর্ 7:11

তুমি বজং ওইনেয়ো যুনি নিজো পুয়ো ছাগুনোরে গম্ গম্ জিনিস দিবাত্তে জান, সালে যিগুনে তমা স্বর্গর্ বাবা ইধু চান্ তে যে তারারে গম্ গম্ জিনিস দিবো ইয়েন কত্তমান্ সত্য!

লূকে লেখ্যে গম্ হবর্ 11:13

সালে তুমি বজং অলেয়ো যুনি তমা ঝি-পুয়োগুনোরে গম্ গম্ জিনিস দিবাত্তে জান, মাত্তর্ যিগুনে স্বর্গর্ বাবঅ ইধু চান্, তে যে তারারে পবিত্র আত্মাগান্ দিবো ইয়েন কত্তমান্ ঘেচ্চেক্‌গুরি নয়!”

যোহন 1:9

তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 3:27

ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

প্রেরিত্‌ 11:18

এ কধাগান্ শুনিনে যিহূদিয়ার বিশ্বেজিগুনে আর্ আবিত্তি ন-গুরিনে গোজেনরে বাঈনী গুরিনে কলাক্, “সালে গোজেনে অযিহূদীগুনোরেয়ো জিংকানি পেবাত্যে পাপত্তুন্ মনানি ফিরেবার সুযোগ্ দিলো।”

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

ইফিষীয় 1:18

মুই আরঅ তবনা গরং যেন তমার মনর্ চোগ্‌কুন খুলো যায়, যেন তার্ ডাগানার্ কারনে তমা মনত্ যে আজা জাগি উঠ্যে সিয়েনি তুমি বুঝি পারঅ; আর সে লগে ইয়েন-অ বুঝি পারঅ যে, তা ইধু তা মানুচ্চুনে কত্তমান এক্কান দাঙর্ সোম্বোত্তি আর আমি যিগুনে বিশ্বেজি আমা মনত্ তার্ কত্তমান দাঙর্ বল্ কাম গরের্।

ইফিষীয় 2:8

গোজেনর্ দোয়্যেই বিশ্বেজর্ মাধ্যমে তুমি পাপত্তুন্ উদ্ধোর্ পেয়ো। ইয়েন তমার্ নিজোর্ মাধ্যমে ন-অয়, সিয়েন গোজেনর্ দান।

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।

ফিলিপীয় 1:29

তমারে দোয়্যে গরা ওইয়্যেদে যেন তুমি যে বানা খ্রীষ্ট উগুরে বিশ্বেজ্ গুরি পারঅ এমন নয়, সিয়েনত্যে দুঘ্‌‌অ ভুগি পারঅ।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

ইব্রীয় 13:8

যীশু খ্রীষ্ট গেল্লে কেল্ল্যে যেধোক্ক্যেন এলঅ, এচ্চ্যেয়ো সেধোক্ক্যেন আঘে আর উমর্ সং সেধোক্ক্যেন থেবঅ।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যাকোব 3:15

এবাবোত্যে জ্ঞান স্বর্গত্তুন্ লামি ন-এজে, বরং পিত্‌থিমীর্, ভান্ন্যেই আওজর্ আর ভান্ন্যেই আত্মাগুনো সমারে তার্ উদোন্ বজন্;

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ যোহন 1:5

আমি যে কধাগান যীশু খ্রীষ্টত্তুন্ শুনিনে তমারে জানের্ সিয়েন অলঅ গোজেন পহ্‌রান; সিয়েন ভিদিরে আন্ধার্ বিলিনে কিচ্চু নেই।

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।

১ শমূয়েল 15:29

যিবে ইস্রায়েলর বাঈনী পেবার্ তে মিজে কধা ন-কয় বা মনান্অ ন-বদলায়। তে মানুচ্ নয়দে যে, মনান্অ বোদোলেব।”