যিশাইয় 9:3 - Chakma Bible

³ তুই সেই জাদ্‌তোরে দাঙর্ গুরিবে‌ আর তারার্ হুজিগানি বাড়েই দিবে; খেত্-খেত্তি কাবিবার অক্তত্ মান্‌জ্যে যেধোক্ক্যেন্ ফুত্তি গরন্, লুদেয়্যে মাল ভাগ্ গুরিবার অক্তত্ যেধোক্ক্যেন্ ফুত্তি গরন্, সেধোক্ক্যেন্ গুরি তারা তঅ মুজুঙোত্ ফুত্তি গুরিবাক্।

যিশাইয় 9:3 Iomraidhean Croise

নহিমিয় 9:23

আগাজ তারা ধোক্কেন্‌ তুই তারারে বোউত্‌ পূঅ-ছা দুয়োজ্‌ আর তুই তারারে সে দেজত্‌ নেযেয়োজ্‌ যে দেজ্‌ছানত্‌ সুমিনে সিয়েন্‌ গজক্‌ গুরিবার্‌ কধা তুই তারার্‌ পূরোণিমানুচ্চুনোরে কোইয়োচ্‌।

ইয়োব 12:23

তে জাত্‌তুনোরে দাঙর্ গরে আর ভস্তয়ো গরে, তারারে বাড়েই তুলে আরঅ বন্দী দজানিয়ো নেযায়।

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

গীতসংহিতা 119:162

যুদ্ধোত্ পেইয়্যে পযাপিরালোই মান্‌জ্যে যেবাবোত্যে হুজি অন, ঠিগ্ সেধোক্ক্যেন তর্ এগেমানিত্তে মুই হুজি অং।

গীতসংহিতা 4:7

বোউত্ গুলোগুলি আর নুয়ো আংগুর-রস পেলে মানুচ্চুনোর যেধোক্ক্যেন্ মনানি হুজি অয়, তাত্তুনো বেশ্ রঙ্গ-ফুত্তিলোই তুই মঅ মনান্ ভোরেই রাগেয়োচ্।

যিশাইয় 10:26

বেগত্তুন্ খেমতাবলা লগেপ্রভু ওয়েব মুড়োবোত্ মিদিয়নরে আঘাত্ গুরিবার সময়োত্ যেবাবোত্যে গোজ্যে সেবাবোত্যে গুরি তে চাবুক্কোই আসিরিয়গুনোরে মারিবো। মিসরত্ যেবাবোত্যে গোজ্যে সেবাবোত্যে গুরি তে পানি উগুরে তা লুদিক্কো তুলিবো।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 14:5

পাজিগুনোর্ লুদিক্কো আর শাজন্‌গুরিয়্যেগুনোর শাজন লুদিক্কো লগেপ্রভু ভাঙি দিবো।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 26:15

ও লগেপ্রভু, তুই এ জাদ্‌তোরে দাঙর্ গোজ্যস্; এ জাদ্‌তোরে দাঙর্ গুরিনে তুই বাঈনী পেইয়োচ্; তুই দেজর্ বেক দুযিগান্ বাবেই দুয়োচ্।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 54:1

লগেপ্রভু কোইয়্যেদে, ও ভায্ মিলেবো, যিবের কনদিন্অ পুয়ো ন-অয়, তুই হুজিয়ে গান গাহ্; তুই, যিবের্ কনদিন্অ পুয়ো ফুদেবার পেটপিড়ে ন-অয়, তুই জদবদে গান গাহ্, হুজিয়ে রঅ ছাড়্; কিত্তে যিবের্ নেগ্ আঘে তাত্তুন্ যিবের কনজন নেই তার পুয়ো-ছা বোউত্ অবাক্।

যিশাইয় 55:12

তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 61:7

মঅ মানুচ্চুনে লাজ বদলে সোম্বোত্তির দ্বিগুন ভাগ পেবাক্, আর অসর্মান বদলে তারা তারার সোম্বোত্তিগানিত্ রঙ্গফুত্তি গুরিবাক্। তারা দেজত্ তারা দ্বিগুন ভাগ পেবাক্ আর তারার উমরর্ হুজির হবর্ অবঅ।

যিশাইয় 65:14

মনত্ হুজি আঘে বিলিনে মঅ চাগরুনে গিদ্ গেবাক্, মাত্তর্ তুমি মনত্ দুঘে কানিবা আর মনানি ভাঙিনে অবিলেচ্ গুরিবা।

যিশাইয় 65:18

মুই যিয়েন বানেম্ তুমি যেনে উমরত্যে হুজি থাগঅ আর ফুত্তি গরঅ, কিত্তে মুই যিরূশালেমানরে এক্কান ফুত্তির্ জিনিস আর তা মানুচ্চুনোরে এক্কান হুজির্ জিনিস ইজেবে বানেম্।

যিশাইয় 66:10

তুমি যিগুনে যিরূশালেমানরে কোচ্‌পঅ তুমি তা সমারে ফুত্তি গরঅ, তাত্তে হুজি অ; তুমি যিগুনে তাত্তে দুঘ্ গোজ্য তুমি তা সমারে হুজি অ।‌

যিরমিয় 31:7

লগেপ্রভু কোইয়্যেদে, তুমি যাকোবত্তে হুজি মনে গিদ্ গঅ; বেগত্তুন সেরা জাদত্তে হুজির্ রঅ গরঅ। তুমি নাঙ্ গিনিনে কঅ, ও লগেপ্রভু, তঅ মানুচ্চুনোরে, ইস্রায়েলর বাঁজি থেইয়্যে মানুচ্চুনোরে উদ্ধোর্ গর্।

হোশেয় 4:7

ধর্মগুরুগুন জনেদি যেদক্ বাড়দন্ সেদক্ তারা মঅ বিরুদ্ধে পাপ গত্তন্, সেনত্তে মুই সর্মানর্ বদলে তারারে অসর্মানিত গুরিম।

লেবীয় 26:13

মুই লগেপ্রভু তমার গোজেন। মিসর দেজত্তুন্‌ মুয়ই তমারে নিগিলেই আন্যং যেনে মিসরীয়গুনোর্‌ চাগর্‌ ওইনে তমাত্তুন্‌ আরঅ থাহ্ ন-পড়ে । কানাগানর্‌ জুঙোলান্ ভাঙি ফেলেইনে মুয়ই তমা মাদাগুন উজু গুরিনে আদিবার্‌ অবস্থাত্‌ আন্যং।

সখরিয় 10:8

মুই তারারে শিক্ কারিনে ডাগিম্ আর এক সমারে এগত্তর্ গুরিম। মুই তারারে উদ্ধোর্ গুরিম বিলিনে তারা আগ ধোক্ক্যেন জনেদি বোউত্ অবাক্।

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

লূকে লেখ্যে গম্ হবর্ 11:22

মাত্তর্ যেক্কেনে তাত্তুন্ বেশ্ বোলী কনজন্ এইনে যুনি তারে আক্রমন্ গুরিনে অদেই দে সালে তে যে আত্ত্যেরুনো উগুরে নির্ভর গোজ্যে, অন্য মানুচ্চো সিগুন কাড়ি নেযায় আর লুদেয়্যে জিনিস্‌‌চানি ভাগ গুরি নেযায়।

প্রেরিত্‌ 8:8

সেক্কে সে শঅর মানুচ্চুনে অমকদ হুজি অলাক্।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

বিচের গুরিয়্যেগুন 5:3

ও রাজাগুন, তুমি শুনো; ও শাজন্‌ গুরিয়্যেগুন, তুমি শুনো; মুই লগেপ্রভুর নাঙে গান গেইম্‌, ইস্রায়েলর গোজেন লগেপ্রভুর নাঙে নাঙ্ গিনেদে-গান গেইম্‌।

বিচের গুরিয়্যেগুন 7:22

তিনশত্‌ শিংগা বাজেবার অক্তত্‌ লগেপ্রভু এন্‌ গুরিলো যার্‌ ফলে তাম্বুলো ভিদিরে বেক মানুচ্চুনে একজনে আরেকজনরে তলোয়ারলোই আক্রমণ গরা ধুরিলাক্‌। সেক্কে মিদিয়নীয় সৈন্যগুনে টব্বতর কায়-কুরে আবেল-মহোলার দুযিবো সং আর সরোরার ইন্দি বৈৎ-শিট্টা সং ধেই গেলাক্‌।

বিচের গুরিয়্যেগুন 8:12

সেবহ আর সল্‌মুন্ন নাঙে মিদিয়নীয়গুনোর সেই দ্বিবে রাজা ধেই গেলাক্‌। মাত্তর্‌ গিদিয়োনে লোড়েইনে তারারে ধুরি ফেলেল, সেক্কে তারার পুরো সৈন্যদলুনে গিদিয়োনরে অমহদ দোরেলাক্‌।

১ শমূয়েল 30:16

পরেন্দি তে দায়ূদোরে সে দল ইদু নেযেল। তারা সেক্কে এক্কো মাদ ভিদিরে ছিদি পোজ্যন্‌ আর হানা-দানা গোজ্যন্‌ আর মদ খেইনে ফুত্তি গোজ্যন্‌, কিত্যে পলেষ্টীয়গুনোর দেজ্‌চান আর যিহূদা চাগালাত্তুন্‌ তারা বোউত্‌ পযাপিরা লুদেইনে আন্যন্‌।