যিশাইয় 9:2 - Chakma Bible

² যে মানুচ্চুনে আন্ধারত্ চলন্ তারা দাঙর্ পহ্‌‌র দেগিবাক্; যিগুনে গুর্‌‌গুজ্যে আন্ধার দেজত্ বজত্তি গরন্ তারা উগুরে সে পহ্‌‌রান জুলিবো।

যিশাইয় 9:2 Iomraidhean Croise

ইয়োব 10:21

মুই যাদিমাদি আন্ধার্‌ আর ঘুর্‌ঘুজ্যে ছাবা দেজত্‌ যেম্‌; মুই আর্‌ কনদিন্‌অ ফিরি ন-এম্‌।

গীতসংহিতা 107:10

তারা আন্ধারত্, ঘুর্‌গুজ্যে আন্ধারত্ বোই এলাক্, সেই বন্ধীগুনে দুঘে আর লুয়োর্ শিগোলে দুঘ্ পাদন্;

গীতসংহিতা 107:14

আন্ধার আর মরণ মুয়োত্তুন্ তে তারারে নিগিলেই আনিলো; তে তারার শিগোলানি ভাঙি দিলো।

গীতসংহিতা 23:4

ঘুর্‌‌গুজ্যে আন্ধারে ঢাক্যে কলগ্‌কানি পার্ ওয়া পুড়িলেয়ো মুই দজা এলে ন-দোরেম, কিত্যে তুয়ই মঅ সমারে আগচ্; তর্ মুগোর্ আর লুদিক্কুনে দযার্ দর্‌গরেদেগানি দূর্ গুরি দুয়োন।

গীতসংহিতা 4:8

ও লগেপ্রভু, তুয়ই মরে দর্‌বুগ্ নেইয়্যে গুরি রাগেয়োচ্, সেনত্তে মুই বিচ্ছোনত্ পড়িনে গমেডালে ঘুম্ যেম্।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিশাইয় 60:19

দিনো অক্তত্ বেলান পহ্‌র আর দরকার ন-অবঅ,‌‌‌‌‌‌‍‍ চানানর্ জোল্‌জোল্যে পহ্‌রান তর্ ন-লাগিবো,‌‌‌‌‌‌‍‍‌‌‌‌‌‌‍‍ কিত্তে লগেপ্রভুই অবঅ তর্ জিংকানিবরর্ পহ্‌‌‌‌‌‌‌‍র,‍ আর তর্ গোজেনে অবঅ তর্ সয়সাগোজ্যে।

যিশাইয় 9:1

মাত্তর্ যিগুনে আগেদি দুঘোত্ এলাক্ তারাত্তে আন্ধার আর্ ন-থেবঅ। আগ দিনোত্ গোজেনে সবূলূন আর নপ্তালি চাগালাগানরে তলে লামেই দিয়্যে, মাত্তর্ আগামিদি সাগর পার পথ্‌তান ধুরিনে যর্দন গাঙর্ পূগ পার চাগালা সং অযিহূদীগুনোর্ গালীলানরে তে সর্মান গুরিবো।

আমোষ 5:8

যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।

মথি লেখ্যে গম্ হবর্ 4:16

যে মানুচ্চুনে আন্ধারত্ বজত্তি গরন, তারা বোউত্ পহ্‌র দেগিবাক্। যিগুনে ঘুর্‍‍গুজ্যে আন্ধার দেজত্ বজত্তি গরন, তারা ইধু পহ্‌র ফগদাং অবঅ।

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

যোহন 12:46

মুই এ জগদত্ পহ্‌র ইজেবে এচ্চ্যং যেন মঅ উগুরে যে বিশ্বেজ্ গরে তে আন্ধারত্ ন-থায়।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

ইফিষীয় 5:8

কিয়া তুমি আগে আন্ধারত্ থেলেয়ো ইক্কিনে প্রভু সমারে মিজেইনে পহ্‌রত এচ্চ্য। পহ্‌রে ভরা মান্‌জ্যর্ যেধোক্ক্যেন চলানা উচিত তুমি সেধোক্ক্যেন গুরি চলঅ,

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

বিচের গুরিয়্যেগুন 5:30

“হামাক্কাই তারা লুদেয়্যে জিনিস পেইয়োন্‌ আর ভাগা-ভাগি গত্তন্‌ নিজো ভিদিরে; পত্তি মরদত্তেই এক্কো বা দ্বিবেদ্দরে মিলে আর সীষরাত্তে রাঙা কাবড়-চুগোর্‌, ফুল্‌‌বলা রাঙা কাবড়-চুগোর্‌, গত্তনাবোর্‌ চেরোকিত্তে দোল্‌ গুরিনে ফুল তুল্যে কাবড়-চুগোর- ইয়েনিই কি তারা লুদেনেই ন-পান”