যিশাইয় 9:18 - Chakma Bible

¹⁸ ঘেচ্চেক্‌গুরি পাজি কামানি আগুনো ধোক্ক্যেন্ জ্বলে, সিয়েনে কাদাঝুপ আর কাদাগাজ্ পুড়ি ফেলায়। সিয়েনে ঝারর্ বেক ঘন ঝুব্‌পুন জ্বালেই দে আর সেক্কে ধূমোগানে পাক্ হেই হেই উগুরে উদে।‌‌

যিশাইয় 9:18 Iomraidhean Croise

১ রাজাবলী 16:21

ইয়েনর্‌ পরেন্দি ইস্রায়েলীয়গুনে দ্বিদলত্‌ ভাগ্‌ ওই গেলাক্‌। তারার্‌ অদ্দেক্‌ মান্‌জ্যে চেলাক্‌ গীনতের পূঅ তিব্‌নিরে রাজা গুরিবাত্তে আর বাগি অদ্দেক্ মান্‌‌জে চেলাক্‌ অম্রিরে রাজা বানেবাত্তে।

গীতসংহিতা 37:20

মাত্তর্ পাজি মানুচ্চুনে ভস্ত ওই যেবাক্; লগেপ্রভুর শত্রুগুনে দোল্ ক্ষেদ্-ক্ষেত্তি ধোক্ক্যেন্ মিলেই যেবাক্, মিলেই যেবাক্ ধূমো ধোক্ক্যেন্ গুরি।

গীতসংহিতা 68:2

ধূমো ধোক্ক্যেন গুরি তুই তারারে উড়েই দে; আগুনো মুজুঙোত্ গলেদে মুম ধোক্ক্যেন পাজিগুনে গোজেনর মুজুঙোত্ ভস্ত ওই যাদোক্।

গীতসংহিতা 83:14

ঝাড়ত্ আগুন বাঁজিলে যেধোক্ক্যেন্ গাজর্ পর গাজর্ পুড়ি যান্ আর আগুনো জিলানে মুড়োকে মুড়ো জ্বালেই দে,

যিশাইয় 1:31

বোলিমন্দ মানুচ্ শুগুনো দার্‌বো গাজ ধোক্ক্যেন্ অবঅ; আর তা কামান অবদে আগুনো জিলো ধোক্ক্যেন্। সিয়েনি এক সমারে পুড়ি যেবঅ; কনজনে সে আগুনানি মারেই ন-পারিবাক্।”

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 27:4

তা উগুরে মর্ রাগ নেই। আহ্, কাদা ঝুব্‌পুনে আর কাদা ঝারানিয়ে যেন মঅ বিরুদ্ধে থিয়েইয়্যে!‍‍‍ সালে মুই তারারে টেঙোই উরিম্ আর সিয়েনি বেক্কানি পুড়ি ফেলেই দিম্।

যিশাইয় 3:5

মানুচ্ মান্‌জ্যরে, পাড়াল্যে পাড়াল্যেরে অত্যেচার গুরিবাক্; চিগোনুনে বুড়োগুনো বিরুদ্ধে উদিবাক্, আর নাঢা মানুচ্চুনে সর্মান পেইয়্যে মানুচ্চুনো বিরুদ্ধে উদিবাক্।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যিশাইয় 33:12

মানুচ্চুন অবাক্ পুড়ি ফেল্যে চিবিদি পাত্তর ধোক্ক্যেন আর কাবি ফেল্যে আগুন দিয়্যে কাদা ঝুবো ধোক্ক্যেন্।”

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিশাইয় 5:24

সেনত্তে আগুনো জিলানে যেধোক্ক্যেন্ দার্‌‌‌বো পুড়ি ফেলায় আর আগুনো ভিদিরে শুগুনো ঘাস পুড়ি যায়, সেধোক্ক্যেন্ গুরি তারার্ গড়াগান্ পুযি যেবঅ আর ধূল্যে ধোক্ক্যেন্ তারার্ ফুলুন্ উড়ি যেবাক্; কিত্তে তারা বেগত্তুন্ খেমতাবলা লগেপ্রভুর্ উগুম এলাফেলা গোজ্যন্ আর ইস্রায়েলর সেই পবিত্র মানুচ্চোর্ কধাগানরে টেঙোই ঠেল্যন্।

যিশাইয় 50:11

মাত্তর্ তুমি যিগুনে আগুন জ্বালেয়ো আর বম্বালোই নিজো বেবস্থাগান গোজ্য, তুমি বেক্কুনে যেইনে তমা আগুনো পহর্‌‌‌‌লোই আর বম্বাগুনো পহ্‌‌‌‌রান্দোই আঢ। মঅ আঢত্তুন্ তুমি যিয়েনি পেবা সিয়েনি অলঅ, পিড়েলোই তুমি পড়ি থেবা।

যিরমিয় 9:3

লগেপ্রভু কোইয়্যেদে, “তারা মিজে সেল্ মারিবাত্তে তারার ধনু ধোক্ক্যেন জিলানরে যুক্কোল্ রাগেয়োন; দেজত্ সত্য উগুরে মিজেগান জিদি যেইয়্যে। তারা পাপ উগুরে পাপ গরা ধোজ্যন্। তারা মরে তারার গোজেন বিলিনে স্বিগের্ ন-গরন।

হোশেয় 13:3

সেনত্তে তারা অবাক্ বেন্যেমাদান কুয়ো ধোক্ক্যেন, অবাক্ অদাদৎ উরি যেইয়্যে বেন্যেমাদান শিরো পানি ধোক্ক্যেন, অবাক্ খামারত্তুন্ বোইয়্যেরে উড়ি যেইয়্যে তুজো ধোক্ক্যেন্, অবাক্ জানালাদি নিগিলি যেইয়্যে ধূমো ধোক্ক্যেন্।

যোয়েল 2:20

“মুই উত্তোরেত্তুন্ এচ্চ্যে সৈন্যদল্লোরে তমাত্তুন্ দূর্ গুরি দিম; শুগুনো আর ভস্ত ওই যেইয়্যে ধূল্যেচর-চাগালাত্ তারারে ধাবেই দিম। তারার্ মুজুঙেদি ভাগ্‌কান পূগেদি সাগরত্ আর পিজেদি ভাগ্‌‌‌‌‌কান পোজিমে সাগরত্ ধাবেই দিম। তারার্ পজাবাজ্ উগুরেদি উদিবো আর সিয়েনত্তুন্ পজাবাজ্ নিগিলিবো, কিত্যেই তারার্ কামানি অলদে অমকদ বাড়্‌বো‌‌‌লোই ভরা।”

যোয়েল 2:3

তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।

আমোষ 7:4

সে পরেদি প্রভু লগেপ্রভু মরে আর এক্কান দর্শন দেগেল। প্রভু লগেপ্রভু সাজা দিবাত্তে আগুনানরে ডাগিলো। সেই আগুনানে দাঙর্ সাগরানরে শুগেই ফেলেল আর ভূইয়ানরে গজক্ গরা ধুরিলো।

ওবদিয় 1:18

যাকোবর বংশবো অবঅ আগুন আর যোষেফর বংশবো অবঅ আগুনো জ্বিল্; এষৌর বংশবো অবঅ নাড়া আর সেই আগুনানে সিয়েনরে পুড়ি ফেলেব। এষৌর বংশর কনজন বাঁজি ন-থেবাক্। মুই লগেপ্রভু এ কধাগান কোইয়োং।”

নহূম 1:10

তুমি মাদি ফেগঅ ভিদিরে দলামজা ওই যেবা আর মদ হেইনে মাত্তল্ অবা; তুমি নাড়া ধোক্ক্যেন পুড়ি যেবা।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।

ইব্রীয় 6:8

মাত্তর্ যে মাদিগানে কাদা-ঝুপ্ আর কাদা লেঙেরা জর্মায় সেই মাদিগান য়েলাফেলা ওই যায় আর সিয়েনত্ অভিশাব্ পড়িবার্ দর্ থায়। যেরেদি মান্‌জ্যে সিয়েন পুড়ি ফেলান্।

ফগদাং পেইয়্যে 14:11

যে আগুনানে এ মানুচ্চুনোরে যন্ত্রণা দিবো সেই আগুনানর্ ধূমোগান উমরত্যে উদোনাত্ থেবঅ। যে মানুচ্চো সেই য়েমান্নো আর তা মূত্তিবোরে পূজো গুরিবো আর তা নাঙানর্ চিহ্নোগানরে লবঅ তে দিনোত্ বা রেদোত্ কনদিনঅ জিরেন্ ন-পেবঅ।”