যিশাইয় 9:14 - Chakma Bible

¹⁴ সেনত্তে লগেপ্রভু ইস্রায়েলর খাজোর্ গাজ ডেলা আর নল-খাগড়া, অত্তাৎ মাঢা আর লেজ্‌চান একই দিনোত্ কাবি ফেলেব।

যিশাইয় 9:14 Iomraidhean Croise

যিশাইয় 10:17

ইস্রায়েল পহ্‌রান অবঅ আগুনো ধোক্ক্যেন্; তারার্ পবিত্র মানুচ্চো অবঅ এক্কান্ জিলো ধোক্ক্যেন্। সেই আগুনানে একদিনে তার বেক্ কাদা ঝুব্‌‌‌‌‌পুন আর কাদাগাজ্‌‌‌‌‌চুন পুড়ি ফেলেব।‌

যিশাইয় 19:15

মিসর ভিদিরে মাঢা বা লেজ, খাজোরো বাগল্ বা নল-খাগাড়া, কনজনে কিচ্চু গুরি ন-পারিবাক্।

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

যিরমিয় 6:21

সেনত্তে লগেপ্রভু কোইয়্যেদে, “এ মানুচ্চুনো মুজুঙোত্ মুই নানান্ বাবোত্যে মানা গুরিম। বাবে-পুয়োই এক সমারে সিয়েনত্ উজোত্ হেবাক্; পাড়াল্যেগুনে আর সমাজ্যেগুনে ভস্ত ওই যেবাক্।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

আবিলেচ্ 4:16

লগেপ্রভু নিজে তারারে ছিদি দিয়্যে; তে তারা উগুরে আর মনযোগ্ ন-দে। মান্‌জ্যে ধর্মগুরুগুনোরে সর্মান ন-দেগান্, দোয়্যে ন-গরন্ বুড়ো নেতাগুনোরে।

হোশেয় 1:4

সেক্কে লগেপ্রভু হোশেয়রে কলঅ, “তুই তা নাঙান্ যিষ্রিয়েল রাগা, কিত্যে যিষ্রিয়েল শঅরত্ বোউত মান্‌জ্যরে যেহূ মারে ফেলেয়্যে বিলি মুই তা বংশবোরে যাদিমাদি সাজা দিম আর ইস্রায়েল রেজ্যগানরে শেজ্ গুরি দিম।‌‌

হোশেয় 1:6

পরেদি গোমরে আরঅ পিদিলী অলঅ সেক্কে তার এক্কো ঝি অলঅ। সেক্কে লগেপ্রভু হোশেয়রে কলঅ, “তুই ঝিবোর্ নাঙান্ লো-রুহামা রাগা (যিয়্যেনর ভেদ্‌তান্ ‘দোয়্যে ন-পেইয়্যে’), কিত্যে ইস্রায়েল মানুচ্চুনোরে আর মুই দোয়্যে ন-গুরিম, কনঅ বাবদে তারারে খেমা ন-গুরিম।

হোশেয় 1:9

সেক্কে লগেপ্রভু কলঅ, তুই তা নাঙান্ লো-অম্মি রাগা (যিয়েনর্ ভেদ্‌তান্ মঅ মানুচ্ নয়), কিয়া তুমি মঅ মানুচ্ নয় আর মুইয়ো তমার গোজেন নয়।

হোশেয় 10:15

ও বৈথেল, তঅ উগুরে সেবাবোত্যে ঘুদিবো, কিত্যে তঅ পাজিগান অমকদ বেশ্। বেন্যে পহ্‌‌‌‌‌‌র অলে ইস্রায়েলর্ রাজারে পুরোপুরিগুরি ভস্ত গুরি ফেলা অবঅ।

হোশেয় 13:3

সেনত্তে তারা অবাক্ বেন্যেমাদান কুয়ো ধোক্ক্যেন, অবাক্ অদাদৎ উরি যেইয়্যে বেন্যেমাদান শিরো পানি ধোক্ক্যেন, অবাক্ খামারত্তুন্ বোইয়্যেরে উড়ি যেইয়্যে তুজো ধোক্ক্যেন্, অবাক্ জানালাদি নিগিলি যেইয়্যে ধূমো ধোক্ক্যেন্।

হোশেয় 4:5

ধর্মগুরুগুন, তুমি দিনোত্ আর রেদোত্ উজোত্ খর্ আর তমা লগে উজোত্ খাদন্ ভাববাদীগুনে। সেনত্তেই মুই তমা মাবো ইস্রায়েলরে ভস্ত গুরি দিম।

হোশেয় 8:8

ইস্রায়েলীয়গুনোরে গিলি ফেলা ওইয়্যে; বাজে জিনিজো ধোক্ক্যেন তারা ইক্কিনে নানান্ জাদ ভিদিরে রোইয়োন।

আমোষ 3:12

লগেপ্রভু কত্তে, “গরগ্‌কুনে‌‌‌‌‌‌ সিংহ মুয়োত্তুন্ যেবাবোত্যে বানা টেঙর্ দ্বিবে আড়্ বা কানর্ এক্কো কট্টা উদ্ধোর্ গুরি পারন সেবাবোত্যে ইস্রয়েলর্ যে মানুচ্চুনে শমরিয়াত্ বজত্তি গরন্ তারা বানা তারা খাদর্ খুদো আর কাবড় পাদালোই উদ্ধোর্ পেবাক্।”

আমোষ 6:11

যেক্কে লগেপ্রভু উগুম দিবো সেক্কে দাঙর্ দাঙর্ ঘরানি আর চিগোন্ চিগোন ঘরানি কট্টা কট্টা গরা অবঅ।

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

ফগদাং পেইয়্যে 18:10

তারা তার্ যন্ত্রণা দেগিনে দরে দূরোত্ থিয়্যেই থেইনে কবাক্, “হায় বাবিল, হায়! সেই নাঙ্-গোজ্জ্যে শঅরান্, খেমতালোই ভরা সেই শঅরান্। এদক্ কম সময়ো ভিদিরে তর্ সাজা লুম্মেগি!”

ফগদাং পেইয়্যে 18:17

এদক্ কম সময়ো ভিদিরে তর্ এমন বেক ধন-সোম্বোত্তিগানি বর্‌বাদ্ ওই যেইয়্যে!” জাহাজর্ আজল্ ধর্মগুরুগুন, পানি পধেদি যেইয়্যেগুন, নাবিক্কুন আর সাগরত্ যিগুনে বেবসা-বানিজ্য গরন তারা বেক্কুনে দূরোত্ থিয়্যেই থেলাক্।

ফগদাং পেইয়্যে 18:8

সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”