যিশাইয় 9:11 - Chakma Bible

¹¹ মাত্তর্ লগেপ্রভু দঅ রৎসীনোর্ বিরুদ্ধে তা শত্রুগুনোরে দরমর গোজ্যে আর তা বিরুদ্ধে তারারে উত্তেজিত গোজ্যে।

যিশাইয় 9:11 Iomraidhean Croise

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 16:9

আসিরিয়ার রাজা রাজী ওইনে দামেস্কগান্ আক্রমণ গুরিনে সিয়েন্‌ গজক গুরি নেযেল। তে সিদুগোর্‌ মানুচ্চুনোরে বন্দী গুরিনে কীরোত্‌ নেযেল আর রৎসীনরে মারে ফেলেল।

যিশাইয় 10:4

তুমি দঅ বন্দীগুনো ভিদিরে থেবা বা মরাগুনোর্ সমাজ্যে অবা; তমার্ গুরিবার আর্ কিচ্চু ন থেবঅ। ইয়েনি অলেয়ো তা রাগ্‌কান ন-থামেব; এজঅ তা আঢ্‌তান তুল্যে আঘে।

যিশাইয় 28:1

হায়, ইফ্রয়িমর্ মাত্তলে ধোজ্যেগুনোর মুকুটো ধোক্ক্যেন্ শঅরান্, যিয়েন্দোই তারা বাড়্‌বো গরন্! হায়, ইফ্রয়িমর্ বাঈনী গোজ্যে দোল্ সেই শুগেই যেইয়্যে মালাবো, যিবে এক্কো বোল্‌‌বোল্যে কলগ মাঢা উগুরে আঘে! আংগুর-রসে সেই কলগর্ মানুচ্চুনোরে হেই ফেল্যে।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিশাইয় 7:1

উষিয়র্ নাদিন্, অত্তাৎ যোথম পুয়ো আহসে যেক্কে যিহূদা দেজর্ রাজা অলঅ সেক্কে অরামর্ রাজা রৎসীন ইস্রায়েলর রাজা রমলিয়র পুয়ো পেকহকরে লগে নেযেইনে যিরূশালেম বিরুদ্ধে যুদ্ধো গুরিবাত্তে গেলঅ, মাত্তর্ তারা সিয়েন জিদি ন-পারিলাক্।

যিশাইয় 7:8

কিত্তে অরামর মাঢাবো দামেস্ক বা কি আর দামেস্কর মাঢা রাজা রৎসীনই বা কন্না? পাচষট্টি বজর ভিদিরে ইফ্রয়িম এবাবোত্যেগুরি ভস্ত অবঅ, জাদ্ ইজেবে তে আর্ ন-থেবঅ।