যিশাইয় 8:7 - Chakma Bible

⁷ সেনত্তে প্রভু ইউফ্রেটিস গাঙানরে জদবদে বান পানি ধোক্ক্যেন্ সয়সাগজ্যে গুরি আসিরিয়ার রাজারে তারার্ বিরুদ্ধে খুব যাদিমাদি আনিবো। সে পানিগানে গাঙানির্ বেক ছড়াগানি আর কাজাকুরেদি জদবদে বেঈ যেবঅ,

যিশাইয় 8:7 Iomraidhean Croise

পত্থম 6:17

আর দেগিবে, মুই পিত্‌থিমীত্‌ এন্‌ এক্কান পানি বান্ গুরি দিম্‌ যেনে আগাজ তলে যে বেক্‌ প্রাণীগুন নিজেস্‌ ফেলেনে বাঁজি আগন্‌ সিগুন বেক্কুন শেজ্ ওই যেবাক্। পিত্‌থিমীর বেক্‌ প্রাণীগুন সেক্কে মুরি যেবাক্।

২ রাজাবলী 19:32

“সেনত্তে আসিরিয়ার রাজা পৌইদ্যেনে লগেপ্রভু এ কধাগান্‌ কোইয়্যে, ‘তে এ শঅরত্‌ নঅ-সোমেব বা ইদু এক্কো সেল্‌অ নঅ-মারিবো। তে ঢাল্লোই মুজুঙোত্‌ নঅ-এবঅ বা ঘিরিনে উদোনি-লামোনি গুরিবাত্তে কিচ্ছু নঅ-বানেব।

গীতসংহিতা 46:4

এক্কান গাঙ্ আঘে যিয়েনর ভালোক্কানি ছড়া আঘে গোজেনর শঅরানরে হুজিয়ে রাজিয়ে রাগায়, হুজিয়ে রাগায় সেই সুদ্ধো-সাংগ জাগায়ান যিয়েনত্ দাঙর্ গোজেনে থায়।

গীতসংহিতা 72:8

তা রেজ্যগানর দুযিগান্ সাগরত্তুন সাগর সং, ইউফ্রটিস্ গাঙত্তুন্ পিত্‌থিমীর শেজ্ দুযি সং ওক্।

যিশাইয় 10:16

সেনত্তে বেগত্তুন্ খেমতাবলা প্রভু লগেপ্রভু আসিরিয়ার্ বোলী যোদ্ধাগুনে উগুরে এক্কান ক্ষয়-নেযাইদ্যে রোগ্ পাধেই দিবো; তার জাক্‌জমক্কান তলে জোল্-জোল্যে জিলো ধোক্ক্যেন্ গুরি আগুন জ্বালা অবঅ।

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 11:15

লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্‌লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্‌তো নালা বানেব, যেন মান্‌জ্যে জদা পিনিনে পার্ ওই পারন্।

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিশাইয় 28:17

মুই ন্যায়বিচেরানরে মাবর্ দুড়ি আর সততাগানরে ওলনদুড়ি গুরিম্; শিলোঝরানে তমারে আশ্রয় জাগা ধোক্ক্যেন্ মিজেগানরে ভস্ত গুরি দিবো, আর বান পানিগানে তমার পোল্যে থেবার্ জাগায়ান ভাজেই নেযেব।

যিশাইয় 28:2

চঅ, প্রভুর্ এক্কো খেমতাবলা আর বোলী মানুচ্ আঘে। শিলোঝড় আর ভস্ত গুরিয়্যে এক্কান বোইয়্যের ধোক্ক্যেন্, অমকদ ঝড় পোজ্যে এক্কান বান ঝড় ধোক্ক্যেন্ তে জুড়ে সেই শঅরানরে মাদিত্ মেলা মারি ফেলেই দিবো।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 59:19

পোজিমেদি মানুচ্চুনে লগেপ্রভুরে ভোক্তিগুরিনে দোরেবাক্ আর পূগেদি মানুচ্চুনে তার মহিমাগান দেগিনে গমেডালে দোরেবাক্, কিত্তে লগেপ্রভু তার নিজেজ্‌‌চোই গদা ভাঙেদে বান পানি ধোক্ক্যেন এবঅ।

যিশাইয় 7:17

যিহূদা আর ইফ্রয়িমর ফারগ্ অবার দিনুনোর্ পরেত্তুন্ ধুরি যিয়েনি কনদিন্অ ন-অয়, লগেপ্রভু তরে আর তঅ মানুচ্চুনো উগুরে আর তঅ বাবঅ বংশ মানুচ্চুনো উগুরে সেবাবোত্যে এক্কো সময় আনিবো। সে অক্তত্ তে আসিরিয়ার রাজারে আনিবো।”

যিশাইয় 7:20

সেদিন্যে প্রভু তমার্ মাঢা চুলানি, টেঙ কেশ্‌চানি আর দাড়ি মুড়ে দিবাত্তে ইউফ্রেটিস গাঙর্ উপারত্তুন্ এক্কান ক্ষুরে, অত্তাৎ আসিরিয়ার রাজারে লোড়েইনে আনিবো।‍‍

যিরমিয় 47:2

“চঅ, উত্তোরেদি কিবাবোত্যেগুরি পানিগান ফুলি উদের্; সিয়েন ওই উদিবো বান পানি গঙার ধোক্ক্যেন্। সিয়েনে দেজত্ আর সিয়েন ভিদিরে বেক্কানি, বেক্ আদাম আর শঅরানি আর সিয়েন ভিদিরে বজত্তি গুরিয়্যে বেক্কুনোরে ডুবেই দিবো। সেক্কে মানুচ্চুনে কানাকুদি গুরিবাক্; দেজত্ বজত্তি গুরিয়্যে বেক্কুনে আবিলেচ্ গুরিবাক্।

যিরমিয় 51:42

বাবিল উগুরে সাগরান উদি এবঅ, তার গুজুরি উঠ্যে তুবোলান্ তারে ঢাগি ফেলেব।

যিহিষ্কেল 26:19

“ও সোর, মুই প্রভু লগেপ্রভু যেক্কে তরে মানুচ্ নেইয়্যে শঅর ধোক্ক্যেন গুরিম যিয়েনত্ কনজনে বজত্তি ন-গরন, যেক্কে সাগর পানিগান তঅ উগুরে আনিম আর তার পানি নাল্লো তরে নাঢি দিবো,

দানিয়েল 11:10

তা পুয়োগুনে যুদ্ধোত্তে যুক্কোল্ ওইনে এক বিরেট্ সৈন্যদল তুবেবাক্ আর দর্‌‌‌গরেপারা বান পানি ধোক্ক্যেন উজেই যেইনে যুদ্ধো গত্তে গত্তে দোগিণো রাজার তাম্বুলান সং যেবাক্।

দানিয়েল 11:22

যে দরমর সৈন্যদল্লো তা বিরুদ্ধে থিয়্যেব তারা উদি যেইনে ভস্ত ওই যেবাক্ আর চুক্তির্ নেতাবোয়ো ভস্ত ওই যেবঅ।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

আমোষ 8:8

ইয়েনত্তে কি দেজ্‌‌‌‌‌‌চান গির্‌‌‌‌‌‌নগিরেব? সিয়েন ভিদিরে বজত্তি গুরিয়্যে বেক্কুনে কি আবিলেচ্ ন-গুরিবাক্? পুরো দেজ্‌‌‌‌‌‌চান মিসরর্ য়্যাল্ গাঙ ধোক্ক্যেন ফুলি উদিনে অশান্ত অবঅ আর সে পরেদি লামিবো।”

আমোষ 9:5

বেগত্তুন্ খেমতাবলা প্রভু লগেপ্রভু দেজ্‌চানরে ধুরিলে গুলি যায় আর সিয়েন ভিদিরে বজত্তি গুরিয়্যে বেক্কুনে আবিলেচ্ হান। তা ধরানাগান্দোই পুরো দেজ্‌‌‌‌‌চান মিসর য়্যেল্ গাঙ ধোক্ক্যেন ফুলি উদে, সে পরেদি লামি যায়।‌‌

মীখা 1:9

ইয়েনর কারনান্ শমরিয়ার ঘা গান আর গম্ ন-অবঅ; সিয়েন যিহূদা ইধু লুম্মেগি। সিয়েন মঅ মানুচ্চুনোর্ গেদো সং, এমন কি, যিরূশালেম সং লুম্মেগি।

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

মীখা 5:5

আর তে সাজা আনিবো। আসিরিয়গুনে যেক্কে আমা দেজ্‌‌‌চান আক্রমন গুরিবাক্ আর আমা তাম্বুলানি টেঙোই উরিবাক্ সেক্কে আমি তা বিরুদ্ধে সাতজন পালগরে, এন্ কি, আষ্টোজন নেতারে তুলিবোং।

নহূম 1:8

মাত্তর্ তে ডুবেই দিয়্যে বান পানিলোই নীনবী শঅরান্ এক্কুবারে শেজ্ গুরিবো; তার্ বিপক্ষগুনোরে তে আন্ধারত্ লোড়েব।

লূকে লেখ্যে গম্ হবর্ 6:48

তে এমন্ এক্কো মান্‌‌‌‌‌জ্য ধোক্ক্যেন, যে ঘরান্ বানেবাত্তে গভীন্ গুরি মাদি কাবিনে পাত্তর উগুরে গড়াগান্ গাড়েল। যেরেদি বান্ এলঅ আর গাঙ পানির গঙার্ সে ঘরান উগুরে এইনে পড়িলো, মাত্তর্ ঘরান লাড়েই ন-পারিলো, কারন সিয়েন দরমর গুরি বানা ওইয়্যে।

ফগদাং পেইয়্যে 17:15

সে পরেদি সেই স্বর্গদূত্‌তো মরে কলঅ, “তুই যে পানিগান দেখ্যচ্, যিবে উগুরে সেই বেশ্যেবো বৈ আঘে, সিয়েনি অলঅ ভালোক্কানি দেশ্, ভালোক্কুন মানুচ্‌, ভালোক্কুন জাত্ আর ভালোক্কানি ভাষা।