যিশাইয় 8:19 - Chakma Bible

¹⁹ মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

যিশাইয় 8:19 Iomraidhean Croise

পত্থম 41:24

এ সাত্তো চ'বা শীজে সেই পক্তা সাত্তো শীজেরে গিলি ফেলেলাক্। মুই এ বেক্‌ কধানি যাদুকরুনোরে কোইয়োং, মাত্তর্‌ কনজনে এ অত্তগান্‌ মরে বুঝেই দি ন-পারিলাক্।”

২ রাজাবলী 1:3

মাত্তর্‌ লগেপ্রভুর্‌ দূত্তো তিশ্‌বীয় এলিয়রে কলঅ, “তুই যেইনে শমরিয়া রাজার পাদেয়্যে মানুচ্চুনোর্‌ লগে দেগা গুরিনে তারারে কঅ, ‘ইস্রায়েলত্‌ কি গোজেনে নেই, তুমি ইক্রোণর দেবেদা বাল্‌-সবূবর ইদু পুযোর্‌ গুরিবাত্তে যর্‌?

২ রাজাবলী 21:6

তে নিজো পুয়োবোরে আগুনোত্‌ পুড়িনে উৎসর্ব গুরিলো। তে যাদু বেবহার গুরিদো আর বাঁজি চেইনে আগাম্ কধা কদঅ আর যিগুনে ভূত্তোই কাম্‌ গরন্‌ আর বজং আত্মা সমারে মিজেন্‌ তে তারা লগে তেম্মাং গুরিদো। তে লগেপ্রভুর চোগেন্দি বোউত্‌ বজং কাম্‌ গুরিনে তারে অহুজি গোজ্যে।

২ রাজাবলী 23:24

ইয়েনি বাদেয়ো যিগুনে ভুত্‌তোই কাম্‌ গরন্‌ আর যিগুনে বজং আত্মালোই মিজেন্‌ যোশিয় তারারে ধাবেই দিলো। তে পরিবার দেবেদামূত্তি, মূত্তি আর যিহূদা আর যিরূশালেমত্‌ যেদক্কানি জঘন্য জিনিস্‌ দেগিলাক্‌ সিয়েনি বেক্কানি ধাবেই দিলো। ধর্মগুরু হিল্কিয় লগেপ্রভুর ঘরত্‌ রীদি-সুুদোম লেগা যে বোইবো তোগেইনে পেইয়োন্‌ সিবের্‌ বেক্‌ কধানি যেনে গমেডালে পালা অয় সেনত্তে যোশিয় এ কামান্‌ গোজ্যে।

১ বংশধর 10:13

লগেপ্রভু উগুরে অবিশ্বেজি ওইয়্যে বিলিনে শৌল মুরি গেলঅ। তে লগেপ্রভুর কধানি মানি ন-চলে; এন্‌ কি, লগেপ্রভু ইত্তুন্‌ সল্লা ন-চেইনে তে বজং আত্মা সমারে মিজেয়্যে মান্‌জ্যত্তুন্‌ সল্লা নেযেয়্যে। সেনত্তে লগেপ্রভু তা মরণ ঘোদেল আর রেজ্যগান্‌ যিশয় পুয়ো দায়ূদ আদত্‌ তুলি দিলো।

২ বংশধর 33:6

বিন্‌-হিন্নোম কিজিঙোত্‌ তা পুয়োগুনোরে তে আগুনোত্‌ পুড়িনে উৎসর্ব গুরিলো। যিগুনে কুলক্ষণ দেগিনে আগাম্ কধা কন্‌, ফু-ফা আর যাদুবিদ্যে বেবহার গুরিনে আর ভূত্‌তুনোর সমাজ্যে অন্‌ আর ভান্ন্যেই আত্মাগুনোর্‌ লগে মিজেন্‌ তে তারা লগে সল্লা গুরিদো। লগেপ্রভুর চোগেন্দি ভালোক্কানি ভান্ন্যেই কাম্‌ গুরিনে তে তারে অহুজি গুরিলো।

গীতসংহিতা 106:28

তারা পিয়োর মুড়োবোত্ বাল দেবেদা পুজোত্ যেইয়োন্ আর মরা মানুচ্চুনোর নাঙে উৎসর্ব গোজ্যে য়েরা হেলাক্।

যিশাইয় 19:3

মিসরীয়গুনে মন বল্ আরেবাক্, আর মুই তারার সল্লাগান্ নিষ্ফল গুরি দিম্। তারা মূত্তি আর মরাগুনোর্ আত্মার্ ইধু, ভূদো ইধু, আর ভান্ন্যেই আত্মাগুনো সমারে মিজেয়্যে রোক্ক্যেগুরিয়্যেগুনো ইধু সল্লা চেবাক্।

যিশাইয় 26:14

তারা ইক্কিনে মুরি যেইয়োন্, আর জেদা নেই; তারার্ আত্মাগানি আর জেদা ওই ন-উদিবো। তুই তারারে সাজা দিইনে ভস্ত গুরি দুয়োচ্; তারার্ বেপারান্ তুই এক্কুবারে পুজি ফেল্যচ্।

যিশাইয় 29:4

তরে তলে লামা অবঅ আর তুই মাদিত্তুন্ কধা কবে; ধূল্যেত্তুন্ লেবেরা-জেবেরা গুরি তঅ কধানি শুনো যেবঅ। ভূদো রঅ ধোক্ক্যেন্ মাদিত্তুন্ তঅ রবো এবঅ; ধূল্যেত্তুন্ তঅ কধানি এক্কেনা এক্কেনা গুরি শুনো যেবঅ।

যিশাইয় 30:2

তারা মঅ লগে সল্লা ন-গুরিনে মিসরত্ যান; তারা সাহায্যত্তে ফরৌণর আশ্রয় চান্ আর মিসরর্ ছাবাগানত্ আশ্রয় লোই পারন্।

যিশাইয় 45:11

“লগেপ্রভু, যিবে ইস্রায়েলর সেই সুদ্ধো-সাংগ মানুচ্, যিবে তারে বানেয়্যে, তে এ কধাগান কোইয়্যে, ‘তুমি কি আগাম্ ঘটনা পৌইদ্যেনে মরে পুযোর্ গরর্? মঅ পুয়ো-ছাগুনো পৌইদ্যেনে বা মঅ আঢ কামানি পৌইদ্যেনে কি মরে উগুম্ দুয়োর্?

যিশাইয় 47:12

“যেদক্কানি যাদুবিদ্যে আর মন্ত্রতন্ত্রত্তে তুই চিগোনত্তুন্ ধুরি কাম্ গরর্ সিয়েনি তুই চালেই যাহ্। অয়ত তুই সফল অবে, অয়ত তুই দর্ দেগেই পারিবে।

যিশাইয় 47:13

তুই যেদক্কানি সল্লা পেইয়োচ্ সিয়েনি বানা তরে বল্‌‌‌পোজ্যে গোজ্যে। তর্ গোণোক্ক্যেগুনো মুজুঙোত্ এজোদোক্; তারাগুন দেগিনে মাসর্ পর মাস যিগুনে আগাম্ কধা কন্ তারা তঅ উগুরে যিয়েনি এজের্ সিয়েনিত্তুন্ তরে রোক্ষ্যে গোরোদোক্।

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

যিরমিয় 27:9

সেনত্তে তুমি তমার ভাববাদী, গোণেয়্যে, স্ববন দেগিনে আগাম্ কধা কোইয়্যে মানুচ্, মায়াবিদ্যেগুরিয়্যে বা তমা যাদুগুরিয়্যেগুনো কধা ন-শুন্ন্য; তারা তমারে কন্, তুমি বাবিলোর রাজার চাগর্ ন-অবা।

লেবীয় 19:31

যিগুনে ভূদো ভিদিরে থান্‌ বা ভান্ন্যেই আত্মা সমারে মিলেমিলি রাগান্‌ তারা ইদু যানা ন-চলিবো, কিত্যে তারা তমারে ফি-বলা বানেবাক্। মুই লগেপ্রভু তমার গোজেন।

লেবীয় 20:6

যে মানুচ্চো মঅ উগুরে অবিশ্বেজী ওইনে ভূত্তুনো মাধ্যম ইদু বা ভান্ন্যেই আত্মাগুনো সমারে মিজেই এবাবোত্যে মান্‌জ্য ইদু নিজোরে গোজেই দে মুই তাত্তুন্‌ মুয়োন্‌ ফিরেই নিম আর তা জাদত্তুন্‌ তারে তুলি ফেলেম।

মীখা 5:12

মুই তর্ যাদুবিদ্যেগানি বর্‌বাদ্ গুরিম; মায়াবিদ্যে বেবহার গুরিয়্যেগুন আর তইদু ন-থেবাক্।

প্রেরিত্‌ 16:16

একদিন্ন্যে যেক্কে আমি সেই তবনা গুরিবার্ জাগানত্ যেইর্ সেক্কে এক্কো চাগরাণীর্ লগে আমার্ দেগা অলঅ। তারে এক্কো ভান্ন্যেই আত্মায় পেইয়্যে যিয়েনত্তে তে আগাম্ কধা কোই পাত্ত। সিয়েন্দোই তা গিরোজ্‌সোর্ লাভ্ অদঅ।

দ্বি’লম্বর বিররণ 18:10

তমা ভিদিরে যেন এধোক্ক্যেন কনঅ মানুচ্‌ ন থান্‌ যে তার নিজোর পূঅবোরে আগুন্দোই পুড়িনে উৎসর্বর অনুষ্ঠানান্ গরে, যে গোণাপড়া গুরিনে বা যাদুবিদ্যে খাদেইনে বা লক্ষণ চেইনে আগাম্ কধা কয়, যে যাদু গরে,

দ্বি’লম্বর বিররণ 18:11

যে মন্ত্রতন্ত্র খাদায়, যে ভুত্তুনোর্ মাধ্যম অয়, যে ভান্ন্যেই আত্মা সমারে মিজেই আর যে মরা মান্‌জ্য সমারে উদোলোলি গরে।

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।

১ শমূয়েল 28:11

সেক্কে মিলেবো তারে পুযোর্‌ গুরিলো, “মুই সালে তত্তে কারে তুলি আনিম?” শৌল কলঅ, “শমূয়েলরে আন।”

১ শমূয়েল 28:16

শমূয়েলে কলঅ, লগেপ্রভু যেক্কে তরে ছাড়িনে তর্‌ বিপক্ষেন্দি যেইয়্যে সেক্কে মরে আর পুযোর্‌ গরর্‌ কিত্তে?

১ শমূয়েল 28:7

শৌল সেক্কে তার কামগুরিয়্যেগুনোরে কলঅ, “তুমি এনজান্‌ এক্কো মিলেমান্‌জ্যরে থগঅ, যে মরা মানজ্যর্‌ আত্মা সমারে কধা কোই পারে, যেনে তাইদু যেইনে মুই পুযোর্‌ গুরি পারং মুই কি গুরিম্‌।” তারা কলাক্, “ঐন্‌দোরোত্‌ সেধোক্ক্যেন এক্কো মিলেমানুচ্‌ আঘে।”

১ শমূয়েল 28:8

এ কধাগান শুনিনে শৌল অন্যবাবোত্যে কাবড়-চুগোড়্ উরিনে নিজোর্‌ পরিচয়ান্‌ গুমুরোত্ রাগেইনে রোদোত্‌ দ্বিজন মান্‌জ্যরে লগে নেযেইনে সে মিলেবো ইদু গেলঅ। তে সেই মিলেবোরে কলঅ, “তুই মন্ত্র পুরিনে মরা মানজ্যর্‌ আত্মা সমারে উদোলোলি গুরিনে মুই যিবের্‌ নাঙান্‌ কোম্‌ তারে ইদু তুলি আন্‌।”