যিশাইয় 8:13 - Chakma Bible

¹³ বেগত্তুন্ খেমতাবলা লগেপ্রভুরে পবিত্র বিলিনে মান; তারে দরঅ, তারে দর্‌‌‌‍গরেপারা বিলিনে মনে গরঅ।

যিশাইয় 8:13 Iomraidhean Croise

পত্থম 31:53

সিয়েন্‌ গুরিলে অব্রাহামর গোজেন আর নাহোরর্‌ আর তারা বাবর্‌ দেবদাগুনে যেন আমারে বিচের গরন।” মাত্তর্‌ যাকোবে তা নাঙে শমত্‌ খেলঅ যিবে তার বাপ্‌‌‌‌পো ইস্‌হাকর ভোত্তির্ মানুচ্ এলঅ।

গীতসংহিতা 76:7

তুই, তুই অমকদ দর্‌গরেপারা; তঅ রাগ্‌কান উদিলে কন্না তঅ মুজুঙোত্ থিয়্যেই পারে?

যাত্রা 20:20

সেক্কে মোশি মানুচ্চুনোরে কলঅ‌, “তুমি ন-দোরেয়ো। গোজেনে তমারে পোরোক্ষেত্‌ ফেলেয়্যে যেনে তমার মনত্‌ ভক্তির্‌ মনভাব থায়্‌ আর সিয়েনর্‌ কারনে তুমি পাপ ন-গরঅ‌। সেনত্তেই তে এচ্চ্যে।”

যিশাইয় 29:23

যেক্কে তারা তারা ভিদিরে মঅ আঢ কামানি, অত্তাৎ তারার্ ঝি-পুয়োগুনোরে দেগিবাক্ সেক্কে তারা মরে পবিত্র বিলিনে মানিবাক্। যাকোবর্ সেই পবিত্র মানুচ্চোরে তারা পবিত্র বিলি স্বিগের্ গুরিবাক্ আর ইস্রায়েলর্ গোজেনরে ভোক্তিগুরিনে দোরেবাক্।

যিশাইয় 5:16

মাত্তর্ বেগত্তুন্ খেমতাবলা লগেপ্রভু দোল্ বিচের গুরিনে দাঙর্ থেবঅ; পবিত্র গোজেনে তা গমানত্তে পবিত্র বিলিনে ফগদাং অবঅ।

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 22:32

তুমি মর্‌ পবিত্র নাঙানর্‌ পবিত্রতাগান্‌ বর্‌বাদ্ ন-গোজ্য। তুমি মরে পবিত্র বিলি মানিবা। মুই লগেপ্রভু তমারে মর্‌ নাঙে যুদো গুরি রাগেয়োং।

মালাখি 2:5

তারাত্তে মুই যে সুদোমান থিদেবর্ গোজ্যং সিয়েন অলঅ জিংকানি আর ভালেদির্ সুদোম। এ সুদোমান মুই তারারে দুয়োং। এনেবাদে ইয়েন দর্‌গরেপারা সুদোম ধোক্ক্যেন, যেন তারা মরে ভোক্তিগুরিনে দরান্; ঘেচ্চেকগুরি তারা আমারে ভোক্তিগুরিনে দোরেদাক্।

গণাণা 27:14

ইয়েনর্‌ কারনান্‌ অলঅ, সীন ধূল্যেচর-চাগালাত্‌ ইস্রায়েলীয়গুনে যেক্কে পানিত্যে উল্লোমী গোজ্যন্‌ সেক্কে ইস্রায়েলীয়গুনো মুজুঙোত্‌ মরে সুদ্ধো-সাংগ বিলি মান্য গুরিবার্‌ উগুমান্‌ তুমি অমান্য গোজ্য।” ইয়েন্‌ সীন ধূল্যেচর-চাগালাত্‌ কাদেজর্‌ মরীবার পানিগানর কধা।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

লূকে লেখ্যে গম্ হবর্ 12:5

কারে দোরেবা মুই তমারে সিয়েন্ কোই দোঙর্। তমারে মারে ফেলেবার্ পরেদি নরগত্ ফেলে দিবার্ খেমতা যার্ আঘে তারেই দোরেয়ো। অয়, মুই তমারে কঙর্, তারেই দোরেয়ো।

রোমীয় 4:20

গোজেনর্ এগেমান পৌইদ্যেনে তা মনত্ কনদিন্অ কনঅ সন্দেহ ন-এজে, বরং তে বিশ্বেজে আরঅ দরমর ওইনে গোজেনরে বাঈনি গুরিদো।

দ্বি’লম্বর বিররণ 14:23

তমা গোজেন লগেপ্রভুরে যেনে তুমি ভোক্তি গুরিবাত্তে শিগো সেনত্যে তমার শোজ্য, নুয়ো আংগুরো-রস আর তেলর দশ ভাগর এক ভাগ আর তমা পালর গোরু-ভেড়া-ছাগলর পত্তম ছঅবোর্‌ য়েরাগান তমার গোজেন লগেপ্রভুর মুজুঙোত্‌ তমাত্তুন্‌ এনজান্‌ জাগাত খা পুরিবো যে জাগাগানত তে নিজোরে ফগদাং গুরিবাত্তে তার থেবার জাগা ইজেবে বেঈ নেযেব।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

১ শমূয়েল 11:7

তে দ্বিবে গোরু নেযেইনে কট্টা কট্টা গুরি কাবিলো। সে পরেন্দি সেই কট্টার ভাক্কুন্‌ মান্‌জ্যর মাধ্যমে ইস্রায়েল দেজর্‌ বেক্‌ জাগায়ানিত্‌ পাধেই দিলাক্ আর তারারে এই কধাগান ফগদাং গুরিবাত্তে কলাক্, “যে কেঅ শৌল আর শমূয়েল সমারে ন-মিজেব তা গোরুবোর অবস্থা এধোক্ক্যেন অবঅ।” লগেপ্রভু ইস্রায়েলীয়গুনোর মনত্‌ এক্কান দর্‌বুক জাগেই দিলো, আর তারা বেক্কুনেই এক ওইনে নিগিলি এলাক্।