যিশাইয় 8:10 - Chakma Bible

¹⁰ তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

যিশাইয় 8:10 Iomraidhean Croise

পত্থম 21:22

সে অক্তত্‌ অবীমেলক আর তার বেগঅ দাঙর্‌ সেনাপতি ফীখোলে অব্রাহাম ইধু এইনে কলঅ, “দেগা যাত্তে, তর্‌ বেক্‌ কামানির ভিদিরেদি গোজেনে তঅ সমারে আঘে।

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

২ শমূয়েল 17:4

অবশালোম আর ইস্রায়েলর বেক্‌ বুড়ো নেতাগুনো ইদু এ বুদ্ধিগান গম্‌ বিলিনে মনে গুরিলাক্।

২ রাজাবলী 6:12

তার্‌ সেনাপতিগুনো ভিদিরেত্তুন্‌ একজনে কলঅ, “ও মর্‌ গিরোজ্‌ মহারাজ, আমা ভিদিরেত্তুন্‌ কনজনে নেই; মাত্তর্‌ তুই ঘুমযাইদে ঘরানত্‌ যে কধানি কচ্‌ সে কধানি পযন্ত ইস্রায়েলর ভাববাদী ইলীশায় ইস্রায়েলর রাজারে কোই দিদো।”

২ বংশধর 13:12

গোজেনে আমা লগে আঘে; তেয়ই আমার্‌ নেতা। তা ধর্মগুরুগুনে তারার্‌ তূরীগুন্‌ বাজেইনে তমা বিরুদ্ধে যুদ্ধোর্‌ ডাক্‌ দিবাত্তে আমা লগে আগন। ও ইস্রায়েলর মানুচ্চুন্‌, তমা পূরোণি মানুচ্চুনোর্‌ গোজেন লগেপ্রভুর বিরুদ্ধে তুমি যুদ্ধো ন-গোজ্য, কিত্তে সিয়েনত্‌ তুমি ফোলেই ন-পারিবা।”

ইয়োব 5:12

ধূর্ত মানুচ্চুনোর সল্লাগানি তে ফোলেইয নঅ দে, সেনত্তে তারা কনঅ‌ ভালেদি গুরি ন-পারন্‌।

গীতসংহিতা 21:12

কিত্যে তুই তারার মুয়োনি চেইনে যেক্কে তর্ ধনুগান টানিবে, সেক্কেনে তারারে ধেই যেবাত্তে তুই বাধ্য গুরিবে।

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

গীতসংহিতা 46:8

এজ, লগেপ্রভুর নানান বাবোত্যে কামানি চগি- তে পিত্‌থিমীত্ ভস্তগান ডাগি আন্যে,

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

যিশাইয় 14:27

বেগত্তুন্ খেমতাবলা লগেপ্রভু ইয়েনি ঠিগ্ গোজ্যে, সেনত্তে কন্না সিয়েন বিফল গুরি দি পারে? তা আঢ্‌তান বাবেইয়্যে আঘে, কন্না সিয়েন গুজেই রাগে দি পারে?‌‌

যিশাইয় 28:18

মরণ লগে তুমি যে চুক্তিবো গোজ্য সিবে বাদ দিয়্যে অবঅ; মরণ জাগান লগে তমার্ যে চুক্তিবো ওইয়্যে সিবে থির্ ন-থেবঅ। ভস্তর্ চাবুক্কো যেক্কে জোরে লামি এবঅ, সেক্কে সিয়েন্দোই তমারে মারা অবঅ।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 43:5

তুই ন-দোরেচ্, কিত্তে মুই তঅ লগে লগে আগং। পূগেদিত্তুন্ মুই তঅ বংশবোরে আনিম আর পজিমেত্তুন্ তরে এগত্তর্ গুরিম।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিশাইয় 8:8

আর সিয়েন যিহূদা দেজ ভিদিরে জোড়ে এইনে পুরিবো আর উদুরে উদিনে গত্তনা সং বাড়িবো। ও ইম্মানূয়েল, আসিরিয়ার রাজা তা মেল্যে ডুয়োগানিলোই তঅ পুরো দেজ্‌ছান নাঢি ফেলেব।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 42:11

যিবেরে তুমি দরর্ সে বাবিলর রাজারে তুমি ন-দোরেয়ো, কিত্তে মুই তমা লগে লগে আগং। মুই তমারে রোক্ষ্যে গুরিম আর তা আঢত্তুন্ তমারে উদ্ধোর্ গুরিম।

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

আবিলেচ্ 3:37

যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

যোয়েল 3:9

তুমি জাদ ভিদিরে এ কধাগান ফগদাং গরঅ: “তুমি সুদ্ধো-সাংগ যুদ্ধোত্তে নিজোরে যুক্কোল্ গরঅ, বোলী মানুচ্চুনোরে ডাগি আন। বেক্ যোদ্ধাগুনে কায়কুরে যেইনে আক্রমন গোরোক্।

হগয় 1:13

সেক্কে লগেপ্রভু তার হবর্ কোইয়্যে হগয়রে দিইনে মানুচ্চুনোরে কলঅ, “মুই লগেপ্রভু তমা লগে লগে আগং।”

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

দ্বি’লম্বর বিররণ 20:1

যুদ্ধো গুরিবাত্তে যেইনে শত্রুগুনোর্ পক্ষে তমাত্তুন্‌ ঘোড়া, রথ আর সৈন্যদল বেশ্ দেগিনে তুমি ন দোরেবা, কিত্যে তমার গোজেন লগেপ্রভু, যিবে মিসর দেজত্তুন তমারে নিগিলেই আন্যে তে তমা সমারে থেবঅ।

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।