যিশাইয় 7:3 - Chakma Bible

³ সেক্কে লগেপ্রভু যিশাইয়রে কলঅ, “তুই আর তঅ পুয়োবো শার-যাশূব ইন্দি নিগিলিনে কাবড় কাজেয়্যে মাদ পথ্‌‌‌‌‌‌‌তান পাড়ত্ অজল্ পুয়োর্‌‌‌‌‌‌‌বো লগে বাস্যে পানি গাদ্‌‌‌‌‌‌‌তো মুয়োনত্ যেইনে আহস লগে দেগা গর্।

যিশাইয় 7:3 Iomraidhean Croise

২ রাজাবলী 16:1

রমলিয়োর পুয়ো পেকহের রাজাগিরির সতর বজরত্‌ যিহূদার রাজা যোথমর পুয়ো আহসে রাজাগিরি গরানা আরাম্ভ গুরিলো।

২ রাজাবলী 18:17

আসিরিয়ার রাজা লাখীশত্তুন্‌ তর্তনরে, রব্‌সারীসরে আর রব্‌শাকিরে বিরাট একদল সৈন্যলোই যিরূশালেমত্‌ রাজা হিষ্কিয়ো ইদু পাধেই দিলো। তারা যিরূশালেমত্‌ এইনে কাবড় কাজেইয়্যে মাদ পধ পারত্‌ অজল্‌ জাগাত্‌ পুয়োরবো লগে বাস্যে পানি নাল ইদু থামেলাক্‌।

২ রাজাবলী 20:20

হিষ্কিয়োর অন্য বেক্‌ কাম কধানি আর যুদ্ধোত্‌ তার্‌ জিদেনার্‌ কধানি আর কেধোক্ক্যেন গুরি তে পুয়োর আর গাত্‌ কুরিনে শঅরত্‌ পানি আন্যে সিয়েন “যিহূদার রাজাগুনোর বিজগ” নাঙে বোইবোত্‌ লেগা আঘে।

নহিমিয় 3:16

বৈৎসূর জেলার অদ্দেক ভাগর্‌ শাজন্‌গুরিয়্যে অস্‌বূকোর পূঅ নহিমিয় দেবালর পরেন্দি ভাগকান্‌ দায়ূদ-বংশর গোরানর্‌ ইত্তুন্‌ খুন্যে পুয়োর্‌বো আর বীরুনোর ঘরানি সং ঠিগ্‌ গুরিলাক্‌।

যাত্রা 7:15

কেল্যে বেন্যে ফরৌণে যেক্কে বারেদি গাঙ ঘাদত্‌ যেবঅ, সেক্কে তুই তা সমারে দেগা গুরিবাত্যে গাঙ পারত্‌ থিয়্যেই থেচ্‌। যে লুদিক্কো সাপ ওই যেইয়্যে সিবেয়ো আঢত্‌ রাগেচ্‌।

যিশাইয় 10:21

বাঁজি থেইয়্যে মানুচ্চুনে ফিরি এবাক্; যাকোবর্ বাদ্‌বাগি মানুচ্চুন্ খেমতাবলা গোজেন ইদু ফিরি এবাক্।

যিশাইয় 22:10

তুমি যিরূশালেমর ঘরানি গুণ্য আর দেবালানি দরমর গুরিবাত্তে সিয়েনি ভাঙ্য।

যিশাইয় 22:11

পুরোণ পোরো পানিগান রাগেবাত্তে তুমি দি দেবাল সংমোধ্যে এক্কান জাগা বানেয়ো। মাত্তর্ যিবে এ অবস্থাগান ঘোদেয়্যে তুমি তান্দি ন-চেলা, বা ভালোক্ দিন আগে যিবে এ বেক্কানি পরিকল্পনা গোজ্যে তা উগুরে তমার্ ভোক্তি ন-এলঅ।

যিশাইয় 36:2

সে পরেদি আসিরিয়ার রাজা রব্‌শাকিরে দাঙর্ একদল সৈন্যলোই লাখীশত্তুন্ যিরূশালেমত্ রাজা হিষ্কিয়র্ ইদু পাদেল। রব্‌শাকি যেইনে কাবড়্ ধোয়্যেবোর মাদর্ পধ পারত্ অজল্ পুয়োর্‌বো লগে বাস্যে পানি গাদ্‌‌তো ইদু থামেল।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিরমিয় 22:1

লগেপ্রভু মরে যিহূদার রাজঘরত্ যেইনে এ হবরান ফগদাং গুরিবাত্তে কলঅ,

রোমীয় 9:27

ভাববাদী যিশাইয় ইস্রায়েল জাদ পৌইদ্যেনে কোইয়্যে, “ইস্রায়েলীয়গুন্ যুনিয়ো জনেদি সাগর-পার কোরোলি ধোক্ক্যেন্ তো বানা সিগুনোর্ বিশেষ এক্কো ভাগে উদ্ধোর্ পেবাক্।