যিশাইয় 7:21 - Chakma Bible

^21-22 সেদিন্যে যুনি কনজনে এক্কো মাদাম্ গোরু আর দ্বিবে ছাগল জেদা রাগান্ সালে সিগুনে এদক্ দুধ দিবাক্কে যে, তে দোইও হেই পারিবো। যিগুনে দেজত্ থেবাক্ তারা বেক্কুনে দোই আর মধু হেবাক্।

যিশাইয় 7:21 Iomraidhean Croise

যিশাইয় 14:30

বেগত্তুন্ নাঢা মানুচ্চুনে হানা পেবাক্ আর অভাবীগুনে গমেডালে ঘুম্ যেবাক্। মাত্তর্ তঅ শিঙোরানরে মুই ভানা দিইনে ভস্ত গুরিম, সেক্কে তর্ বাঁজি থেইয়্যে মানুচ্চুনে মুরি যেবাক্।

যিশাইয় 17:2

অরোয়েরর আদামানি মানুচ্চুনে ফেলেই যেবাক্; য়েমান পালে সিয়েনি গজক্ গুরিবাক্। তারা সিয়েনিত্ পড়ি থেবাক্; কনজনে তারারে দর্ বুগ্ ন-লাগেবাক্।

যিশাইয় 27:10

দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্‌গুরি থেবাক্; তারা গাজর্ বেক পাদানি হেই ফেলেবাক্।‌

যিশাইয় 35:1

ধূল্যেচর-চাগালা আর শুগুনো ভূইয়ানি হুজি অবঅ; ধূল্যেচর জাগায়ানিয়ে হুজি অবঅ আর ফুল ফুদেব। ফাগোন্-চৈত্ মাজত্ পত্তম ফুলো ধোক্ক্যেন সিয়েনিত্ বোউত ফুল ধুরিবাক্; ধূল্যেচরানিয়ে বোউত্ হুজি অবঅ আর হুজিয়ে রঅ ছাড়িবো। সিয়েনরে লেবানন ধোক্ক্যেন বাঈনী গরা অবঅ, দিয়্যে অবঅ কর্মিল আর শারোণর দোল্ জিনিস্‌‌চান; মানুচ্চুনে লগেপ্রভুর বাঈনীগান্ দেগিবাক্, দেগিবাক্ আমা গোজেনর দোল্ জিনিস্‌চান।

যিশাইয় 37:30

ও হিষ্কিয়, তত্তে চিহ্নো অবদে ইয়েন: এ বজর্ নিজে নিজে যিয়েনি জোর্মেবে তুমি সিয়েনি হেবা, আর দ্বি বজরত্ সিয়েনিত্তুন্ যিয়েনি জোর্মেব সিয়েনি হেবা। মাত্তর্ তিন বজরত্ তুমি বীজ্ ফেলেবা আর খেত্-খেত্তি কাবিবা আর আংগুর খেত্ গুরিনে সিয়েনির ফল হেবা।

যিশাইয় 5:17

সেক্কে ভেড়াগুনে নিজো খেদত্ যেধোক্ক্যেন্ গুরি চরন্ সেধোক্ক্যেন্ গুরি তাগোয়্যেগুনোর বেক্ ভস্ত ওইয়্যে জাগায়ানিত্ চড়িবাক্, আর বিদেশীগুনে সেই ভস্ত ওইয়্যে জাগায়ানি ভোগ্ গুরিবাক্।

যিশাইয় 7:25

যেদক্কানি মুড়োমুড়ি জাগা কোদাল্লোই খুড়িনে চাজ্ গরা অদঅ সিয়েনিত্ মান্‌জ্যে কাদা দরে আর্ ন-যেবাক্; সিয়েনি অবঅ গোরু আর ভেড়া পাল বেড়েবার্ জাগা।

যিরমিয় 39:10

মাত্তর্ চুগিদারুনোর সেনাপতি নবূষরদনে জাগাজোমি নেইয়্যে কিজু নাঢা মান্‌জ্যরে যিহূদা দেজত্ থোই গেলঅ; সে অক্তত্ তে তারার আংগুর খেত্তান আর ভূইয়ানি দি গেলঅ।