যিশাইয় 7:20 - Chakma Bible

²⁰ সেদিন্যে প্রভু তমার্ মাঢা চুলানি, টেঙ কেশ্‌চানি আর দাড়ি মুড়ে দিবাত্তে ইউফ্রেটিস গাঙর্ উপারত্তুন্ এক্কান ক্ষুরে, অত্তাৎ আসিরিয়ার রাজারে লোড়েইনে আনিবো।‍‍

যিশাইয় 7:20 Iomraidhean Croise

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিশাইয় 10:15

কুড়োলানে কি গাজ্ কাবিয়্যেবো উগুরে নিজোরে তুলে বা আড়াগানে কি গাজ-মিস্ত্রিবো মুজুঙোত্ বড়াই গরে? না, সিয়েন ওই ন-পারে। লুদিক্কো লুদিক্ বলাবোরে চালেই ন-পারে আর মুগোর্‌‌‌‌বো মুগোর্ বলাবোরে ঘুরেই ন-পারে, কিত্তে মুগোর্ বলাবো দঅ তক্তা জিনিস নয়।

যিশাইয় 11:15

লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্‌লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্‌তো নালা বানেব, যেন মান্‌জ্যে জদা পিনিনে পার্ ওই পারন্।

যিশাইয় 36:1

রাজা হিষ্কিয়োর রাজাগিরির চোদ্দো বজরত্ আসিরিয়ার রাজা সন্‌হেরীবে যিহূদার বেক্ দেবাল্-ঘিজ্যে শঅরানি আক্রমণ গুরিনে সিয়েনি গজক্ গুরি নেযেল।

যিশাইয় 8:7

সেনত্তে প্রভু ইউফ্রেটিস গাঙানরে জদবদে বান পানি ধোক্ক্যেন্ সয়সাগজ্যে গুরি আসিরিয়ার রাজারে তারার্ বিরুদ্ধে খুব যাদিমাদি আনিবো। সে পানিগানে গাঙানির্ বেক ছড়াগানি আর কাজাকুরেদি জদবদে বেঈ যেবঅ,

যিশাইয় 9:13

মাত্তর্ যিবে তারারে আঘাত্ গোজ্যে তাইদু মানুচ্চুনে ফিরি ন-এজন্, বেগত্তুন্ খেমতাবলা লগেপ্রভুর আওজ্ মজিম ন-চলে।

যিরমিয় 2:18

ইক্কিনে নীল গাঙর্ পানিগান হেবাত্তে কিত্তে তুই মিসরত্ যর্? ইউফ্রেটিস গাঙর্ পানিগান হেবাত্তে কিত্তে তুই আসিরিয়া দেজত্ যর্?

যিহিষ্কেল 29:18

ও মান্‌‌‌‌‌‌জ্যর পুয়োবো, বাবিলর রাজা নবূখদ্‌নিৎসর সোরের বিরুদ্ধে যুদ্ধোর সময় তার সৈন্যদলরে এদক্ বেশ্ খাদেয়্যেদে যে, তারার্ বেক্কুনোর মাঢার্ চুল উদি যেইয়্যে আর কানাগানির চামাড়ানি উদি যেইয়্যে। তো সোরর বিরুদ্ধে তে যে যুদ্ধো চালেয়্যে সিয়োত্ তার বা তা সৈন্যদলর কনঅ লাভ ন-অয়।

যিহিষ্কেল 29:20

তার কামর্ পাওনা ইজেবে মুই তারে মিসর দেজ্‌‌‌‌‌‌‌চান দুয়োং, কিত্তে তে মত্তে কাম্ গোজ্যে। মুই প্রভু লগেপ্রভু এ কধাগান কঙর্।