যিশাইয় 7:18 - Chakma Bible

¹⁸ সেদিন্যে লগেপ্রভু মিসর দেজর্ দূরো গাঙানিত্তুন্ মাছি আর আসিরিয়া দেজত্তুন্ মু পুগ্‌কুনোরে এবাত্তে ডাগিবো।‍

যিশাইয় 7:18 Iomraidhean Croise

গীতসংহিতা 105:31

তা কধালোই ঝাক্ ঝাক্ পুক্ এলাক্, তারার দেজত্ মশা ছিদি পড়িলাক্।

গীতসংহিতা 118:12

মো পুগো ধোক্ক্যেন তারা মরে ঘিরিনে ধোজ্যন্; কাদা-ঝুবো আগুনো ধোক্ক্যেন্ যাদিমাদি তারা মিলেই যেয়োন্। লগেপ্রভুর নাঙে মুই তারারে ঘেচ্চেক্‌গুরি শেজ্ গুরি দিম।

যাত্রা 8:21

যুদি যেবাত্তে-দুয়োচ্‌ সালে মুই তঅ উগুরে, তমা বেক্‌ কাম্‌গুরিয়্যেগুনো উগুরে, তমা মানুচ্চুনো উগুরে আর তমা ঘরত্‌ পাল্ পাল্ পুক্‌ পাদাঙর্‌। মিসরীয়গুনোর্‌ ঘরত আর বেক্‌ জাগানিত্‌ নানান বাবোত্যে পুগে ভুরি যেবাক্।

যাত্রা 8:24

লগেপ্রভু সিয়েনই গুরিলো। ফরৌণ রাজঘরত্‌ আর তা কাম্‌গুরিয়্যেগুনো ঘরত্‌ পাল্‌ পাল্‌ পুক্‌ সমিলাক্। এ পুগ্‌কুনোর্‌ তোষ্যেই গোদা মিসর্‌ দেজচান্‌ শেজ্‌ অবার পদথ্‌।

যিশাইয় 13:5

তারা দূরোত্তুন্ এত্তন্, তারা পিত্‌‌থিমীর শেজ্ দুযিত্তুন্ এত্তন্; লগেপ্রভু তার রাগর্ আত্যের্‌লোই পুরো পিত্‌থিমীগানরে ভস্ত গুরিবাত্তে এজের্।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 5:26

তে দূরো জাদ্‌তুনোত্তে এক্কান বাবতা উড়েব আর পিত্‌থিমীর শেজ্ দুযিত্ সেই মানুচ্চুনোরে ডাগিবো। দেগিবা, তারা যাদিমাদি গুরি দাবা দাবা এবাক্।‌

যিশাইয় 7:17

যিহূদা আর ইফ্রয়িমর ফারগ্ অবার দিনুনোর্ পরেত্তুন্ ধুরি যিয়েনি কনদিন্অ ন-অয়, লগেপ্রভু তরে আর তঅ মানুচ্চুনো উগুরে আর তঅ বাবঅ বংশ মানুচ্চুনো উগুরে সেবাবোত্যে এক্কো সময় আনিবো। সে অক্তত্ তে আসিরিয়ার রাজারে আনিবো।”

সখরিয় 10:8

মুই তারারে শিক্ কারিনে ডাগিম্ আর এক সমারে এগত্তর্ গুরিম। মুই তারারে উদ্ধোর্ গুরিম বিলিনে তারা আগ ধোক্ক্যেন জনেদি বোউত্ অবাক্।

দ্বি’লম্বর বিররণ 1:44

সিয়েন্‌ দিগিনে যিদুক্কুন ইমোরীয় সেই মুড়ো-মুড়ি চাগালাত্‌ বজত্তি গুরিদাক তারা তমার বিরুদ্ধে নিগিলি এলাক্। এক ঝাক্ মু পুগো ধোক্ক্যেন তারা তমারে লোড়েলাক্ আর সেয়ীর ভিদিরে হর্মা সং তমারে মাত্যে মাত্যে নেযেলাক্।

দ্বি’লম্বর বিররণ 28:49

লগেপ্রভু দূরোত্তুন, পিত্‌থিমীর শেজ্‌ দুঝিত্তুন এমন্‌ এক্কো জাদরে তমার বিরুদ্ধে লোই আনিবো যিগুনোর কধানি তুমি ন-বুঝিবা। ঈগল পেগো ধোক্ক্যেন গুরি সে জাত্তো ছোঁ মারিনে তমা উগুরে লামি এবঅ।

দ্বি’লম্বর বিররণ 7:20

ইয়েনর্ পরেন্দিয়ো তারা ভিদিরে যিগুনে বাঁজি থেবাক আর তমাত্তুন্‌ নিজোরে লুগেই রাগেবাক তমা গোজেন লগেপ্রভু তারা ভিদিরে ভিঙুর পুক্‌ পাধেই দিবো আর তারা বেক্কুনে ভস্ত ওই যেবাক্‌।

যিহোশূয় 24:12

মুই তমা আগেন্দি বলাপুগ্‌ পাধেই দিলুং; বলাপুক্কুন্‌ তমা মুজুঙোত্তুন্‌ সে দ্বি’জন ইমোরীয় রাজারে ধাবেই দিলো। তুমি যে তমার লাম্বা ছুড়ি বা সেল্‌-ধনুগানিলোই ইয়েনি গোজ্য সিয়েন্‌ নয়।