যিশাইয় 7:15 - Chakma Bible

^15-16 যিয়েন ভান্ন্যেই সিয়েন এলাফেলা গুরিবার আর যিয়েন গম্ সিয়েন বেঈ লবার্ জ্ঞান পেবার অক্তত্ তে দই আর মধু হেবঅ। মাত্তর্ ও রাজা আহস, সে সময়বোর্ আগেদি যিগুনোরে তুই দরাচ্ সে দ্বিবে রাজার দেজ্ খালি ওইনে পড়ি থেবঅ।

যিশাইয় 7:15 Iomraidhean Croise

পত্থম 18:8

পরেদি অব্রাহামে দোই, গম্ দুধ আর রান্যে য়েরা নেযেইনে তারারে ভাগ গুরি দিলো। তারা যেক্কে হাদন্‌ সেক্কে অব্রাহামে তারা কায়-কুরে গাজ্‌সো গরানত্‌ ঠিয়্যেই এলঅ।

গীতসংহিতা 51:5

অয়, জন্মত্তুন্ ধুরি মুই অন্যেয় কামত্ আগং; পাপর্ অবস্থায় মুই মা পেদত্ এলুং।

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

মথি লেখ্যে গম্ হবর্ 3:4

যোহনে উটোর্ কেজ কাবড় উরিদো আর তা কমরত্ চামড় কমর্-বিজোনি এলঅ। আর তার্ হানাগান এলঅ ঝার মধু আর পুগ্‌‌-যুগ্।

লূকে লেখ্যে গম্ হবর্ 1:35

স্বর্গদূত্তো কলঅ, “পবিত্র আত্মা তঅ উগুরে এবঅ আর দাঙর্ গোজেন ছাবা তঅ উগুরে পুড়িবো। ইয়েনত্তে যে পবিত্র পুয়োবো জোর্মেব তারে গোজেনর্ পুয়ো কুয়ো অবঅ।

লূকে লেখ্যে গম্ হবর্ 2:40

চিজি যীশু বয়জে দাঙর্ ওইনে খেমতাবলা ওই উদিলো আর জ্ঞানে ভরপুর্ উয়ো ধুরিলো। তা উগুরে গোজেনর্ আশিদ্‌বাদ এলঅ।

লূকে লেখ্যে গম্ হবর্ 2:52

যীশু জ্ঞানে, বয়জে আর গোজেনর আহ্ মান্‌জ্যর্ কোচ্‌পানায় দাঙর্ উয়ো ধুরিলো।

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

দ্বি’লম্বর বিররণ 1:39

যিদুক্কুন্‌ ঝি-পূঅরে বানিনে নেযা অবঅ বিলিনে তুমি কোইয়ো তমার্‌ সেই বেক্‌ ঝি-পূঅগুনে, যিগুনোর গম্‌-বজঙর্‌ জ্ঞান এজঅ‌ ন অয়, সিগুনেই সেই দেজত্‌ সুমিবাক। মুই দেজ্‌ছান তারারে দিম্‌ আর তারা সিয়েন্‌ গজক্ গুরিবাক।