যিশাইয় 7:11 - Chakma Bible

¹¹ “তুই তর্ গোজেন লগেপ্রভু ইদু কঅ যেন তে তরে এক্কান চিহ্নো দেগায়-সেই চিহ্নোগান মরন জাগাত্তুন্ ধুরি স্বর্গ সং যে কনঅ জাগাত্ দেগা যেই পারে।”

যিশাইয় 7:11 Iomraidhean Croise

১ রাজাবলী 13:3

সে একই দিনোত্‌ গোজেনর্‌ মানুচ্চো এক্কান্‌ চিহ্নোর কধা কলঅ। তে কলদে, “লগেপ্রভু এ চিহ্নোগানর্‌ কধা ফগদাং গরেত্তে, এ ডালিপূজোবো ফাদি যেবঅ আর তা উগুরে ছেইয়ানি বেক্কানি পড়ি যেবঅ।”

২ রাজাবলী 19:29

ও হিষ্কিয়, তত্তেই চিহ্নোগান্‌ অবঅ ইয়েন্‌: এ বজরত্‌ নিজে নিজে যিয়েনি জোর্মেব তুমি সিয়েনি হেবা, আর দ্বিবজরত্‌ সিয়েনিত্তুন্‌ যিয়েনি জোর্মেব সিয়েনি হেবা। মাত্তর্‌ তিন বজরত্‌ তুমি বীজ্‌ ফেলেবা আর খেত্-খেত্তি কাবিবা আহ্ আংগুর ক্ষেত্‌তানি গুরিনে সে গুলোগুলিগুন্‌ হেবা।

যাত্রা 7:9

“ফরৌণে যেক্কে তমারে কনঅ আমক্‌ অইদে কাম্‌ গুরি দেগেবাত্তে কবঅ, সেক্কে তুই হারৌণরে কবে, ‘ফরৌণ মুজুঙোত্‌ তঅ লুদিক্কো ফেলা,’ আর সেক্কে সিবে সাপ ওই যেবঅ।”

যিশাইয় 37:30

ও হিষ্কিয়, তত্তে চিহ্নো অবদে ইয়েন: এ বজর্ নিজে নিজে যিয়েনি জোর্মেবে তুমি সিয়েনি হেবা, আর দ্বি বজরত্ সিয়েনিত্তুন্ যিয়েনি জোর্মেব সিয়েনি হেবা। মাত্তর্ তিন বজরত্ তুমি বীজ্ ফেলেবা আর খেত্-খেত্তি কাবিবা আর আংগুর খেত্ গুরিনে সিয়েনির ফল হেবা।

যিশাইয় 38:22

সেক্কে হিষ্কিয় পুজোর্ গোজ্যেদে, “মুই যে লগেপ্রভুর ঘরত্ উদি পারিম্ সিয়েনর চিহ্নোগান কি?”

যিশাইয় 55:13

কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”

যিশাইয় 7:10

লগেপ্রভু আরঅ আহসরে কলঅ,

যিশাইয় 7:12

মাত্তর্ আহসে কলঅ, “মুই সিয়েন ন-কোম্, আর লগেপ্রভুরে পোরোক্ক্যেয়ো ন-গুরিম্।”

যিরমিয় 19:1

লগেপ্রভু কোইয়্যেদে, তুই যেইনে কুমর ইত্তুন এক্কো মাদির্ পিলে কিনি আন। তঅ লগে মানুচ্চুনোত্তুন্ কয়েক্কো বুড়ো নেতা আর বয়স ওইয়্যে ধর্মগুরুনোরে নেযা।

যিরমিয় 19:10

“সে পরেদি যিগুনে তঅ লগে যেবাক্ তারার চোগো মুজুঙোত্ তুই সেই মাদির্ পিলেবো ভাঙিবে আর তারারে কবে, বেগত্তুন খেমতাবলা লগেপ্রভু কোইয়্যে, ‘কুমরর্ এই পিলেবো যেধোক্ক্যেন কট্টা গরা অলে সিবে আর জোড়া দিয়্যে ন-যায় ঠিগ্ সেধোক্ক্যেন মুই এ জাদ্ বা শঅরানরে কট্টা কট্টা গুরিম। যেদক দিন সং তোফদত্ জাগা থেবঅ সেদকদিন সং তারা সিয়েনত্ তারার মরা মানুচ্চুনোরে গোর্ দিবাক্।

যিরমিয় 44:29

মুই লগেপ্রভু তমাত্তে এক্কান চিহ্নো দিম্, এ জাগানত্ তমারে সাজা দিম্ যেনে তুমি হবর্ পঅ তমা বিরুদ্ধে মুই যে অমংগলর্ দর্ দেগেয়োং সিয়েন ঠিগ্ থেবঅ। সে চিহ্নোগান অলঅ ইয়েন-

লূকে লেখ্যে গম্ হবর্ 2:12

এ কধাগান যে সত্য তমা ইধু সিয়েনর্ চিহ্নোগান অলঅ ইয়েন-তুমি কাবড়ত্ বেড়েয়্যে আর গোরু পিয়োঙত্ থোইয়্যে এক্কো চিগোন্ চিজিরে দেগিবা।”