যিশাইয় 7:1 - Chakma Bible

¹ উষিয়র্ নাদিন্, অত্তাৎ যোথম পুয়ো আহসে যেক্কে যিহূদা দেজর্ রাজা অলঅ সেক্কে অরামর্ রাজা রৎসীন ইস্রায়েলর রাজা রমলিয়র পুয়ো পেকহকরে লগে নেযেইনে যিরূশালেম বিরুদ্ধে যুদ্ধো গুরিবাত্তে গেলঅ, মাত্তর্ তারা সিয়েন জিদি ন-পারিলাক্।

যিশাইয় 7:1 Iomraidhean Croise

২ রাজাবলী 15:25

রমলিয়ের পুয়ো পেকহ নাঙে তার্‌ এক্কো সেনাপতি তা বিরুদ্ধে কুজুরোমি গুরিলো। পেকহ গিলিয়দর পঞ্চাশজন মান্‌জ্যরে লগে নেযেইনে শমরিয়ার রাজঘরর্‌ তাম্বুলোত্‌ পকহিয়, অর্গোব আর অরিয়িরে মারে ফেলেল। পকহিয়রে মারে ফেলেইনে পেকহ তা জাগানত্‌ রাজা অলঅ।

২ রাজাবলী 15:27

যিহূদার রাজা অসরিয়োর রাজাগিরির বায়ূন্নো বজরত্‌ রমলিয়োর পুয়ো পেকহ শমরিয়াত্‌ ইস্রায়েলর রাজা অলঅ। তে কুড়ি বজর্‌ রাজাগিরি গোজ্যে।

২ রাজাবলী 15:37

লগেপ্রভু সে অক্তত্তুন্‌ ধুরি অরামর রাজা রৎসীন আর রমলিয়োর পুয়ো পেকহরে যিহূদার বিরুদ্ধে যুদ্ধো গুরিবাত্তে পাদানা আরাম্ভ গুরিলো।

২ রাজাবলী 16:1

রমলিয়োর পুয়ো পেকহের রাজাগিরির সতর বজরত্‌ যিহূদার রাজা যোথমর পুয়ো আহসে রাজাগিরি গরানা আরাম্ভ গুরিলো।

২ রাজাবলী 16:5

অরামর রাজা রৎসীন আর রমলিয়োর পুয়ো ইস্রায়েলর রাজা পেকহ যিরূশালেমর বিরুদ্ধে যুদ্ধো গুরিবাত্তে এইনে আহস সুদ্ধো শঅরান্‌ ঘিরি ফেলেলাক, মাত্তর্‌ আহসরে ওদেই দি নঅ-পারিলো।

যিশাইয় 1:1

যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 8:6

এ মানুচ্চুনে শিলোহর্ ইন্দি লারে গুরি বেঈ যেইয়্যে পানিগান বাদ্ দিইনে রৎসীন আর রমলিয় পুয়োবোরে নিইনে ফুত্তি গোজ্যন্।

যিশাইয় 9:11

মাত্তর্ লগেপ্রভু দঅ রৎসীনোর্ বিরুদ্ধে তা শত্রুগুনোরে দরমর গোজ্যে আর তা বিরুদ্ধে তারারে উত্তেজিত গোজ্যে।

যিহিষ্কেল 27:16

তর্ বানেয়্যে ভালোক্কানি পযাপিরাত্তে সিরিয়া তঅ লগে বেবসা গুরিদো; তঅ পযাপিরানির বদলে তারা দিদাক্ চিবিদি পাত্তর্; বিগুনি কাবড়, নক্‌শা তুল্যে কাবড়, পাদল্ মসীনার কাবড়, প্রবাল আর পদ্মরাগমণি।

হোশেয় 1:1

যিহূদার রাজা উষিয়, যোথম, আহস আর হিষ্কিয়র রাজাগিরির্ সময়োত্ আর ইস্রায়েলর রাজা যোয়াশর পুয়ো যারবিয়ামর সময়োত্ বেরির পুয়ো হোশেয় ইধু লগেপ্রভুর কধানি ফগদাং অলঅ।

মীখা 1:1

যিহূদার রাজা যোথম, আহস আর হিষ্কিয়র রাজাগিরির সময়োত্ মোরেষৎ আদামর মীখা ইধু শমরিয়া আর যিরূশালেম পৌইদ্যেনে লগেপ্রভুর কধানি দর্শনর মাধ্যমে ফগদাং অলঅ।