যিশাইয় 66:3 - Chakma Bible

³ মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিশাইয় 66:3 Iomraidhean Croise

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 21:27

পাজিগুনোর উৎসর্বয়ানি লগেপ্রভু ঘিনেই, আর সিয়েনি যুনি ভান্ন্যেই আজাই আনা অয় সালে সিয়েনি আরঅ ঘিন্ গরেপারা অয়।

যিশাইয় 44:19

কনজনে এক্কানা চিদেয়ো ন-গরন্; কারর্ জ্ঞান বা বুদ্ধি নেই যে কয়, “মুই ইয়েনর্ এক কট্টালোই আগুন জ্বালেয়োং, সিয়েনর্ আঙারাগুনো উগুরে রুটি সেক্কোং আর য়েরা অদ্দেক্ পুড়ি হেইয়োং। সালে কি ইয়েনর্ বাদ্‌বাগি কট্টাগান্‌দোই মুই ঈচ্ গরেদে জিনিস বানেম? গাজ তক্তাগানরে কি মুই মাদিত্ পড়িনে জু জু জানেম?” ‍‌‍

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিশাইয় 57:17

তারার্ লুভোত্তে মুই রাগে জুলি উঠ্যং, আর তারারে সাজা দিইনে অমকদ বেজার্ পেইনে মঅ মুয়োন্ ফিরেই নেযেয়োং; তো তারা তারার আওজ্ মজিম পধেদি যাহ্ ধুরিলাক্।

যিশাইয় 65:12

মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”

যিশাইয় 65:2

একবুস্যে মানুচ্চুনো ইন্দি মুই সারা দিন মঅ আঢ্‌তান বাবেই রাগেয়োং। তারা নিজো নিজো কল্পনার পিজেদি যেইনে ভান্ন্যেই পধেদি চলন্।

যিশাইয় 66:17

লগেপ্রভু কত্তে, “যিগুনে শূগোর আর উন্দুরো য়েরা আর অন্য জঘন্য জিনিস হান্ আর অনুষ্ঠান-চালেয়্যেবোর্ পিজে পিজে পূজোর বাগানত্ যেবাত্তে দেবেদাগুনো নাঙে যুদো গুরি রাগান আর সিজি গরন্, তারা এক সমারে শেজ্ ওই যেবাক্।

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

হগয় 2:14

সেক্কে হগয় কলঅ, “লগেপ্রভু কোইয়্যেদে, ‘ঠিগ্ সেবাবোত্যেগুরি মঅ চোগেদি এ মানুচ্চুনে আর এ জাদ্‌তুন অসিজি। সেনত্তে তারা যিয়েনি গরন্ আর যিয়েনি উৎসর্ব গরন্ সিয়েনিয়ো অসিজি।‌‌‌

দ্বি’লম্বর বিররণ 14:8

শূগরঅ অসিজি; টেঙর টুক্‌ চিজ্যে অলেয়ো তে ঘাস ন-উল্ল্যেই। তুমি ইগুনোর য়েরানি ন হেবা বা তারার মরাকিয়্যেগানিয়ো ন ধুরিবা।

দ্বি’লম্বর বিররণ 23:18

মরদ্‌ ওক্‌ বা মিলে ওক্‌ যে বেশ্যের জীংকানি কাদায় তার্‌ আয়র্‌ টেঙাগুন্‌ মান্যা চিড়েবাত্তে তমার গোজেন লগেপ্রভুর ঘরত্‌ আনানা ন-চলিবো, কিত্যে এবাবোত্যে মরদ্‌ আর মিলেরে লগেপ্রভু ঘিনাই।

বিচের গুরিয়্যেগুন 10:14

যে দেব-দেবেদাগুনোরে তুমি বেই লোইয়ো তারার ইদু যেইনে কা ন গোই। দযার্ সময়োত্‌ তারা তমারে উদ্ধোর গুরিবাক্।”

বিচের গুরিয়্যেগুন 21:25

সেক্কেয়ো ইস্রায়েলীয়গুনো ভিদিরে কনঅ রাজা ন-এলাক। যে যিয়েন গম মনে গুরিদো তে সিয়েনই গুরিদো।

বিচের গুরিয়্যেগুন 5:8

তারা যেক্কে নূয়ো দেব-দেবেদার ইন্দি মনান্‌ দিলাক্‌ সেক্কে তারার্‌ শঅ‌রর-গেদো দোরানত্‌ যুদ্ধো অলঅ‌। চোল্লিশ আজার ইস্রায়েলীয়োর আঢেত্‌ এক্কান আন্দল দিবারঅ‌ ন-এলঅ, এক্কো সেলঅ‌ ন-এলঅ।