যিশাইয় 66:23 - Chakma Bible

²³ পত্তি আঙোচ্চ্যেত্ আর পত্তি জিরেবার দিনোত্ বেক মানুচ্চুনে মঅ মুজুঙোত্ এইনে মরে তবনা গুরিবাক্।

যিশাইয় 66:23 Iomraidhean Croise

২ রাজাবলী 4:23

তা নেক্কো কলঅ, “তাইদু এচ্ছ্যে কিত্তে যেবে? এচ্ছ্যে দঅ আঙোস্যেয়ো নয়, জিরেবার দিনঅ নয়।” তে কলঅ, “সেক্কে গম্‌ অবঅ।”

গীতসংহিতা 22:28

অয়, রেজ্যগান লগেপ্রভুর; বেক্ জাদ্‌তুনো উগুরে তেয়ই রাজা।

গীতসংহিতা 65:2

ও তবনাগানি মানি লোইয়্যেবো, তইদু বেক্ মানুচ্চুন এজন্।

গীতসংহিতা 65:3

মর্ অন্যেয় কামত্ মুই তলে পড়ি আগং, মাত্তর্ তুই আমা বেক পাপ্পানি খেমা গুরি থাচ্।

গীতসংহিতা 86:9

ও প্রভু, তর্ বানেয়্যে বেক জাদ্‌তুনে এইনে তঅ মুজুঙোত্ জু জু জানেইনে মাঢা নিগিরিবো; তারা তর্ গুনগান গুরিবাক্।

যিশাইয় 19:21

এবাবোত্যেগুরি লগেপ্রভু মিসরীয়গুনো ইদু নিজোরে ফগদাং গুরিবো আর সেদিন্যে তারা লগেপ্রভুরে স্বিগের্ গুরিবাক্। তারা এ্যামান-উৎসর্ব আর শোজ্য উৎসর্ব গুরিনে তারে উবোসনা গুরিবাক্ আর লগেপ্রভু ইদু মানত্ গুরিনে সিয়েনি ছিড়েবাক্।

যিশাইয় 19:23

সেদিন্যে মিসরত্তুন্ ধুরি আসিরিয়া সং এক্কান রাজপথ অবঅ। আসিরিয়গুনে মিসরত্ আর মিসরীয়গুনে আসিরিয়াত এজানা-যানা গুরিবাক্। মিসরীয় আর আসিরিয়গুনে এক সমারে উবোসনা গুরিবাক্।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিহিষ্কেল 20:40

সেক্কে দেজ ভিদিরে মর্ সুদ্ধো-সাংগ মুড়োবো উগুরে, ইস্রায়েলর অজল্ মুড়োবো উগুরে ইস্রায়েলর বেক্ মানুচ্চুনে মরে সেবা গুরিবাক্ আর সিয়েনত্ মুই তারারে গুজি লোম্। সিয়েনত্ মুই তমার বেক সুদ্ধো-সাংগ উৎসর্বনি, দান আর গম্ গম্ বক্‌‌‌‌‌শিজচানি মাগিম্।

যিহিষ্কেল 45:17

শাজন্‌গুরিয়্যেবোর্ কাম্ অবঅ বেক্ পরব্‌পুন, আঙোস্যে আর জিরেবার দিনুনোত্তে, অত্তাৎ ইস্রায়েল জাদর্ ঠিগ্ গোজ্যে বেক পরব্‌পুনোত্তে পূজ্যে উৎসর্ব, শোজ্য-উৎসর্ব আর পানীয়-উৎসর্বর্ জিনিস যুগেই দেনা। তে ইস্রায়েল জাদর্ পাপ ঢাগি দিবাত্তে পাপ-উৎসর্ব, শোজ্য-উৎসর্ব, পূজ্যে-উৎসর্ব আর উদোলোলি-উৎসর্বর জিনিস যুগেই দিবো।

যিহিষ্কেল 46:1

মুই প্রভু লগেপ্রভু কঙর্, ভিদিরে উদোনর্ পূগেদি মু গুরি গেট্টো ছয়দিন কাম্ বন্ধ থেবঅ, মাত্তর্ জিরেবার দিনোত্ আর আঙোস্যে দিনোত্ সিবে খুলো অবঅ।

যিহিষ্কেল 46:6

আঙোস্যে দিনোত্ তাত্তুন্ এক্কো দামাড়া গোরু আর ছবুয়ো ভেড়া ছঅ আর এক্কো পাদা ভেড়া উৎসর্ব গরা পড়িবো; বেক্কুন যেন গম্ অন্।

সখরিয় 14:14

যিহূদায়ো যিরূশালেমর তপ্পে যুদ্ধো গুরিবো। কায়কুরে জাদ্‌তুনোর ধন-সোম্বোত্তিগানি, অত্তাৎ ভালোক্কানি সনা, রূবো আর কাবড়-চুগোর্ তুবো অবঅ।

সখরিয় 14:16

পরেদি সেই বেক্ জাদর্ বাঁজি থেইয়্যে মানুচ্চুনে সেই রাজাবোর্, অত্তাৎ বেগত্তুন্ খেমতাবলা লগেপ্রভুর উবোসনা গুরিবাত্তে আর চিগোন-ঘর পরব্ পালেবাত্তে পত্তি বজর্ যিরূশালেমত্ এবাক্।

সখরিয় 14:18

যুনি মিসরীয়গুনে ন-যান আর উবোসনাত্ ন-মিজেন্ সালে তারার্ দেজত্অ ঝড় ন-অবঅ। যিদুক্কুন জাদে চিগোন-ঘরর্ পরব পালেবাত্তে ন-যেবাক্ লগেপ্রভু তারা উগুরে যে ভানা আনিবো মিসরীয়গুনো উগুরে তে সেই একই ভানা আনিবো।

সখরিয় 14:19

মিসর আর অন্য যিদুক্কুন জাদে চিগোন-ঘরর্ পরব পালেবাত্তে ন-যেবাক্ তারারে এ সাজাগান দিয়্যে অবঅ।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

যোহন 4:23

মাত্তর্ এমন্‌ সময় এজের্, এমন্‌ কি, ইক্কিনে সেই সময় এচ্চ্যে যেক্কে আজল্ উবোসনা গুরিয়্যেগুনে আত্মায় আর সত্যলোই বাবার্ উবোসনা গুরিবাক্। বাপ্পোয়ো এবাবোত্যে উবোসনা গুরিয়্যেগুনোরে তগায়।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”