যিশাইয় 66:21 - Chakma Bible

²¹ মুই তারা ভিদিরেত্তুন্ কয়েক জন লেবীয়রে ধর্মগুরু আর সেবাগুরিয়্যে অবাত্তে বেঈ নেযেম।”

যিশাইয় 66:21 Iomraidhean Croise

যাত্রা 19:6

মর্‌ এই মানুচ্চুন্দোই বানা পুড়িবোদে মর্‌ ধর্মগুরুগুনোর্‌ রেজ্য আর এ জাদ্‌‌তোই অবঅ মর্‌ নাঙে ফারক্‌ গোজ্যে জাদ্। এই কধানি তুই ইস্রায়েলীয়গুনোরে জানেই দিচ্‌।”

যিশাইয় 61:6

তমারে কুয়ো অবঅ লগেপ্রভুর ধর্মগুরু; তমা নাঙানি অবঅ আমা গোজেনর সেবাগুরিয়্যে। তুমি জাদ্‌তুনোর ধন-সোম্বোত্তিগানি ভোগ গুরিবা আর তারার ধনানিলোই বাড়্‌বো গুরিবা। ‍

যিরমিয় 33:22

মর্ চাগর দায়ূদোর বংশধরুনোত্তে আর যে লেবীয়গুনে মঅ মুজুঙোত্ থিয়্যেইনে সেবা-কাম্ গরন তারারে মুই আগাজ তারা ধোক্ক্যেন বাড়েই দিম্ আর সাগর-পার কোরোলী ধোক্ক্যেন গুরিম, যিগুন গণা ন-যায়।”

ইব্রীয় 7:12

যেক্কে ধর্মগুরুবোর্ পদ বদলানা অয় সেক্কে রীদি-সুদোমানিয়ো বদলানার্ দরকার অয়।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”