যিশাইয় 65:5 - Chakma Bible

⁵ তারা কন্, দূরোত্ থাগ; মইদু ন-এইচ্, কিত্তে মুই তত্তুন্ বেশ্ সুদ্ধো-সাংগ। সেই মানুচ্চুনে মঅ নাক্কোর্ ধূমো আর সারা দিন জুলি থেইয়্যে আগুন।

যিশাইয় 65:5 Iomraidhean Croise

গম্ উপদেজ্ 10:26

দাদত্ নল আর চোগোত্ ধূমো দিলে যেধোক্ক্যেন দুঘ্ অয়, সেধোক্ক্যেন্ যিগুনে আল্‌সি মান্‌জ্যরে কনজাগাত্ পাদান্ তারা দুঘ্ পান। ‍

গম্ উপদেজ্ 16:5

যিগুনোর মনানি বাড়্‌‌বো তারারে বেক্কুনোরে লগেপ্রভু ঘিনাই; তুমি ঘেচ্চেকগুরি হবর্ পঅ তারা সাজা পেবাক্কে পেবাক্।

গম্ উপদেজ্ 30:12

তারা নিজো চোগেদি খাটি অদচ কজরাত্তুন্ সিজি ন-অন্,

মথি লেখ্যে গম্ হবর্ 9:11

সিয়েন দেগিনে ফরীশীগুনে যীশুর শিচ্চ্যগুনোরে কলাক্, “তমা মাষ্টর্‌বো খাজানা-তুলিয়্যে আর বজং মানুচ্চুনো সমারে হানা-দানা কিত্তে গরে?”

লূকে লেখ্যে গম্ হবর্ 15:2

ইয়েন্দোই ফরীশীগুনে আর ধর্ম মাষ্টরুনে ইয়েন কোইনে তোইচ্চ্যে পেইনে কুয়ো ধুরিলাক্, “এ মানুচ্চো বজং মানুচ্চুনো সমারে মিজেই আর হানা-দানা গরে।”

লূকে লেখ্যে গম্ হবর্ 5:30

সেক্কে ফরীশীগুনে আর তারা দলর্ ধর্ম-মাষ্টরুনে বিরক্ত ওইনে যীশু শিচ্চ্যগুনোরে কলাক্, “তুমি খাজানা তুলিয়্যে আর ভান্ন্যেই মানুচ্চুনো সমারে হানা-দানা গরঅ কিত্তে?”

লূকে লেখ্যে গম্ হবর্ 7:39

যে ফরীশীবো যীশুরে বাত্ত্যেয়্যে তে ইয়েন্ দেগিনে মনে মনে কুয়ো ধুরিলো, “যুনি এ মানুচ্চো ভাববাদী অদঅ সালে হবর্ পেদঅ, কন্না আর কি বাবোত্যে মিলে তা টেঙানি ধরের্; মিলেবো দঅ বজং।”

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

যিহূদা 1:19

এ মানুচ্চুনে দলাদলি সৃট্টি গরন্ আর তারা নিজোর আওজ্ মজিম চলন্। তারার্ মনভিদিরে পবিত্র আত্মা নেই।