যিশাইয় 64:5 - Chakma Bible

⁵ যিগুনে গোজেনর আওজ্ মজিম কাম গুরিবাত্তে গম্ পান আর তরে ইদোত্ গুরিনে তঅ পধেদি চলন্ তারারে সাহায্য গুরিবাত্তে তুই এই থাচ্; মাত্তর্ আমি পাপ গোজ্যেই আর ভালোক্ দিন ধুরিনে সেই অবস্থাত্ আগিই বিলিনে তুই আমা উগুরে অমদক রাগ গুরি আগচ্। সালে আমি কেধোক্ক্যেন গুরি উদ্ধোর্ পেবং?

যিশাইয় 64:5 Iomraidhean Croise

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 112:1

লগেপ্রভুরে নাঙ্ গিনে ওক্। যে লগেপ্রভুরে ভোক্তিপূর্ণ দরায় আরে তা উগুমে যে অমকদ হুজি অয় সিবে বর্ পেইয়্যে।

গীতসংহিতা 25:10

লগেপ্রভুর বেবস্থা আর রীদি-সুুদোম মজিম্ যিগুনে আঢন্, তারা ইদু তার বেক্ পথ্‌তানিত্ অমকদ কোচ্‌‌পানা আর বিশ্বেজে ভরা।

গীতসংহিতা 37:4

লগেপ্রভুরে নিইনে রঙ্গ-ফুত্তিয়ে থাগ্; তর্ মন আওজ্‌ছান্ তেয়ই পূরেই দিবো।

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যাত্রা 25:22

এই সাক্ষ্য-সিন্দুগোর্‌ ঢাগনীগান উগুরে দ্বিবে করূব সংমোধ্যে মুই তঅ সমারে দেগা গুরিনে ইস্রায়েলীয়গুনোত্তে মর্‌ বেক্‌ উগুমানি তরে দিম্‌।

যাত্রা 30:6

সাক্ষ্য-সুন্দুগো ইদু, অত্তাৎ সাক্ষ্য-আরুগ্ উগুরে ঢাগনিগান কুরে যে পর্দাগান্‌ থেবঅ‌ এই পূজোবো সিবে মুজুঙোত্‌ রাগেবে; সিয়োদই মুই তঅ লগে দেগা গুরিম্‌।

যিশাইয় 1:30

সে এলোন গাজ ধোক্ক্যেন তুমি অবা যিয়েনর পাদাগানি শুগেই যার্; তুমি অবা সে বাগান ধোক্ক্যেন্ যিয়েন ভিদিরে পানি নেই।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 26:13

ও লগেপ্রভু, আমা গোজেন্, তুই বাদে অন্য প্রভুগুনেয়ো আমা উগুরে সদ্দার্ ওইয়োন্, মাত্তর্ বানা তরে আমি স্বিগের্ গুরিই।

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

হোশেয় 11:8

“ইফ্রয়িম, মুই কেধোক্ক্যেন্ গুরি তরে ছাড়ি যেইম? ইস্রায়েল, মুই কেধোক্ক্যেন গুরি তরে অন্য আঢত্ তুলি দিম? কিবাবোত্যেগুরি মুই তরে অদ্‌মার আর সবোয়িম ধোক্ক্যেন ভস্ত গুরিম? তত্তেই মঅ মনান্ পাগল্ অর্; মর্ বেক্ দোয়্যেগান জাগি উঠ্যে।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

সখরিয় 3:3

সেক্কে যিহোশূয় কজরা কাবড় উজ্যে অবস্থায় লগেপ্রভুর দূত্‌তো মুজুঙোত্ থিয়্যেই এলঅ।

মালাখি 3:6

“মুই লগেপ্রভু, মর্ কনঅ পরিবত্তন্ নেই। সেনত্তে ও যাকোবর্ বংশধরুন, তুমি ভস্ত ন-অর্।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।