যিশাইয় 64:4 - Chakma Bible

⁴ সেই পুরোণি কালত্তুন্ ধুরি তুই বাদে আর কনঅ গোজেন কধা কনজনে কানেয়ো ন-শুনোন্ চোগেদিয়ো ন-দেগন, যিবে তার্ বাজ্জ্যে থেই পারেদে মানুচ্চুনোত্তে কাম্ গুরি থায়।

যিশাইয় 64:4 Iomraidhean Croise

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

ইষ্রা 9:7

আমা পূরোণিমানুচ্চুনোর্ সময়োত্তুন্ ধুরি আরাম্ভ গুরিনে এচ্চ্যে সং আমি বোউত্ পাপ গোজ্যেই। আমা পাপত্যেই আমার আর আমা রাজাগুনোর্ আহ্ আমা ধর্মগুরুগুনোর অন্য রাজাগুনোর্ আঢত্ মোজ্যন্, বন্দীদযা, লুদো খানা আর অসর্মান ওইয়োন, আর এজঅ সেই অবস্থাগান রোইয়্যে।

গীতসংহিতা 130:5

মুই লগেপ্রভুরে বাজ্জেই আগং, মঅ মনানে তারে বাজ্জেই আঘে। মুই তা কধা উগুরে আজা রাগেয়োং।

গীতসংহিতা 31:19

তুই যে ভালেদি গোজ্যস্ সিয়েন কত্তমান দাঙর্ কাম্! যিগুনে তরে ভোক্তি গরন্ তারাত্তেই তুই সিয়েন তুলি রাগেয়োচ্; তইদু আশ্রয় লোইয়্যেগুনোরে তুই সে ভালেদিগানি গুরি থাচ্, আর সিয়েনি গুরিবে বেক্কুনো মুজুঙোত্।

গীতসংহিতা 62:1

মর্ মনানে অলর্ গুরি বানা গোজেনরে বাজ্জেই আঘে, কিত্তেই তে মর্ উদ্ধোরগুরিয়্যে।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 40:31

মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

যিশাইয় 59:12

ও লগেপ্রভু, তঅ চোগেদি আমার অন্যেয়ানি বোউত্ বেশ্; আমা পাপ্‌পানিয়ে আমা বিরুদ্ধে সাক্ষি দে। আমা অন্যেয়ানি আমা সমারে সমারে আগে আর আমা দুষ্‌চানি আমি হবর্ পেই।‌

যিশাইয় 66:8

কন্না এবাবোত্যে কধা শুন্যে? কন্না এবাবোত্যে ঘটনা দেখ্যে? এক্কান দেশে কি এক দিনে জর্ম নেযেই পারে? বা এক্কো জাদর্ কি এক মুহুর্তে জর্ম নেযেই পারে? মাত্তর্ সিয়োনর পিড়েগান্ উঠ্‌তে ন-উঠ্‌তে তে তা পুয়োবোর জর্ম দিয়্যে।

দানিয়েল 9:15

ইক্কিনে ও আমার প্রভু গোজেন, তুই খেমতাবলা আঢ্‌‌‌‌তোই তঅ মানুচ্চুনোরে মিসরত্তুন্ নিগিলেই আনিনে সুনাঙ্ পেইয়োচ্, আর সিয়েন এইচ্চ্যে সং আঘে। আমি পাপ গোজ্যেই, ভান্ন্যেই কাম গোজ্যেই।

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

দানিয়েল 9:8

ও লগেপ্রভু, আমা রাজাগুন, নেতাগুন, পুরোণি মানুচ্চুন আর আমি অগমানে পৌল্যেই আঘিই, কিত্যে আমি তঅ বিরুদ্ধে পাপ গোজ্যেই।

হোশেয় 7:7

তারা বেক্কুনে তুন্দুরু ধোক্ক্যেন গরম ওইয়োন আর তারার্ শাজন্‌গুরিয়্যেগুনোরে তারা আগুনো ধোক্ক্যেন লেবেয়োন। তারার্ রাজাগুনে বেক্কুনে মোজ্যন্; তারা কনজনে মরে ন-ডাগন্।

সখরিয় 10:9

যুনিয়ো নানান্ জাদ ভিদিরে মুই তারারে ছিদি দুয়োং তো দূর দেজত্তুন্ তারা মরে ইদোত্ রাগেবাক্। তারা আর তারার্ পুয়ো-ছাগুনে বাঁজি থেবাক্ আর তারা ফিরি এবাক্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

যোহন 14:3

মুই যেইনে তমাত্যে জাগা থিক্ গুরিনে আরঅ ফিরি এইম্ আর মঅ ইধু তমারে নেযেম্, যেন মুই যিধু থাং তুমিয়ো সিধু থেই পারঅ।

রোমীয় 8:19

গোজেনর্ পুয়োগুনে কক্কে সেই মহিমায় ফগদাং পেবাক্ সিয়েনত্তে বেক্ প্রাণিগুনে আওজ্ গুরিনে বাজ্জেই আঘন্,

১ করিন্হীয় 1:7

সেনত্তে যেক্কে তুমি আমা প্রভু যীশু খ্রীষ্ট ফগদাং অবাত্তে আওজ্ গুরিনে বাজ্জেই আঘঅ সেক্কে গোজেনর্ দিয়্যে কনঅ দানর্ অভাব তমার্ ন-অর্।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

যাকোব 5:7

ইয়েনত্যে ভেইলগ্, যেদ্ক বিলোন সং প্রভু ন-এজে সেদ্ক বিলোন সং ধৈর্য্য ধুরিনে বেক্কানি সোজ্জ্য গরঅ। খেদর্ মংগা ফসলত্যে চাজ্ গুরিয়্যেবো কেধোক্ক্যেন গুরিনে বাজ্জেই থায় আর পত্তম আর শেজ্ বারিজেবোত্যে ধৈয্য ধরে, সিয়েন দেক্ক্য?

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।