যিশাইয় 64:2 - Chakma Bible

² আগুনানে যেধোক্ক্যেন ডেলাগুনোরে জ্বালায় আর পানি সিজাইদ্যে সেধোক্ক্যেন তুই লামি এইনে তঅ শত্রুগুনো ইদু নিজোরে ফগদাং গর্, যেন জাদ্‌‌তুনে তঅ মুজুঙোত্ দরে গির্‌‌গিরেন।

যিশাইয় 64:2 Iomraidhean Croise

গীতসংহিতা 106:8

তো তে তার নাঙান্ রোক্ক্যে গুরিবাত্তে, তার্ খেমতাগান ফগদাঙ্ গুরিবাত্তে তারারে উদ্ধোর্ গুরিলো।

গীতসংহিতা 46:10

লগেপ্রভু কয়দে, “তুমি থাম; তুমি এ কধাগান জানি লঅ, মুয়ই গোজেন; বেক্ জাদ্‌তুনে মরে বাঈনী গুরিবাক্, বাঈনী দান গুরিবো পিত্‌থিমীগানে।”

গীতসংহিতা 79:10

অন্য জাদ্‌তুনে কিত্তে কবাক্, “কুদু গেলঅ তারার গোজেনে?” তুই আমা মুজুঙোত্ তারারে জানেই দে, তঅ চাগরুনোর লো ঝড়ানার হেনাগান তুই নিবে।

গীতসংহিতা 83:13

ও মর্ গোজেন, তুই তারারে বোইয়্যেরে উড়ি যেইয়্যে শুগুনো গাজ ধোক্ক্যেন্ গর্, বোইয়্যের মুয়োত্ তুজো ধোক্ক্যেন্ গর্।

গীতসংহিতা 9:20

ও লগেপ্রভু, তারার্ মনত্ দর্‌বুগ্ লাগেই দে, অন্য জাদ্‌‌তুনে হবর্ পাদোক্, তারা বানা মানুচ্।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

যাত্রা 14:4

মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যিশাইয় 28:21

লগেপ্রভু যুদ্ধো গুরিবো, যেবাবোত্যেগুরি তে পরাসীম মুড়োবোত্ গোজ্যে। তে উত্তেজিত অবঅ, যেবাবোত্যে গুরি গিবিয়োন কলগত্ ওইয়্যে। এবাবোত্যেগুরি তে তার কামানি, তার আমক্ অবার আর অসাধারন কামানি থুম্ গুরিবো।

যিশাইয় 37:20

ইক্কিনে ও আমার গোজেন লগেপ্রভু, আসিরিয়ার রাজা আঢত্তুন্ তুই আমারে রোক্ষ্যে গর্, যেনে পিত্‌থিমীর বেক্ রেজ্যগানিয়ে জানি পারে, তুই, বানা তুয়ই লগেপ্রভু।”

যিশাইয় 63:12

যিবে মোশিরে সাহায্য গুরিবাত্তে তার বাঈনী গুরিবার খেমতাবলা মানুচ্চোরে দিয়্যে, যিবে নিজোর সুনাঙান্ উমরর্ গুরিবাত্তে তারা মুজুঙোত্ পানিগানরে দ্বিভাগ গোজ্যে,

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিরমিয় 5:22

তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍

আমোষ 4:12

সেনত্তে ও ইস্রায়েল, মুই হামাক্কায় তমা লগে এবাবোত্যে বেবহার গুরিম। সেনত্তে ও ইস্রায়েল, তুই গোজেন মুজুঙোত্ থিয়্যেবাত্তে তুই যুক্কোল্ অ।”

মীখা 1:4

মুম্ যেবাবোত্যেগুরি আগুনোত্ গুলি যায়, খামা জাগানদি যেবাবোত্যেগুরি পানি গোজ্যে যায় সেবাবোত্যেগুরি তা টেঙ তলাত্ মুড়ো-মুড়িগুন ফাদি যেবঅ, কলগ্‌কানি ফাদি যেবঅ।

সখরিয় 14:4

সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

দ্বি’লম্বর বিররণ 2:25

এচ্চ্যেত্তুন্‌ ধুরি মুই পিত্‌থিমীর বেক্‌ জাদ ভিদিরে তমা পৌইদ্যেনে এক্কান দর্‌গরেদে ভাব আর গির্‌গিরেনি ধরানা আরাম্ভ গুরিম্‌। তারা তমার কধানি শুনিলে গির্‌গিরেবাক্‌ আর তমাত্যে তারার্‌ মনানিত্‌ অমকদ ভান্ন্যেই চিদে জাগিবো।