যিশাইয় 63:3 - Chakma Bible

³ “মুই গায় গায় আংগুর মাজ্যং; জাদ্‌তুনো ভিদিরে কনজনে মঅ সমারে ন-এলঅ। মুই অমকদ বেজার্ ওইনে তারা টেঙানিলোই দোল্যং আর রাগে তারা টেঙানিলোই মাজ্যং; তারার লো ফুদোগুন মঅ কাবড়ানিত্ পোজ্যে আর বেক্ কাবড়ানিত্ দাগ্ লাক্যে।‌

যিশাইয় 63:3 Iomraidhean Croise

পত্থম 49:11

যিহূদা আংগুর্‌ গাজত্‌ তা গাধাগুন্‌ বানিবো, আর আংগুরো বোল্‌বোল্যে ডেলাবোত্‌ বানিবো গাধা ছবো। আংগুরো-রস্‌সোই তে তা কাবড়ানি কাজেব, আর আংগুরো রাঙা রস্‌ছোই কাবড়-চুগোরানি ধবঅ।

২ রাজাবলী 9:33

যেহূ কলঅ, “তারে তলেন্দি ফেলেই দুয়ো।” সেক্কে তারা ঈষেবলরে তলেন্দি ফেলেই দিলাক্‌ আর যেহূর রথ্‌তান ঘোড়াগুনে তারে টেঙন্দি উরিলাক্‌। সেক্কে তা লো-গান্‌ ছিদি পুরিনে দেবালত্‌ আর ঘোড়াগুনো ইদু বাঁজিলো।

ইয়োব 40:12

বেক্ বাড়্‌‌বো মানুচ্চুনোরে তর্ চোগো ইজিরেলোই তলেদি লামা; শদানুনে যিয়েনত্ আগন্ সিয়েনদই তারারে গুড়ি গর্।

গীতসংহিতা 60:12

গোজেনর বলে আমি জিদিবোং; আমা শত্রুগুনোরে তে টেঙোই মাড়িবো।

যিশাইয় 22:5

বেগত্তুন্ খেমতাবলা প্রভু লগেপ্রভুত্তুন্ দর্শন-কলগত্ অমকদ দর্‌গরেপারা, টেঙোই মাড়িবার আর যাগুলুগোর এক্কো দিন এচ্চ্যে। সিবে দেবালান্ ভাঙি ফেলেবার আর মুড়ো-মুড়ি ইদু কানিবার্ এক্কো দিন।‍‍

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 28:3

ইফ্রয়িমর মাত্তলে ধোজ্যে সেই বাড়্‌বো গোজ্যে মুকুট টেঙোই উরো অবঅ।

যিশাইয় 59:17

তে বুগ্‌‌কো রোক্ষ্যে গুরিবাত্তে ন্যায্যতাগান গুরিলো আর মাঢাবো রোক্ষ্যে গুরিবাত্তে উদ্ধোরান মাঢাত্ দিলো। তে হেনা সুজিবার কাবড়ানি উরিলো আর চাদর ধোক্ক্যেন গুরি আওজ্‌‌চান কিয়্যেত্ উরিলো।

যিশাইয় 63:6

মুই অমকদ বেজার্ ওইনে জাদ্‌‌‍তুনোরে টেঙোই মারিলুং; মর্ রাগে তারারে মাত্তল মান্‌‌‍জ্য ধোক্ক্যেন গুরিলুং আর মাদিত্ তারার লো-নি ঢালি দিলুং।”

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

যোয়েল 3:13

তারার্ পাজি কামানি বোউত্, সেনত্তে তুমি চারি বাজঅ, কিত্যে খেত্-খেত্তি পাক্যে। তুমি এইনে আংগুর মাড়, কিত্যে আংগুর মাড়েদে গাঢ্‌‌তো ভোজ্যে। আংগুর-রসর্ পিলেবোত্তুন্ রস উদুরে পড়ের্।”

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

মালাখি 4:3

সে পরেদি তুমি পাজিগুনোরে টেঙোই মাড়িবা, কিত্যেই যেদিন্যে মুই এই বেক্ কামানি গুরিম সেদিন্যে তারা তমা টেঙত্ তলে পোজ্যে ছেইয়ো ধোক্ক্যেন্ অবা। মুই বেগত্তুন খেমতাবলা লগেপ্রভু এ কধাগান কঙর্।