যিশাইয় 61:9 - Chakma Bible

⁹ জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

যিশাইয় 61:9 Iomraidhean Croise

পত্থম 22:18

তঅ বংশগুনো ভিদিরেন্দি পিত্‌থিমীর বেক্‌ জাদতুনে বর্ পেবাক্। তুই মঅ উগুমান্‌ পালেয়োচ্‌ বিলিনে সিয়েন্‌ অবঅ।”

পত্থম 30:27

মাত্তর্‌ লাবনে তারে কলঅ, “যুদি মঅ উগুরে তমার কনঅ বেজার্ অবার্‌ কারন ন-থায়্‌ সালে ন-যেয়ো। নানান্ বাবোত্যে লক্ষণত্তুন্‌ মুই বুঝি পারঙত্তে, তমাত্তে লগেপ্রভু মরে বর্‌ দিয়্যে।”

গীতসংহিতা 115:14

লগেপ্রভু তমার আর তমা পুয়ো-ছাগুনোর গুট্টিগুন বাড়েই দোক্।

যিশাইয় 43:5

তুই ন-দোরেচ্, কিত্তে মুই তঅ লগে লগে আগং। পূগেদিত্তুন্ মুই তঅ বংশবোরে আনিম আর পজিমেত্তুন্ তরে এগত্তর্ গুরিম।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

যিশাইয় 65:23

তারার্ কামানি মিজে ন-অবঅ আর তারার্ পুয়ো-ছাগুনে দজাত্ ন-পুরিবাক্, কিত্তে তারা আর তারার্ পুয়ো-ছাগুনে লগেপ্রভুর বর্ পেইয়্যে মানুচ্ অবাক্।

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যিরমিয় 31:7

লগেপ্রভু কোইয়্যেদে, তুমি যাকোবত্তে হুজি মনে গিদ্ গঅ; বেগত্তুন সেরা জাদত্তে হুজির্ রঅ গরঅ। তুমি নাঙ্ গিনিনে কঅ, ও লগেপ্রভু, তঅ মানুচ্চুনোরে, ইস্রায়েলর বাঁজি থেইয়্যে মানুচ্চুনোরে উদ্ধোর্ গর্।

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

মালাখি 3:12

সেক্কে বেক্ জাদ্‌‌‌‌‌তুনে তরে বর্ দিবাক্, কিত্যেই তমা দেজ্‌‌‌‌‌চান অবঅ হুজির্ দেশ। মুই বেগত্তুন্ খেমতাবলা লগেপ্রভু কঙর্।”

গণাণা 22:12

মাত্তর্‌ গোজেনে বিলিয়মরে কলঅ, “তুই তারা সমারে ন-যেবে আর সেই মানুচ্চুনোরে কনঅ অভিশাব ন-দিবে, কিত্যে সিগুন মর্‌ আশিদ্‌বাদ পেইয়্যে মানুচ্‌।”

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”