যিশাইয় 61:8 - Chakma Bible

⁸ লগেপ্রভু কোইয়্যেদে, “মুই ন্যায়বিচের গম্ পাং আর ডাগেত্ গরনা আর অন্যেয়ানি ঘিনাং। মর্ বিশ্বেজ্‌চান্দোই মুই তারারে বক্‌শিজ্ দিম আর তারাত্তে এক্কান উমরর্ বেবস্থা থিদেবর্ গুরিম।‍‍‌‍‍

যিশাইয় 61:8 Iomraidhean Croise

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

২ শমূয়েল 23:5

গোজেন ইদু কি মর্‌ বংশবো সেধোক্ক্যেন নয়? মত্তে তে দঅ এক্কান্‌ উমরত্যে সুদোম্ গোজ্যে। সে সুদোমানর্‌ বেক্‌ কধানি দোলেডালে সাজেয়্যে আর গমে রাগা ওইয়্যে। মঅ উদ্ধোরান্ তে গমেডালে গুরিবো, মঅ অাওজ্‌চান তে পুরেই দিবো।

গীতসংহিতা 105:10

তে তার সুদোমান্ যাকোব ইদু নিয়ম ইজেবে আর ইস্রায়েল ইদু উমরর্ সুদোম ইজেবে ফগদাঙ্ গোজ্যে।

গীতসংহিতা 11:7

লগেপ্রভু গম্ বিলিনে ন্যায়র্ কামানি তে কোচ্‌‌পায়; যিগুনে খাটি তারা তা মুয়োন্ দেগিবাক্।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গীতসংহিতা 33:5

লগেপ্রভু ন্যায় কাম আর ন্যায় বিচেরানি গম্ পায়; সারা পিথ্‌তিমীগান পোজ্যে আগেদে তার্ ন-ফুরেইয়্যে কোচ্‌পানা।

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

গীতসংহিতা 45:7

তুই ন্যায়ানরে কোচ্‌‌পাচ আর অন্যেয়রে ঘিনেচ্; সেনত্তে গোজেন, তর্ গোজেন, তর্ সমাজ্যেগুনোত্তুন্ বোউত্ হুজির্ তেল ধোক্ক্যেন্ গুরি তঅ উগুরে ঢালি দিয়্যে।

গীতসংহিতা 50:5

তে কোইয়্যেদে,“মর্ সেই ভক্তগুনোরে মইদু এগত্তর্ গর্, যিগুনে য়েমান্-উৎসর্বর মাধ্যমে মর্ থিদেবর গোজ্যে সুদোমান মানি লোইয়োন।”

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গীতসংহিতা 99:4

যে রাজা ন্যায়বিচের কোচ্‌পায় তা খেমতাগানরে তুয়ই অদে অদে রাগেয়োচ্, যেনে তে গমেডালে বিচের গুরি পারে। তুয়ই যাকোব বংশ ইদু ন্যায়বিচের আর ধর্মগান অদে অদে রাগেয়োচ্।

গম্ উপদেজ্ 3:6

তর্ আঢিবার পধত্ গোজেনরে মুজুঙোত্ রাগেচ্; তেয়ই তর্ বেক পথ্‌তানি উজু গুরি দিবো।

গম্ উপদেজ্ 8:20

মুই ন্যায়র পধেদি চলং, ন্যায়বিচেরর পথ্‌তান্ ধুরি চলং।

যিশাইয় 28:17

মুই ন্যায়বিচেরানরে মাবর্ দুড়ি আর সততাগানরে ওলনদুড়ি গুরিম্; শিলোঝরানে তমারে আশ্রয় জাগা ধোক্ক্যেন্ মিজেগানরে ভস্ত গুরি দিবো, আর বান পানিগানে তমার পোল্যে থেবার্ জাগায়ান ভাজেই নেযেব।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 5:16

মাত্তর্ বেগত্তুন্ খেমতাবলা লগেপ্রভু দোল্ বিচের গুরিনে দাঙর্ থেবঅ; পবিত্র গোজেনে তা গমানত্তে পবিত্র বিলিনে ফগদাং অবঅ।

যিশাইয় 54:10

যুনিয়ো বা মুড়োমুড়িগুন্ সুরি যান্ আর মুড়োগুন গুলি যান্, তো তত্তে মর্ অমকদ কোচ্‌পানাগান সুরি ন-যেবঅ বা মর্ সুগ্-শান্দির সুদোমান ন-লুরিবো‍‌।” তঅ উগুরে যিবের্ দোয়্যে-মেয়্যে আঘে সেই লগেপ্রভু এ কধাগান কত্তে।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিশাইয় 56:1

লগেপ্রভু কত্তে, “তুমি ন্যায়বিচের্ রোক্ষ্যে গরঅ আর দোল্ কাম গরঅ, কিত্তে মর্ দিয়্যে উদ্ধোরান্ কায়-কুরে এচ্চ্যে আর কেধোক্ক্যেন গুরি তুমি মর্ মানি লোইয়্যে ওই পার সিয়েনর্ উপায়ান যাদিমাদি ফগদাং অবঅ।

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

যিরমিয় 9:24

মাত্তর্ যে বাড়্‌বো গুরিবাত্তে চায় তে ইয়েনিলোই বাড়্‌বো গোরোক্, তে মরে বুঝে আর হবর্ পায়, অত্তাৎ তে হবর্ পাইদে, মুয়ই লগেপ্রভু; মর্ কোচ্‌পানাগান বোউত্ আর পিত্‌থিমীত মর্ কামানি ন্যায়ে আর সততালোই ভরা। ইয়েনি পৌইদ্যেনে মুই গম্ পাং। মুই লগেপ্রভু এ কধাগান কঙর্।”‌‍

যিহিষ্কেল 16:60

তো তর্ কম বয়জত্ তত্তে মুই যে সুদোমান থিদেবর্ গোজ্যং সিয়েন মুই মনে গুরিম আর তত্তেই এক্কান উমরর্ সুদোম থিদেবর্ গুরিম।

যিহিষ্কেল 34:25

“‘মুই তারাত্তে ভালেদির্ এক্কান বেবস্থা থিদেবর্ গুরিম আর দেজত্তুন্ চিৎনপুজ্যে য়েমানুনোরে শেজ্ গুরিম যেনে তারা গমেডালে ধূল্যেচর-চাগালাত্ বজত্তি গত্তে আর ঝার-জংগলত্ ঘুমেই পারন্।

মালাখি 1:13

তুমি তুচ্ছো গুরিবার মনোভাব্‌‌‌পোই ইয়েন অ কোই থাগঅ, ‘ইয়েন কি জ্বালা!’ তুমি দঅ লুদেয়্যে, লেং আদুড়্ বা পীড়েই ধোজ্যে য়েমান্ আনিনে উৎসর্বর অনুষ্ঠানত্তে দুয়ো, মাত্তর্ সিয়েন কি মুই তমা আঢত্তুন্ নেযেই পারং? মুই লগেপ্রভু এ কধাগান কঙর্।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

২ থিষলনীকীয় 3:5

প্রভু যেন তমার মনানি গোজেনর্ কোচ্‌পানার পধেদি আর খ্রীষ্টর্ ধৈজ্জ্যর্ পধেদি চালেই নেযায়।