যিশাইয় 61:7 - Chakma Bible

⁷ মঅ মানুচ্চুনে লাজ বদলে সোম্বোত্তির দ্বিগুন ভাগ পেবাক্, আর অসর্মান বদলে তারা তারার সোম্বোত্তিগানিত্ রঙ্গফুত্তি গুরিবাক্। তারা দেজত্ তারা দ্বিগুন ভাগ পেবাক্ আর তারার উমরর্ হুজির হবর্ অবঅ।

যিশাইয় 61:7 Iomraidhean Croise

২ রাজাবলী 2:9

পার্ ওই এইনে এলিয় ইলীশায়রে কলঅ, “মরে কঅ, তঅ কায়-কুরেত্তুন মরে তুলি নেযেবার্‌ আগেন্দি মুই তত্তে কি গুরিম?” জোবত্‌ ইলীশায় কলঅ, “তঅ আত্মাগানর দ্বিগুন আত্মা যেনে মুই পাং।”

ইয়োব 42:10

ইয়োবে তা সমাজ্যেগুনোত্তে তবনা গরানার পরেদি লগেপ্রভু আরঅ তা অবস্থাগান ফিরেল আর তারে বেক্কানি আগত্তুন দ্বিগুণ বেশ্ দিলো।

গীতসংহিতা 126:5

যিগুনে চোগো পানি ফেলেই ফেলে বীজ লাগান্ তারা হুজিয়ে রঅ ছাড়দে ছাড়দে খেত্‌খেত্তি কাবিবাক্।

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

যিশাইয় 60:15

“যুনিয়ো তরে ছাড়ি দেনা বা ঈচ্ গরা ওইয়্যে,‌‌‌‌‌‌‌‌‌‌‌‌‌‌ কনজনে তমা ভিদিরেদি ন-যেদঅ, তো মুই তরে চির জিংকানিবরর্ মানুচ্ গুরিম আর বংশর পর বংশর বেক্কুনোর হুজির হবর্।

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

সফনিয় 3:19

যিগুনে তঅ উগুরে অত্যেচার গরন্ তারারে বেক্কুনোরে মুই সে সময়োত্ সাজা দিম্; মুই আঢুড়ুনোরে উদ্ধোর্ গুরিম আর যিগুনে ছিদি পোজ্যন্ তারারে তুবেম্। তারার্ লাজানার্ বদলে মুই তারারে গোদা দুনিয়েনত্ নাঙ্ গিনেনা পান্ আর বাঈনী গুরিম।

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

সখরিয় 9:12

ও আজাগুরি থেইয়্যে বন্দীগুন, তুমি তমা ঘরত্ ফিরি যঅ; এইচ্চ্যে মুই এগেম্ গরঙর্, মুই তমারে দ্বিগুণ আশিদ্‌বাদ গুরিম।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

দ্বি’লম্বর বিররণ 21:17

যে মোক্কোরে তে কোচ্‌ ন-পায় তা পূঅবোরে তা সোম্বোত্তিত্তুন অন্য যে কনঅ পূঅত্তুন দ্বিগুণ ভাগ দিইনে সেই পূঅবো যে পত্তম পূঅ সিয়েন তাত্তুন স্বীগের্ গরা পুরিবো। সেই পূঅবোই তা বাবর্‌ মরদ পুঅ-বলর্‌ পত্তম ফল। পত্তম পূঅবোর অধিকারান তাত্তুনোই পাওনা।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।