যিশাইয় 61:4 - Chakma Bible

⁴ তারা আগ দিনোত্ ভস্ত ওইয়্যে জাগানি আরঅ তুলিবাক আর ঠিগ্ গুরিবাক। যেদক্কানি শঅর্ বংশর পর বংশ ধুরিনে ভস্ত ওই যেইয়্যে সিয়েনি তারা আরঅ নূয়ো গুরি বানেবাক্।

যিশাইয় 61:4 Iomraidhean Croise

ইষ্রা 9:9

আমি চাগর্ অলেয়ো আমা চাগর্ খাদানার্ সময়োত্ আমা গোজেনে আমারে ছাড়ি ন যায়। পারস্যের রাজাগুনো মুজুঙোত্ তে আমা উগুরে বিশ্বেজি বেবহারান্ গোজ্যে। তে আমারে জাগেই তুল্যে যেনে আরঅ আমি আমার্ গোজেন ঘরান বানেই পারি আর সিয়েনর্ ভাঙা জাগায়ান ঠিগ্ গুরিই পারি। তে যিহূদা আর যিরূশালেমত্ আমারে গমেডালে থেবার বেবস্থা গোজ্যে।

গীতসংহিতা 46:8

এজ, লগেপ্রভুর নানান বাবোত্যে কামানি চগি- তে পিত্‌থিমীত্ ভস্তগান ডাগি আন্যে,

গীতসংহিতা 74:3

উমরর্ এ ভস্তর কুড়োবোন্দি তুই আঢিনে উজেই আয়; সুুদ্ধো-সাংগ জাগানত্ শত্রুগুনে বেক্কানি বর্‌বাত্ গুরি দুয়োন।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 58:12

তমা মানুচ্চুনে আগে ভস্ত ওইয়্যে জাগায়ানি আরঅ বানেবাক্ আর পুরোণি দিনো গড়াগানি উগুরে আরঅ গাড়েবাক্; তমারে কুয়ো অবঅ ভাঙা দেবাল আর বজত্তি গুরিবার জাগানর পথ্‌তানি ঠিগ্ গুরিয়্যে।‍‌

মীখা 7:11

ও যিরূশালেম, সে অক্তত্ তর্ দেবাল গাদনিগান তুলো অবঅ, তঅ দুযিগান বাড়া অবঅ।

সখরিয় 1:17

মুই বেগত্তুন খেমতাবলা লগেপ্রভু এ এগেমান্ গরঙর্, মর্ শঅরানিত্ আরঅ ভালেদি উগুরি পড়িবো আর মুই আরঅ সিয়োনানরে সান্ত্বনা দিম আহ্ আরঅ যিরূশালেমানরে বেঈ নেযেম।’ ”