যিশাইয় 61:11 - Chakma Bible

¹¹ মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

যিশাইয় 61:11 Iomraidhean Croise

পত্থম 1:11

সিয়েন পরেদি গোজেনে কলঅ, “মাদি উগুরে খের্‌ উদোক্‌; আর এন্‌ শোজ্য আহ্ শাক-পাদর্ গাছ্‌ ওদোক্‌ যিগুনোর নিজোর নিজোর বিজি থেবঅ। মাদি উগুরে নানান্‌ জাদর গুলো-গুলি গাছঅ উদদোক্‌ যিগুনোত্‌ নিজোর নিজোর গুলো-গুলি ধুরিবাক্; আর সে গুলো-গুলিগুনো ভিদিরে থেবাক্ তারার নিজোর নিজোর বিজি।” আর সিয়েনই অলঅ।

গীতসংহিতা 72:16

দেজত্ বোউত্ খেত-খেত্তি ওক্, সিগুন মুড়োগুনোর্ মাদাবো সং ওক্। খেত-খেত্তিয়ে লেবানন ঝারর্ শন্‌শন্ রঅ গরে; শঅরত্তুন্ নিগিলি এচ্চ্যে মানুচ্চুনে যেন মাদ ঘাস ধোক্ক্যেন বোউত্ বাড়ন্।

গীতসংহিতা 72:3

তার ন্যায় কামর মাধ্যমে মানুচ্চুনোত্যে মুড়ো-মুড়িয়্যে ভরা দেজ্‌‌চান্ ভালেদি ওইনে ভুরি উদোক্।

গীতসংহিতা 85:11

দেজর্ মাদিত্তুন বিশ্বেজছান জাগি উদিবো; স্বর্গত্তুন্ ন্যায়য়ানে তলেন্দি রিনি চেবঅ।

পরমগীত 4:16

উত্তোরেদি বোইয়্যেরান্ জাগি উঠ্, দোগিনে বোইয়্যেরান্ আয়। মঅ বাগানান উগুরেদি বেই যাহ্ যেনে সিয়েনর্ তুম্বাজ্‌ছান ছিদি পড়ে। মর্ পরাণ্যে যেন তা বাগানানত্ এইনে তার গম্ গম্ ফলুন্ খান্।

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 45:23

মুই নিজো নাঙে শমক্ গোজ্যং, মর্ ন্যায্যতালোই মুই এ কধাগান কোইয়োং, আর সিয়েন বাদ্ ন-যেবঅ। সে কধাগান অলঅ, মঅ মুজুঙোত্ বেক্কুনে আঢু পাদিবাক্ আর মর্ অধীনতাগান স্বিগের্ গুরিবাক্।

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিশাইয় 45:8

ও আগাজ্‌‌‌ছান, তুই ভালেদি গুরিবাত্তে ঝড় ফেলাচ্; মেঘ্‌কানে ভালেদি ঢালি দোক্। পিত্‌‌‌‌‌থিমীর বুগ্‌‌‌‌‌কান খুলি যেইনে উদ্ধোরান ভাজি উদোক্ আর সিয়েন সমারে বাড়ি উদোক্ গম্ জিনিস্‌‌‌‌‌চান। মুই লগেপ্রভু ইয়েনর্ বেবস্থা গোজ্যং।

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 48:18

তুমি যুনি বানা মঅ উগুমো উগুরে মনান্ দিদে সালে তমার শান্দি অদঅ গাঙ ধোক্ক্যেন আর তমা সততাগানি অদঅ সাগর তুবোল ধোক্ক্যেন।

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 62:1

মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিশাইয় 62:2

ও যিরূশালেম, জাদ্‌‍‍তুনে তর্ সততাগান আর বেক্ রাজাগুনে তর্ মহিমাগান দেগিবাক্। তরে এক্কান নুয়ো নাঙে ডাগা অবঅ; লগেপ্রভু সেই নাঙান দিবো।

মথি লেখ্যে গম্ হবর্ 13:23

গম্ ভূইয়োত্ পোজ্যে বীজিগুনোর্ মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনিনে বুঝোন্ আর ফল দুয়োন্। কনজনে দে একশগুন, কনজনে দে ষায়েট্গুন্ আর কনজনে দে ত্রিশগুণ।”

মথি লেখ্যে গম্ হবর্ 13:3

সেক্কে তে হিত্ত্য কোইনে ভালোক্কানি পৌইদ্যেনে তারারে শিক্ষ্যে দিয়্যে ধুরিলো।

মথি লেখ্যে গম্ হবর্ 13:8

মাত্তর্ কয়েক্কো বীজি গম্ ভূইয়োত্ পড়িনে কনবোত্ একশগুন, কনবোত্ ষায়েত্‌গুন আর কনবোত্ ত্রিশগুন শোজ্য অলাক্।”

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।