যিশাইয় 61:10 - Chakma Bible

¹⁰ মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 61:10 Iomraidhean Croise

পত্থম 24:53

সে পরেদি তে সোনা আর রুবোর্‌ অলংকার আর কাবড়-চুগোড় নিগিলেনে রিবিকারে দিলো, আর রিবিকার ভেই আহ্‌ মাবোরেয়ো বোউত্‌ মংগা মংগা পযাপিরা দিলো।

২ বংশধর 6:41

“ও গোজেন লগেপ্রভু, ইক্কিনে তর্‌ জিরেবার-জাগানত্‌ আয়; তুই আয়, আর তর্‌ বলর্‌ সুন্দুক্কো এজোক্‌। ও গোজেন লগেপ্রভু, তর্‌ ধর্মগুরুগুনে উদ্ধোর পোজাক্‌ উরোদোক্‌। তুই যেদক্কানি ভালেদি গোজ্যস্‌ সিয়েনত্তে তর্‌ ভক্তগুনে হুজিয়ে ফুত্তি গোত্তোক্‌।

নহিমিয় 8:10

নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

ইয়োব 29:14

সততাগানরে মুই কাবড় ধোক্ক্যেন উরিদুং, আর সততাগানে মরে তা মোক্ক্যেন্দি রাগেদ;

গীতসংহিতা 132:16

মুই সিয়োন ধর্মগুরুগুনোর উদ্ধোরর পজাক্কানি উরেই দিম্; সিদুগোর ভক্তগুনে হুজিয়ে দাঙর্ দাঙর্ গুরি গীদ্ গেবাক্।

গীতসংহিতা 132:9

তঅ ধর্মগুরুগুনে ন্যায়র পোজাক্ উরোদোক্, আর তঅ ভক্তগুনে রঙ্গ-ফুত্তিয়ে গীদ্ গাদোক্।

গীতসংহিতা 28:7

লগেপ্রভু মর্ বল্ আর মর্ ঢাল ধোক্ক্যেন্; মর্ মনানে তা উগুরে বিশ্বেজ্ গরে, সেনত্তে মুই এজাল্ পেইয়োং; সেনত্তে মঅ মনান্ হুজিয়ে ভুরি উঠ্যে, আর মুই গান্‌দোই তারে ভালেদি জানেম।

গীতসংহিতা 35:9

সেক্কে লগেপ্রভুরে নিইনে মুই ফুত্তি গুরিম; তার্ দিয়্যে উদ্ধোরে মুই ফুত্তি গুরিম।

পরমগীত 1:10

তঅ গালানর্ দ্বিকিত্তেদি কান দুলুন্ দুলোদন্, সেক্কে তঅ গালান্ দোল্ লাগের্ আর নেগেলেচ্চো তঅ গত্তনাবোত্ দোল্ গুরি মানেয়্যে।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 17:10

তর্ উদ্ধোরগুরিয়্যে গোজেনরে তুই ভুলি যেইয়োচ্; সেই আশ্রয়-মুড়োবোরে তুই ইদোত্ ন-রাগাচ্। সেনত্তে যুনিয়ো তুই দোল্ দোল্ চারা আর বিদেশত্তুন্ আন্যে আংগুর লুদি লাগর্,

যিশাইয় 25:1

ও লগেপ্রভু, তুয়ই মর্ গোজেন; মুই তর্ বাঈনী গুরিম আর তরে নাঙ্ গিনিম। যেদক্কানি আমক্ অবার্ কাম ভালোক্ দিন আগে তুই পরিকল্পনা গোজ্যস্ সিয়েনি তুই বেক্কানি গমেডালে গোজ্যস্।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 41:16

তুই সিগুনোরে ঝারিলে বোইয়্যেরানে তারারে তুলি নেযেব আর তুট্যেবোইয়্যেরানে তারারে ছিদি দিবো। মাত্তর্ তুই লগেপ্রভুরে নিইনে হুজি গুরিবে আর ইস্রায়েলর সেই সুদ্ধো-সাংগ মানুচ্চো তর্ বাঈনী গুরিবার জিনিস অবঅ।

যিশাইয় 48:18

তুমি যুনি বানা মঅ উগুমো উগুরে মনান্ দিদে সালে তমার শান্দি অদঅ গাঙ ধোক্ক্যেন আর তমা সততাগানি অদঅ সাগর তুবোল ধোক্ক্যেন।

যিশাইয় 49:18

তুই চোগ্‌কুন উবো গুরিনে চেরোকিত্তে রিনি চাহ্; তর্ বেক্ পুয়োগুনে এগত্তর্ ওইনে তইদু এত্তন্। মর্ জিংকানিগান নাঙে কঙর্, তারা বেক্কুনে তর্ গয়না ধোক্ক্যেন অবাক্, নুয়ো বৌ গয়না ধোক্ক্যেন অবাক্।‍

যিশাইয় 49:4

মাত্তর্ মুই কলুং, “মঅ কামান ন-ফলে; মুই ভান্ন্যেই আজালোই লাভ নেইয়্যে গুরি মঅ বলান্ ফেলেয়োং। তো মর্ যিয়েনি পাওনা সিয়েনি লগেপ্রভুর্ আঢত্ রোইয়্যে, আর মঅ বক্‌‍শিজচান গোজেন ইদু আঘে।”

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

যিশাইয় 58:14

সালে মরে নিইনে তুমি হুজিয়ে থেবা আর মুই পিত্‌থিমীর বেক্ অজল্ জাগানির অধিকারান্ তমারে দিম। ইয়েনি বাদেয়ো মুই তমা বাব্‌পো যাকোবর অধিকারান্ তমারে ভোগ গুরিবাত্তে দিম্। মুই লগেপ্রভু এ কধাগান কঙর্।‍‌‌‍‌‌”

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিশাইয় 65:18

মুই যিয়েন বানেম্ তুমি যেনে উমরত্যে হুজি থাগঅ আর ফুত্তি গরঅ, কিত্তে মুই যিরূশালেমানরে এক্কান ফুত্তির্ জিনিস আর তা মানুচ্চুনোরে এক্কান হুজির্ জিনিস ইজেবে বানেম্।

যিরমিয় 2:32

কনঅ মিলে কি তার অষ্‌‍‍ট অলংকার পৌইদ্যেনে ভুলি যেই পারে? কনঅ নূয়ো বৌ কি তার মেলার সনা-রুবো পৌইদ্যেনে ভুলি যেই পারে? মাত্তর্ মঅ মানুচ্চুনে ভালোক্ দিন ধুরিনে মরে ভুলি রোইয়োন।

যিহিষ্কেল 42:14

ধর্মগুরুগুনে সেবা-কামত্তে উবোসনা-ঘরত্ যে কাবড়ানি পিনিনে সোমেবাক্ সিয়েনি এ বিল্ডিং দ্বিয়েনত্ খুলিবাক্ আর সে পরেদি বারেদি উদোনত্ যেই পারিবাক্, কিত্যে সিয়েনি সুদ্ধো-সাংগ পোজাক্। সাধারণ মানুচ্চুনো জাগাত্ যেবার আগেদি তারাত্তুন্ অন্য কাবড় পিনে পড়িবো।”

হবক্‌‌‌‌কূক 3:18

তো মুই লগেপ্রভুরে নিইনে ফুত্তি গুরিম, মর্ উদ্ধোর্ গুরিয়্যে গোজেনরে নিইনে হুজি ওম্।

সখরিয় 10:7

ইফ্রয়িমীয়গুনে বোলী মান্‌‌‌‌জ্য ধোক্ক্যেন অবাক্, আংগুর-রস খাইদ্যে ধোক্ক্যেন তারার মনানি হুজি অবঅ। সিয়েনি দেগিনে তারার্ পুয়ো-ছাগুনে হুজি অবাক্; তারার্ মনানি মরে নিইনে ফুত্তি গুরিবাক্।

সখরিয় 3:5

সেক্কে মুই কলুং, “তা মাঢাবোত্ এক্কান সাব্‌গোজ্যে খবং দিয়্যে ওক্।” সেনত্তে সেই দূত্‌তুনে তা মাঢাবোত্ এক্কান সাব্‌গোজ্য খবং দিলো আর তারে কাবড় উরেল। সেক্কেয়ো লগেপ্রভুর দূত্‌‌‌‌‌তো তারা কায়কুরে থিয়্যেই এলঅ।‌‌

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

গালাতীয় 3:27

কিয়া তমাত্তুন্ যিগুনোর্ খ্রীষ্টর্ মাধ্যমে বাপ্তিস্ম ওইয়্যে, তুমি কাবড় ধোক্ক্যেন গুরি খ্রীষ্টরে দিইনে নিজোরে ঢাঘি ফেল্ল্য।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।

ফগদাং পেইয়্যে 21:9

যে সাতজন স্বর্গদূতো আঢত্ শেজ্ সাত্‌তান আঘাত-ভরা সাত্‌টো কদরা এলঅ তারাত্তুন্ একজনে মইধু এইনে কলঅ, “আয়, মুই তরে বৌ, অত্তাৎ ভেড়া-ছবোর্ মোগ্‌কোরে দেগাং।”

ফগদাং পেইয়্যে 4:4

সেই সিংহাসনানর চেরোকিত্যেদি আরঅ চব্বিচ্চান সিংহাসন এলঅ, আর সেই সিংহাসনানিত্ চব্বিচ্‌জন নেতা বৈ এলাক্। তারার পোজাগ্‌কানি এলঅ ধুব্ আর তারার মাঢাত্ সনার মুকুট এলঅ।

১ শমূয়েল 2:1

সে পরেন্দি হান্না তবনা গুরিনে কলঅ, “লগেপ্রভুরে নেযেইনে মুই হুজি গরং; লগেপ্রভুই মরে জিদেনাগান্ দান গোজ্যে। মর্‌ শত্রুগুনো মুজুঙোদোই মুই মুয়োন খুলিনে হুজির্-গীত্ গাঙর্‌; তুই মরে শত্রুগুনো আঢত্তুন উদ্ধোর গোজ্যচ্‌ বিলি মুই হুজি।