যিশাইয় 60:9 - Chakma Bible

⁹ ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিশাইয় 60:9 Iomraidhean Croise

পত্থম 9:27

গোজেনে গোরোক, যেফতে যেনে বোউত্‌ জাগা জুড়ি থায়। তে শেমর তাম্বুলানত্‌ বজত্তি গোরোক্‌ আর কনানে তা চাগর ওক্‌।”

১ রাজাবলী 10:1

শলোমনর্ সুনাঙ্‌ আর তা মাধ্যমে ফগদাং পেইয়্যে লগেপ্রভুর বাঈনীগানর্ কধা শুনিনে শিবা দেজর রানী আগাত্যে কধালোই পুজোর্‌ গুরিনে তারে জগা চেবাত্তে এলঅ।

১ রাজাবলী 10:22

সাগরত্‌ হীরমর জাহাজ সমারে রাজারঅ দাঙর্‌ দাঙর্‌ তর্শীশ-জাহাজ এলঅ। পত্তি তিন বজর্‌ পর পর সে জাহাজছানি সোনা, রূবো, এদো দাত্, বান্দর আর বেবুন লোইনে ফিরি এদঅ।

১ রাজাবলী 22:48

ওফীরোত্‌ যেইনে সোনা আনিবাত্তে যিহোশাফটে কদক্কানি দাঙর্‌ দাঙর্‌ তর্শীশ-জাহাজ বানেল, মাত্তর্‌ জাহাজছানি আর যানা ন-অলঅ, কিত্তে ইৎসিয়োন-গেবরত্‌ সিয়েনি ভস্ত ওই যেইয়্যে।

১ রাজাবলী 8:41

ইয়েন বাদেয়ো তঅ মানুচ্‌ ইস্রায়েলীয় নয় এধোক্ক্যেন কনঅ বিদেশী তর্‌ দাঙর্ নাঙান, তর্‌ খেমতাগান আর বাড়েই দিয়্যে আদঅ কধা শুনিনে তরে তবনা গুরিবাত্তে যেক্কে দূর দেজত্তুন্‌ এইনে এ তবনা-ঘরন্দি ফিরিনে তবনা গুরিবাক্,

গীতসংহিতা 48:7

যেধোক্ক্যেন্ গুরিনে জোরে পূগো বোই্য়্যেরলোই তে দাঙর্ দাঙর্ তর্শীশ-জাহাজছানি ভাঙি ফেলেয়্যে, সেধোক্ক্যেন্ গুরিনে তে তারারে ভস্ত গুরিলো।

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

গীতসংহিতা 97:1

লগেপ্রভুই রাজা, পিত্‌থিমীগানে ফুত্তি গোরোক্, দূরোর গূণি ন-পুরেইয়্যে থল্ মুড়োগুনে হুজি ওক্।

যাত্রা 33:19

লগেপ্রভু কলঅ‌, “মুই মর্‌ বেক্‌ আওজ্‌‌চানি তঅ মুজুঙোত্‌ তুলি ধুরিম। তর্‌ মুজুঙোত্‌ মুই মর্‌ ‘লগেপ্রভু’ নাঙান্‌ ফগদাঙ্‌ গুরিম্‌। মর্‌ যিবে গম্‌‌ লাগে তারে দোয়্যে গুরিম্‌, যিবেরে গম্‌‌ লাগে তারে মেয়্যে গুরিম্‌।

গম্ উপদেজ্ 18:20

মানুচ্ তা কধালোই যিয়েনি পায় সিয়েনিলোই তা মনান্ ভুরি যায়; তা কধানিলোই তে যিয়েনি পায় সিয়েনিয়ে তারে মনান্ বুঝোই।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 2:16

বেক্ তর্শিশ-জাহাজ আর পত্তি সয়-সাগোজ্যে জাহাজ্‌চানি তলে গরা অবঅ।

যিশাইয় 24:15

সেনত্তে পুগেদি মানুচ্চুনে লগেপ্রভুরে বাঈনী গোরোদোক্ আর দূর দেজর মানুচ্চুনে ইস্রায়েলর গোজেন লগেপ্রভুরে নাঙ্ গিনোদোক্।

যিশাইয় 42:10

ও সাগরত্ আঢাউদো গোজ্যেগুন্, সাগর ভিদিরে বেক্ প্রাণিগুন, ও দূরোর্ দেজ্‌ছানি আর সিয়েন ভিদিরে আদাম্মেগুন্,‌‍‍‍ তুমি বেক্কুনে লগেপ্রভুর্ নাঙে এক্কো নূয়ো গীদ্ গঅ, পিত্‌‌থিমীর শেজ্ ধুজিত্তুন্ তার নাঙ্ গিনেদে গীদ্ গঅ।

যিশাইয় 42:4

পিত্‌থিমীত ন্যায়বিচের থিদেবর্ ন-অনা সং তে বল্‌‌‌পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”

যিশাইয় 43:4

মুই তঅ বদলে অন্য মানুচ্চুনোরে দিম্ আর তঅ পরাণানর্ বদলে অন্য জাদ্‌তুনোরে দিম, কিত্তে তুই মঅ চোগেদি মূল্যবান আর সর্মান পেইয়্যে, আর মুই তরে কোচ্‌‌পাং।

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 49:1

ও দূর্ দেজর মানুচ্চুন্, মঅ কধাগান শুনো; দূরোর জাদ্‌তুন, কানানি পাদঅ। মর্ জর্মেবার আগেদি লগেপ্রভু মরে ডাক্যে; তে মা পেদত্তুন্ ধুরি মঅ নাঙান কোই কোই এজের্।‌‌‌

যিশাইয় 49:22

প্রভু লগেপ্রভু কোইয়্যেদে, “চঅ, মুই আঢ ইজিরেলোই অন্য জাদ্‌‍‌তুনোরে ডাগিম আর মর্ বাবতাগান তারারে দেগেম্। সেনত্তে তারা করত্ গুরিনে তমা পুয়োগুনোরে আনিবাক্ আর কানাত্ গুরিনে তমা ঝিগুনোরে বুয়োবাক্।‌

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

যিশাইয় 57:17

তারার্ লুভোত্তে মুই রাগে জুলি উঠ্যং, আর তারারে সাজা দিইনে অমকদ বেজার্ পেইনে মঅ মুয়োন্ ফিরেই নেযেয়োং; তো তারা তারার আওজ্ মজিম পধেদি যাহ্ ধুরিলাক্।

যিশাইয় 60:4

তুই চোগ্‌কোলোই চেরোকিত্তে রিনি চাহ্,‌‌‌ তারা বেক্কুনে এগত্তর্ ওইনে তইদু এত্তন্; তঅ পুয়োগুনে দূরোত্তুন এত্তন্ আর তঅ ঝিগুনোরে করত্ গুরি আনা অর্।

যিশাইয় 60:6

ধূল্যেচরেদি যেইয়্যে উটো পিদিত্ যেইয়্যেগুন্দোই তমা দেজ্‌চান ভুরি যেবঅ, ভুরি যেবঅ মিদিয়ন আর ঐফার বোলী উট্‌তুন্দোই। তারা সোনা আর তুম্বাজ্ আগর্‌বাট্টি্‌লোই শিবা দেজত্তুন এবাক্ আর লগেপ্রভুরে বাঈনী গুরিবাক্।

যিশাইয় 66:12

লগেপ্রভু কত্তে, “মুই তা ইন্দি গাঙ ধোক্ক্যেন গুরি ভালেদি বুয়োই দিম, আর জাদ্‌তুনোর ধন-সোম্বোত্তিগানি তা ইদু বান পানি ধোক্ক্যেন এবঅ। তুমি এবাবোত্যে চিগোন গুরো ধোক্ক্যেন অবা যিবেরে দুধ হেই হেই করত্ গুরি নেযা অয় আর আঢু উগুরে নাজা অয়। ‌‌

যিরমিয় 3:17

সে অক্তত্ মান্‌জ্যে যিরূশালেমানরে কবাক্ লগেপ্রভুর সিংহাসন, আর লগেপ্রভুরে উবোসনা গুরিবাত্তে বেক্ জাদ্‌‌‌তুনে যিরুশালেমত্ থুবেবাক্। তারার ভান্ন্যেই মনর্ একগেয়েমিলোই আর তারা ন-চলিবাক্।

যিরমিয় 30:19

সিয়েনত্তুন্ নিগিলি এবঅ সাধুবাদ দেনার্ গীদ্ আর হুজির্ রঅ। মুই তারার মানুচ্চুন বাড়েম্, তারা কুমি ন-যেবাক্। মুই তারারে সর্মানিত গুরি তুলিম, তারারে কনজনে ঈচ্ ন-গুরিবাক্।

যিহিষ্কেল 39:7

মর্ মানুচ্ ইস্রায়েলীয়গুনো ভিদিরে মুই মঅ পবিত্রতাগান ফগদাং গুরিম। মঅ নাঙান্ মুই আর্ অপবিত্র অবাত্তে ন-দিম; সেক্কে জাদ্‌‌‌‌তুনে হবর্ পেবাক, মুয়ই লগেপ্রভু, ইস্রায়েল ভিদিরে সেই সুদ্ধো-সাংগ মানুচ্চো।

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

মীখা 7:12

সে অক্তত্ আসিরিয়া আর মিসর শঅরানিত্তুন্ মানুচ্চুনে তইধু এবাক্; এন্ কি, মিসরত্তুন্ ইউফ্রেটিস গাঙ্, এক সাগরত্তুন্ আর এক সাগর আহ্ এক মুড়োত্তুন্ আর এক মুড়ো সং মানুচ্চুন এবাক্।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

সখরিয় 14:14

যিহূদায়ো যিরূশালেমর তপ্পে যুদ্ধো গুরিবো। কায়কুরে জাদ্‌তুনোর ধন-সোম্বোত্তিগানি, অত্তাৎ ভালোক্কানি সনা, রূবো আর কাবড়-চুগোর্ তুবো অবঅ।

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

যোহন 17:26

মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্‌পাচ্ সেধোক্ক্যেন্ কোচ্‌পানা তারা মনত্ থায়, আর মুই যেন তারা সমারে এগত্তর্ থাং।”

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

গালাতীয় 4:26

মাত্তর্ যে যিরূশালেমান্ স্বর্গর্, তে স্বাধীন; তেয়ই আমার মা।

যিহোশূয় 9:9

জোবত্‌ তারা কলাক্‌, “তঅ‌ গোজেন লগেপ্রভুর সুনাং শুনিনে তর্‌ এই চাগরুনে বোউত্‌ দূর দেজত্তুন এচ্চ্যন্‌। তে মিসর দেজত্‌ যিয়েনি গোজ্যে সে হবরানি আমি পেইয়্যেই।