যিশাইয় 60:4 - Chakma Bible

⁴ তুই চোগ্‌কোলোই চেরোকিত্তে রিনি চাহ্,‌‌‌ তারা বেক্কুনে এগত্তর্ ওইনে তইদু এত্তন্; তঅ পুয়োগুনে দূরোত্তুন এত্তন্ আর তঅ ঝিগুনোরে করত্ গুরি আনা অর্।

যিশাইয় 60:4 Iomraidhean Croise

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 14:2

অন্য জাদ্‌তুনে তারারে নিইনে তারার্ নিজো দেজত্ লুমেই দিবাক্। লগেপ্রভুর দেজত্ অন্য জাদ্‌‌তুনে ইস্রায়েলীয়গুনোর চাগর্-চাগরানী অবাক্। যিগুনে তারারে বন্দী গোজ্যন্ ইক্কিনে সিগুনোরে তারা বন্দী গুরিবাক্ আর তারার অত্যেচার্ গুরিয়্যেগুনো উগুরে তারা নেতা অবাক্।

যিশাইয় 42:6

মুই লগেপ্রভু তরে গমেডালে ডাক্যং; মুই তঅ আঢ্‌‌‍‍তান ধুরি রাগেম। মুই তরে রোক্ষ্যে গুরিম আর মঅ মানুচ্চুনোত্তে তরে এক্কান বেবস্থা ধোক্ক্যেন গুরিম আর অন্য জাদ্‌তুনোত্তে পহ্‌‌‍‍‌‍‍‌‌‍‍র ধোক্ক্যেন গুরিম।

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 49:17

তঅ পুয়োগুনে ফিরি এবাত্তে তাড়াহুড়ো গত্তন্, আর যিগুনে তরে ভস্ত গুরিনে ফেলেই রাগেয়োন তারা তঅ মুজুঙেত্তুন্ যেবাক্কোই।

যিশাইয় 49:18

তুই চোগ্‌কুন উবো গুরিনে চেরোকিত্তে রিনি চাহ্; তর্ বেক্ পুয়োগুনে এগত্তর্ ওইনে তইদু এত্তন্। মর্ জিংকানিগান নাঙে কঙর্, তারা বেক্কুনে তর্ গয়না ধোক্ক্যেন অবাক্, নুয়ো বৌ গয়না ধোক্ক্যেন অবাক্।‍

যিশাইয় 66:20

লগেপ্রভুর নাঙে উৎসর্ব ইজেবে তারা বেক্ জাদ ভিদিরেত্তুন্ তমা ভেইয়ুনোর রথ আর গাড়িত্ গুরিনে আর ঘোড়া, গাধা আর উট্‌টোই মর্ সুদ্ধো-সাংগ মুড়ো যিরূশালেমত্ এবাক্। ইস্রায়েলীয়গুনে যেবাবোত্যে সিজি গোজ্যে পিলে ভিদিরে শোজ্য-উৎসর্বর জিনিস আনন্ সেবাবোত্যেগুরি তারা লগেপ্রভুর ঘরত্ তারারে আনিবাক্।

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।

মীখা 7:12

সে অক্তত্ আসিরিয়া আর মিসর শঅরানিত্তুন্ মানুচ্চুনে তইধু এবাক্; এন্ কি, মিসরত্তুন্ ইউফ্রেটিস গাঙ্, এক সাগরত্তুন্ আর এক সাগর আহ্ এক মুড়োত্তুন্ আর এক মুড়ো সং মানুচ্চুন এবাক্।

হগয় 2:7

মুই বেক্ জাদ্‌‌তুনোরে লাড়েম আর সেক্কে তারা তারার্ ধন-সোম্বোত্তিগানি ইধু আনিবাক্। সেক্কে মুই এ ঘরান্ সয়-সাগোজ্যেলোই ফেলেং ফেলেং গুরিম।

মথি লেখ্যে গম্ হবর্ 8:11

মুই তমারে কঙর্, পূগে আর পোজিমেত্তুন্ বোউত্ এবাক্ আর অব্রাহাম, ইস্‌হাক আর যাকোব সমারে স্বর্গ-রেজ্যত্ হেবাত্তে ববাক্।

যোহন 4:35

তুমি কি ন-কঅ, ‘আর চের্ মাস বাগি আঘে, সে পরেদি শোজ্য কাবিবার্ সময় অবঅ’? মাত্তর্ মুই তমারে কঙর্, চোগ্ তুলিনে একবার্ ক্ষেদ ইন্দি রিনি চঅ, শোজ্য কাবিবার্ অক্‌ত ওইয়্যে।

প্রেরিত্‌ 13:44

যেরেদি জিরেবার দিনোত্ শঅরর্ প্রায় বেক্‌ মানুচ্চুনে গোজেনর্ কধা শুনিবাত্যে এক সমারে এগত্তর্ অলাক্।