যিশাইয় 60:2 - Chakma Bible

² চঅ, পিত্‌থিমীগান আন্ধারে নাঢা যেইয়্যে ‌‌ আর জাদ্‌তুনো উগুরে এচ্চ্যে ঘুর্‌‌‌‌গুজ্যে আন্ধার, ‌ মাত্তর্ লগেপ্রভু তঅ উগুরে পহ্‌‌‌র দিবো আর তার মহিমাগান তঅ উগুরে ফগদাং অবঅ।

যিশাইয় 60:2 Iomraidhean Croise

১ রাজাবলী 8:11

সে মেঘ্‌কানত্তে ধর্মগুরুগুনে সেবা-কাম গুরিবাত্তে ন-পারিলাক্, কিত্তেই লগেপ্রভুর মহিমালোই তা ঘরান্‌ ভুরি যেইয়্যে।

গীতসংহিতা 102:16

লগেপ্রভু আরঅ সিয়োনানরে বানেব, আর তে নিজোর মহিমালোই দেগা দিবো।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

যিশাইয় 2:5

ও যাকোবর বংশধরুন্, এজঅ; আঢঅ, আমি লগেপ্রভুর পহ্‌রে আঢাউদো গুরিই।

যিশাইয় 4:5

লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্‌জোল্যে আগুনো পহ্‌র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্।‍‍‍‍‍

যিশাইয় 58:10

যুনি পেট্ পুজ্যে মানুচ্চুনো উগুরে মেয়্যে দেগেইনে তারারে হানা দুয়ো, সেক্কে আন্ধারত্‌অ তমার পহ্‌‍‌‍‌র জুলি উদিবো আর তমার রেত্‌‍‌তো অবঅ দিবুজ্যে মাদান ধোক্ক্যেন।

যিশাইয় 58:8

সালে তমা পহ্‌রান বেন্যে মাদান ধোক্ক্যেন ফগদাং অবঅ‍ আর যাদিমাদি তুমি গম্ অবা; তমা সততাগানি তমা আগে আগে যেবঅ আর মর্ বাঈনী গরানাগান্ তমা পিজে পিজে রোক্ষ্যে গুরিয়্যে অবঅ।‌

যিশাইয় 62:1

মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিশাইয় 66:11

তুমি বুগো দুধ হেইনে বুঝ্ পেইয়্যে চিগোন গুরো ধোক্ক্যেন যিরূশালেমর্ ভালেদি ভোগ গুরিনে ঈল্ অবঅ।

যিশাইয় 8:22

সে পরেদি তারা পিত্‌‌‌‌থিমীগান ইন্দি রিনি চেইনে দেগিবাক্ বানা দুঘ্, আন্ধার আর দর্‌‌গরেপারা যন্ত্রণা। গুর্‌‌গুজ্যে আন্ধার ভিদিরে তারারে দূর্ গুরি দিয়্যে অবঅ।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিহিষ্কেল 10:4

সে অক্তত্ লগেপ্রভুর মহিমাগান্ করূব্‌পুনো উগুরেত্তুন উদিনে উবোসনা-ঘরর্ ফ্রেমানি ইন্দি গেলঅ। উবোসনা ঘরান্ মেঘ্‌কোই ভুরি গেলঅ, আর সেক্কে লগেপ্রভুর মহিমাগানর্ পহ্‌রে উদোনান্ ভরা এলঅ।

লেবীয় 9:23

ইয়েনর্ পরেদি মোশি আর হারোণে মিলন-তাম্বুলো ভিদিরে গেলাক্। সিয়োত্তুন্‌ নিগিলি এইনে তারা মানুচ্চুনোরে আশিদ্‌বাদ গুরিলাক্‌। সেক্কে বেক্‌ মানুচ্চুনো মুজুঙোত্ লগেপ্রভুর্ মহিমাগান্ দেগা দিলো।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

গণাণা 16:19

কোরহ যেক্কে মোশি আর হারোণর বিপক্ষে সমাজর বেক্‌ মানুচ্চুনোরে এগত্তর্‌ গুরিনে মিলন-তাম্বুলোর দোরান ইদু যেইনে থিয়্যেলাক্ সেক্কে তারার্‌ বেক্কুনো মুজুঙোত্‌ লগেপ্রভুর মহিমাগান্ দেগা দিলো।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 23:19

কানার্ দল, কুবোন্ দাঙর্? সেই দানুন্, নাহি সেই পূজোবো যিবে সেই দানুনোরে গোজেনত্তে যুদো গুরি রাগায়?

মথি লেখ্যে গম্ হবর্ 23:24

তুমি নিজে কান্ অদচ অন্যগুনোরে পথ্ দেগঅ। এক্কো চিগোন্ মাছিয়ো তুমি ছাগি লঅ অদচ উট গিলি ফেলঅ।

যোহন 1:1

পত্তমে কধাগান্ এলঅ, কধাগান্ গোজেন সমারে এলঅ আর কধাগান্ নিজেই গোজেন এলঅ।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 8:55

তুমি কনদিন্অ তারে হবর্ ন-পঅ, মাত্তর্ মুই তারে হবর্ পাং। যুনি মুই কং মুই তারে হবর্ ন-পাং সালে তমা ধোক্ক্যেন্ মুই মিজে মাদিয়্যে ওম্। মাত্তর্ মুই তারে চিনোং আর তা কধা বাধ্য ওইনে চলং।

প্রেরিত্‌ 14:16

আগ দিনোত্ বেক্‌ জাদ্‌তুনোরে তে তারার্ আওজ্ মজিম চলিবাত্তে দিয়্যে,

প্রেরিত্‌ 17:23

কিয়া মুই ঘুরি বেড়েবার্ অক্তত্ তমা উবোসনার্ জিনিস্‌‌‌চানি যেক্কে চাঙর্ সেক্কে এমন্‌ এক্কো পূজো দেগিলুং যিবে উগুরে লেগা আঘে, অচিনে দেবেদার্ নাঙে। তুমি ন-চিনিনে যিবের্ উবোসনা গরর্ তা পৌইদ্যেনে মুই তমা ইধু প্রচার গরঙর্।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।