যিশাইয় 60:11 - Chakma Bible

¹¹ তঅ গেট্‌তুন নিত্য খুলো থেবঅ,‌‌‌ দিনে-রেদে কনদিন্অ সিগুন বন্ধ ন-থেবাক্ যেন জাদ্‌তুনোর ধন-সোম্বোত্তিগানি মান‌্‌জ্যে তইদু আনি পারন্;‌‌‌ তারার রাজাগুনোরেয়ো আনা অবঅ।

যিশাইয় 60:11 Iomraidhean Croise

নহিমিয় 13:19

মুই এ উগুমান্‌ দিলুঙ্‌, জিরেবার্‌ দিন্নোত্‌ পত্তমে যেক্কে যিরূশালেমর গেট্টুনো উগুরে সাজোন্যে ছাবা লামি এবঅ সেক্কে যেনে গেট্টুন্‌ বানা অয় আর জিরেবার্‌ দিন্নো থুম্‌ ন-অনা সং সিবে বানি রাগা অয়। জিরেবার্‌ দিন্নো যেনে কনঅ বুধি ভিদিরে আনা ন-অয় সিবে চেবাত্তে মুই মর্‌ নিজোর্‌ কয়েক্কো কাম্‌গুরিয়্যেরে গেট্টুনোত্‌ নেযেলুঙ্‌।

গীতসংহিতা 149:8

যেনে শিগোল্লোই তারার্ রাজাগুনোরে বানি পারন্, তারার দাঙর্ পোজিশন মানুচ্চুনোরে লুয়ো শিগোল্লোই বানি পারন্,

যিশাইয় 24:21

সেদিন্যে লগেপ্রভু আগাজ উগুরে বেগত্তুন্ খেমতাবলাগুনোরে সাজা দিবো, আর পিত্‌থিমীত্ রাজাগুনোরে সাজা দিবো।‌‌

যিশাইয় 26:2

তুমি গেট্‌তুন খুলি দুয়ো‌ যেনে গম্ আর বিশ্বেজি সে জাদ্‌তো সোমেই পারে।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 60:5

সিয়েনি দেগিনে তুই হুজিয়ে ফোত্‌পোত্যে অবে, হুজিয়্যে তঅ বুগ্‌কো ফুলি উদিবো; সাগর ধন সোম্বোত্তিগানি তইদু আনা অবঅ, জাদ্‌তুনোর ধন-সোম্বোত্তিগানি তইদু আনিবাক্।

যিশাইয় 61:6

তমারে কুয়ো অবঅ লগেপ্রভুর ধর্মগুরু; তমা নাঙানি অবঅ আমা গোজেনর সেবাগুরিয়্যে। তুমি জাদ্‌তুনোর ধন-সোম্বোত্তিগানি ভোগ গুরিবা আর তারার ধনানিলোই বাড়্‌বো গুরিবা। ‍

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌