যিশাইয় 6:9 - Chakma Bible

⁹ তে কলঅ, “তুই যেইনে এ মানুচ্চুনোরে কঅ, ‘তুমি শুনোদে থাগঅ মাত্তর্ ন-বুঝ্‌ছো, রিনি চেই থাগঅ মাত্তর্ হবর্ ন-পেয়ো।’ ” ‌‌‌

যিশাইয় 6:9 Iomraidhean Croise

গম্ উপদেজ্ 28:5

বজং মানুচ্চুনে ন্যায়বিচের পৌইদ্যেনে ন-বুঝোন্, মাত্তর্ যিগুনে লগেপ্রভুর আওজ্ মজিম্ চলন্ তারার গম-ভান্ন্যেই বুঝিবার খেমতা আগে।

যিশাইয় 28:13

সেনত্তে তারা ইদু লগেপ্রভুর কধাগান্ অবদে, “ইয়েন্ গরঅ, উবোন্ গরঅ, এ সুদোমান্ মানঅ, উই সুদোমান্ মানঅ, ইয়োত্ আঘে, উবোত্ আঘে,” যেনে তারা যেইনে পিজেদি পড়ন্ আর আঘাত পেইনে ফালত্ ধরা পড়ন্।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 42:20

তুই ভালোক্কানি দেগিনেয়ো মনান্ ন-দুয়োর; তঅ কানান্ খুলো থেলেয়ো কিচ্চু ন-শুনোর্।”

যিশাইয় 43:8

যিগুনে চোগ্ থাগদেয়ো কান্ আর কান্ থাগদেয়ো বহ্‌‌রা তারা নিগিলি এজোদোক্।

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

হোশেয় 1:9

সেক্কে লগেপ্রভু কলঅ, তুই তা নাঙান্ লো-অম্মি রাগা (যিয়েনর্ ভেদ্‌তান্ মঅ মানুচ্ নয়), কিয়া তুমি মঅ মানুচ্ নয় আর মুইয়ো তমার গোজেন নয়।

মার্ক 4:12

যেন তারা রিনি চান্ আর রিনি চান, যেদক্কন সং ন-দেগন; তারা শুনোদে থাদোক্ আর শুনোদোক্, যেদ্ক্কন ন-বুঝোন। সিয়েন ন-অলে তারা অয়ত গোজেন ইন্দি ফিরিবাক্ আর খেমা পেবাক্। ”

লূকে লেখ্যে গম্ হবর্ 8:10

সেক্কে যীশু কলঅ, গোজেন রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে, মাত্তর্ অন্যগুনো ইধু মুই সিয়েনি হিত্ত্যলোই কং, যেন তারা রিনি চেইনেয়ো ন-দেগন্ আর শুনিনেয়ো ন-বুঝোন্।

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

রোমীয় 11:8

পবিত্র বোইবোত্ লেগা আঘে, “গোজেনে তারার্ মনানি এমন্‌ অকেজো গুরিলো যে, তারা এজঅ সং তারার্ চোগ্‌কুন্দোই দেগিনেয়ো ন-দেগন্ আর কানানিলোই শুনিনেয়ো ন-শুনোন্।”

দ্বি’লম্বর বিররণ 29:4

মাত্তর্‌ তুমি লগেপ্রভুত্তুন্‌ এচ্চ্যে সং সিয়েনি বুঝিবার মনান্‌, দেগিবার চোক্কুন আর শুনিবার কানানি ন-পঅ।