যিশাইয় 6:8 - Chakma Bible

⁸ সে পরেদি মুই প্রভুর্ কধা শুনিলুং। তে কলদে, “মুই কারে পাদেম্? আমা পক্ক ওইনে কন্না যেবঅ?” মুই কলুং, “এইয়্যেদ মুই, তুই মরে পাদা।”

যিশাইয় 6:8 Iomraidhean Croise

পত্থম 1:26

সে পরেদি গোজেনে কলঅ, “আমি আমা ধোক্ক্যেনগুরি আর আমা লগে মিল্‌ রাগেইনে ইক্কিনে মানুচ্‌ বানেই। তারা দোজ্যে সাগরর মাছ, আগাজ পেক্‌, য়েমান, বুক্কোই আঢি যেইয়্যে পরাণবলা আর গোদা পিতথিমীয়ান উগুরে রাজাগিরি গোত্তোক্‌।”

পত্থম 11:7

সেনত্তে এজঅ, আমি তলে লামিনে তারা কধানিত্‌ যাগুলুক্‌ বাজেই দিই যেনে তারা একজন কধা আরেকজনে বুঝি ন-পারন।”

পত্থম 22:1

এ ঘটনাগান পরেদি গোজেনে অব্রাহামরে এক্কো পোরোক্ষেত্‌ ফেলেল। গোজেনে তারে ডাগিলো, “অব্রাহাম।” অব্রাহামে জোব্ দিলো, “এইয়্যে দঅ মুই।”

পত্থম 22:11

এ অক্তত্‌ লগেপ্রভুর দূত্তো স্বর্গত্তুন্‌ তারে ডাগিলো, “অব্রাহাম, অব্রাহাম!” অব্রাহামে জোব্ দিলো, “এইয়্যে দঅ মুই।”

পত্থম 3:22

সে পরেদি লগেপ্রভু গোজেনে কলঅ, “ চঅ, গম্‌-ভান্ন্যেই জ্ঞ্যান পেইনে মানুচ্চুনে আমা একজন ধোক্ক্যেন ওই উঠ্যন্‌। এবেরা তারা যেনে জীংকানি-গাজর গুলোগুন পাড়ি হেইনে উমরত্যে বাঁজি ন-থান্‌ সেনত্যে আমার কিজু গরানা দরকার।”

২ শমূয়েল 1:7

তে পিজেন্দি ফিরি মরে দেগিনে ডাগিলো। মুই কলুং, ‘এইয়্যে দঅ মুই।’

১ রাজাবলী 22:20

সেক্কে লগেপ্রভু কলঅ, ‘রামোৎ-গিলিয়দ আক্রমণ গুরিবাত্তে কন্না আহাবরে ভুলেইনে সিদু নেযেব যেনে তে মুরি যায়?’ সেক্কে জনে জনে এক কধা কলাক্‌।

যিশাইয় 65:1

লগেপ্রভু কোইয়্যেদে, মুই এ মানুচ্চুনোরে মইদু কোজোলী গুরিবার সুযোগ দুয়োং, মাত্তর্ তারা মইদু কনঅ কোজোলী ন-জানান্; মুই তারা ইদু এলুং, মাত্তর্ তারা কনঅ সাহায্যত্তে মইদু ন-এজন্। মুই এ জাদর্ মানুচ্চুনোরে কোইয়োং, এইয়্যে দঅ মুই, এইয়্যে দঅ মুই, মাত্তর্ তারা মইদু তবনা ন-গরন্।

যিহিষ্কেল 1:24

প্রাণিগুন আঢিলে পরেদি মুই তারার্ ডুয়োগানির্ রঅ শুনিদুং; সিয়েনি এলদে বান পানি গঙার রঅ ধোক্ক্যেন, বেগত্তুন্ খেমতাবলাবোর্ রবো ধোক্ক্যেন, এক্কো সৈন্যদলর্ কোল্‌‌বাজেয়্যে ধোক্ক্যেন। প্রাণিগুন থির্ ওইনে থিয়্যেলে পরেদি তারা তারার্ ডুয়োগানি বুদি নেযেদাক্।

যিহিষ্কেল 10:5

করূব্‌পুনোর ডুয়োগানির রঅ বারেদি উদোন সং শুনো যার্; সেই রবো এলদে বেগত্তুন্ খেমতাবলা লগেপ্রভুর কধা কবার্ রঅ ধোক্ক্যেন।

যিহিষ্কেল 9:1

সে পরেদি মুই গোজেনরে রঅ ছাড়িনে ডাগি কধে শুনিলুং, “ও শঅর-ভস্ত গুরিবার কামত্ নেযেয়্যে মানুচ্চুন, তুমি পত্তিজনে ভস্ত গরেদে আত্যেরানি আঢত্ লোইনে ইধু এজঅ।”

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

প্রেরিত্‌ 26:19

রাজা আগ্রিপ্প, ইয়েনত্যে স্বর্গত্তুন্ এ দর্শনর্ মাধ্যমে মরে যিয়েনি কুয়ো ওইয়্যে সিয়েনির অবাধ্য মুই ন-অং।

প্রেরিত্‌ 9:4

তে মাদিত্ পড়ি গেলঅ আর শুনিলো কন্না যেন তারে কত্তে, “শৌল, শৌল, কিত্ত্যে তুই মঅ উগুরে অত্যেচার্ গরর্?”

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

১ শমূয়েল 3:4

এন্‌ সময়োত লগেপ্রভু শমূয়েলরে ডাগিলো। শমূয়েলে জোব্ দিলো, “ইয়োদোই মুই আগং।”