যিশাইয় 6:5 - Chakma Bible

⁵ সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিশাইয় 6:5 Iomraidhean Croise

পত্থম 32:31

যাকোবে যেক্কে পনূয়েলত্তুন্‌ যাহ্ ধুরিলো সেক্কে বেলান উদি যেইয়্যে। তা উলুহুল্লো অবস্থাগান্‌দোই তে লেঙা ধোজ্যে।

গীতসংহিতা 24:10

কন্না এই বাঈনী গুরিবার্ রাজাবো? বেগত্তুন্ খেমতাবলা লগেপ্রভুই বাঈনী পেবার্ রাজা।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যাত্রা 33:20

মাত্তর্‌ তুই মর্‌ মুয়োন্‌ ন-দেগিবে, কিত্তে মরে দেগানার্‌ পরেন্দি কনজনে বাঁজি থেই ন-পারন্‌।”

যাত্রা 4:10

মোশি লগেপ্রভুরে কলঅ, “মাত্তর্ প্রভু, মুই কনঅ দিন গমেডালে কধা কোই ন-পারং। আগেয়ো ন-পারং আর তর্‌ এ চাগর্‌বো লগে তুই কধা কনার্‌ পরেন্দিয়ো ন-পারঙর্‌। মঅ মুয়োনত্‌ কধানি বাঁজি থায়, মঅ ঝিলান্ ঘুয়োর্‌।”

যাত্রা 6:12

জোবত্‌ মোশি লগেপ্রভুরে কলঅ, “মাত্তর্ ইস্রায়েলীয়গুনে যুনি মঅ কধা ন-শুনোন্‌ সালে ফরৌণে মঅ কধালোই কান্‌ দিবো কিত্যে, মঅ কধানি যেক্কেনে হনত্‌ বাজে?”

যাত্রা 6:30

মাত্তর্‌ মোশি সেক্কে লগেপ্রভুরে কোইয়্যেদে, “ফরৌণে মঅ কধানি কিত্তে শুনিবো, মর্‌ কধানি যেক্কে হনত্ বাজে?”

যিশাইয় 24:16

পিত্‌থিমীর শেজ্ দুযিত্তুন্ আমি এ গান্নো শুনির্, “ন্যায়বলা গোজেনর বাঈনী ওক্!” মাত্তর্ মুই কলুং, “হায়! মুই দজাত্ পড়ি আগং, কিত্তে বেঈমানীগুনে বেঈমানী গোজ্যন্; অয়, তারা জদবদে বেঈমানি গোজ্যন্।”

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিশাইয় 33:17

তঅ চোগ্‌কুনে রাজারে তার সয়সাগর ভিদিরে দেগিবাক্, আর দেগিবাক্ এমন্ এক্কান দেজ্ যিয়েনর দুযি বোউত্ দাঙর্।‌‌‌

যিশাইয় 59:3

তমা আঢ্‌‍‌‌‌তানি লো-লোই আর আঙুলুন্ পাপে অসিজি ওইয়্যে। তমা মুয়োনিয়ে মিজে কধা কোইয়্যে আর তমা জিলানিয়ে পাজি কধা কয়।

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিরমিয় 1:6

সেক্কে মুই কলুং, “বেগত্তুন্ খেমতাবলা গোজেন, মুই কধা কোই ন-জানং; মুই দঅ চিগোন গুরো ধোক্ক্যেন্।”

যিরমিয় 51:57

যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্‌গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

দানিয়েল 9:20

এবাবোত্যেগুরি মুই তবনা গুরিলুং, মর্ আর মর্ জাতি ইস্রায়েলীয়গুনোর পাপ স্বীগের্ গুরিলুং আর মর্ গোজেন লগেপ্রভু ইধু তার সুদ্ধো-সাংগ মুড়োবোত্তে কোজোলী গুরিলুং।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

গণাণা 17:12

এদক্কানি দিগিনে ইস্রায়েলীয়গুনে মোশিরে কলাক্, “আমি মুরি গেলং, শেজ্ ওই গেলং, বেক্কুনে শেজ্ ওই গেলং!

বিচের গুরিয়্যেগুন 13:22

সেক্কে মানোহ তা মোক্কোরে কলদে, “আমি গোজেনরে দেখ্‌খ্যেই, হামাক্কাই আমাত্তুন্‌ মরা পুরিবো।”

বিচের গুরিয়্যেগুন 6:22

গিদিয়োনে যেক্কে বুঝি পরিলো, তে অলদে লগেপ্রভুর দূত সেক্কে তে কলঅ্‌, হায় হায়, ও প্রভু লগেপ্রভু, মুই দঅ লগেপ্রভুর দূত্তোরে মুজুঙো-মুজুঙি দেগিলুং।