যিশাইয় 6:4 - Chakma Bible

⁴ তারা রবুয়োলোই উবোসনা-ঘরর্ দোরোর্ কব্‌জানি গির্‌গিরে উদিলো আহ্ ঘরান ধূমোলোই ভরপুনং ওই গেলঅ।‌

যিশাইয় 6:4 Iomraidhean Croise

২ বংশধর 5:13

ধর্মগুরুগুনে যেক্কে বারেন্দি এলাক্‌ সেক্কে তূরী বাজেয়্যেগুনে আর গানগেইয়্যেগুনে একলগে এক সুরে লগেপ্রভুর বাঈনী গুরিলাক্‌ আর তারে ভালেদি জানেলাক্‌। তূরী, জোরি আর অন্য বাজানার লগে তারা দাঙর্‌ দাঙর্‌ গুরিনে লগেপ্রভুর নাঙে এ গান্নো গেলাক্‌, “তে মংগলময়, তার্‌ কোচ্‌পানা উমরত্তে।” সে সময়োত্‌ লগেপ্রভুর ঘরান্‌ মেঘে ঢাগি গেলঅ।

গীতসংহিতা 18:8

তা নাগত্তুন্ ধূমোগান উগুরে উদিলো, তা মুয়োনত্তুন্ ভস্তগুরিয়্যে আগুনান্ নিগিলি এলঅ, তা মুয়ো আগুনান্ আঙারালোই জুলি উদিলো।

যাত্রা 40:34

সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

যিহিষ্কেল 1:24

প্রাণিগুন আঢিলে পরেদি মুই তারার্ ডুয়োগানির্ রঅ শুনিদুং; সিয়েনি এলদে বান পানি গঙার রঅ ধোক্ক্যেন, বেগত্তুন্ খেমতাবলাবোর্ রবো ধোক্ক্যেন, এক্কো সৈন্যদলর্ কোল্‌‌বাজেয়্যে ধোক্ক্যেন। প্রাণিগুন থির্ ওইনে থিয়্যেলে পরেদি তারা তারার্ ডুয়োগানি বুদি নেযেদাক্।

যিহিষ্কেল 10:5

করূব্‌পুনোর ডুয়োগানির রঅ বারেদি উদোন সং শুনো যার্; সেই রবো এলদে বেগত্তুন্ খেমতাবলা লগেপ্রভুর কধা কবার্ রঅ ধোক্ক্যেন।

যিহিষ্কেল 44:4

সে পরেদি সেই মানুচ্চো মরে উত্তোরে গেদোর্ পধেদি উবোসনা-ঘর মুজুঙোত্ আনিলো। মুই দেগিলুং লগেপ্রভুর ঘরান্ তার মহিমালোই ভুরি যেইয়্যে; সেক্কে মুই মাঢা নিগিরিনে পড়িলুং।

আমোষ 9:1

মুই প্রভুরে পূজোবো কায়-কুরে থিয়্যেই থাগদে দেগিলুং। তে কলদে, “খুদোগুনো মাঢাত্ আঘাত্ গরঅ যেনে সিগুন গির্‌‌‌গিরে উদিনে সিদুগো বেক মানুচ্চুনোর মাঢা উগুরে ভাঙি পড়ন্। যিগুনে বাঁজি থেবাক্ যুদ্ধোত্ মুই তারারে মারে ফেলেম। কনজনে যেই বা ধেই ন-পারিবাক্।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 15:8

গোজেনর্ মহিমা আর খেমতাগানত্তুন যে ধূমোগান নিগিলের্ সেই ধূমোগান্দোই উবোসনা-ঘরান ভুরিলো। সেই সাতজন স্বর্গদূতোর্ সাত্‌তান আঘাত থুম্ ন-অনা সং কেঅ সেই উবোসনা-ঘরত সোমেই ন-পারিলাক্।