যিশাইয় 6:2 - Chakma Bible

² তা উগুরে এলাক্ কয়েক্কো সরাফ; তারার্ এক এক্কোর্ ছগান্ গুরি ডুয়ো এলঅ-দ্বিয়েন্ ডুয়োলোই তারা মুয়োন আর দ্বিয়েন ডুয়োলোই টেঙানি নাঢি রাগেয়োন আর দ্বিয়েন ডুয়োলোই তারা উড়োদন্।

যিশাইয় 6:2 Iomraidhean Croise

পত্থম 17:3

সেক্কে অব্রামে মাদিত্‌ মাদা নিগিরি পড়িলো, আর গোজেনে তা লগে কধা কুয়ো ধুরিলো।

১ রাজাবলী 19:13

এলিয় সিয়েন শুনিনে তা কিয়্যের্‌ কাবড়ানদোই মুয়োন্‌ নাঢিলো আর বারেন্দি যেইনে গাত্তো ইদু থিয়্যেল। সে পরেন্দি তে এ কধাগান শুনিলো, “এলিয়, তুই ইয়েনত্‌ কি গরর্‌?”

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

১ রাজাবলী 6:27

দাঙর্ পবিত্র জাগানত্‌ তে সে করূব দ্বিবে ডুয়ো মেল্যে গুরি রাগেল। ইক্কো করূবোর্ ডুয়োগানি এক দেবালত্‌ আর অন্য করূবোর ডুয়োগানি আরেক্‌ দেবালত্‌ বাজেয়্যে এলঅ আর ঘরর্‌ দ্বিসেরে তারার অন্য ডুয়ো দ্বিয়েন এক্কান আরেক্কানর মাঢাগান্‌ বাজেয়্যে রলঅ।

১ রাজাবলী 8:7

সেক্কে করূবপুনোর মিলি দিয়্যে ডুয়োলোই সুন্দুক আর সিবে বুয়োই নেযেবার লুদিক্কুন্‌ নাঢা গেলঅ।

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

ইয়োব 1:6

একদিন্যে স্বর্গদূত্তুনে লগেপ্রভুর মুজুঙোত্‌ যেইনে লুমিলাক্‌ আর শদান্নোয়ো তারা সমারে লুমিলো।

ইয়োব 15:15

গোজেনে যুনি তা দূত্‌তুনো উগুরে বিশ্বেজ্ রাগেই ন-পারে, তা চোগেদি যুনি আগাজ্‌চান্‌অ খাটি ন-অয়,

ইয়োব 4:18

গোজেনে যুনি তা চাগর্‌বোরেয়ো বিশ্বেজ্‌ ন-গরে আর ভুলোত্তেই তা স্বর্গদূত্‌তুনোরে দুযি গরে,

গীতসংহিতা 103:20

ও লগেপ্রভুর বোলী দূত্‌তুন, যিগুনে তা কধার বাধ্য থেইনে তা উগুমানি পালন গরর্, তুমি তার্ বাঈনী গরঅ।

গীতসংহিতা 104:4

তুই বোইয়্যেরানরে তর্ দূত্ বানেয়োচ্; জোল্‌জোল্যে আগুনানরে বানেয়োচ্ তর্ চাগর্।

গীতসংহিতা 18:10

তে করূবোত্ চড়িনে উড়ি এলঅ, উড়ি এলদে বোইয়্যের ডুয়োলোই ভর্ গুরিনে।

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

যাত্রা 25:20

তারার্‌ দুয়োগানি উগুরেদি মিলি দিয়্যে থেবঅ‌ আর তার্‌ ছাবাবোর্‌ তলে থেবঅ‌ সুন্দুক্কোর্‌ ঢাগনিগান। করূপ্পুনে মুজুঙো-মুজুঙি থিয়্যেই‌ থেবাক্‌ আর তারার্‌ চোক্কুন্‌ থেবঅ‌ ঢাগনিগান ইন্দি।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যাত্রা 37:9

তারার্‌ ডুয়োগানি উগুরেন্দি মিলি দিয়্যে অলঅ‌ আর সেই ডুয়োনির্‌ ছাবাত্‌ তলে এলঅ‌ সুন্দুগোর্‌ ঢাগনিগান। করূব্‌পুনে মুজুঙো-মুজুঙি গুরি ঠিয়্যেই থেলাক্‌ আর তারার্‌ চোক্কুন ঢাগনিগানন্দি।

যিশাইয় 6:6

সেক্কে এক্কো সরাফ আঢত্ এক্কো জোল্‌জোল্যে আঙারালোই মইদু উড়ি এলঅ; আঙারাবো তে পূজোবো উগুরেত্তুন্ চিম্‌টিলোই নেযেল।‌

যিহিষ্কেল 1:11

তারার্ মুয়োনি এবাবোত্যে এলঅ। তারার ডুয়োগানি উগুরেদি মিলি দিয়্যে এলঅ; পত্তিজনর্ দ্বিয়েন ডুয়ো তা দ্বি কিত্তেদি প্রাণিগুনোর্ ডুয়োনি বাস্যে এলঅ, আর দ্বিয়েন ডুয়োলোই কিয়্যেগান ঢাক্যে এলঅ।

যিহিষ্কেল 1:24

প্রাণিগুন আঢিলে পরেদি মুই তারার্ ডুয়োগানির্ রঅ শুনিদুং; সিয়েনি এলদে বান পানি গঙার রঅ ধোক্ক্যেন, বেগত্তুন্ খেমতাবলাবোর্ রবো ধোক্ক্যেন, এক্কো সৈন্যদলর্ কোল্‌‌বাজেয়্যে ধোক্ক্যেন। প্রাণিগুন থির্ ওইনে থিয়্যেলে পরেদি তারা তারার্ ডুয়োগানি বুদি নেযেদাক্।

যিহিষ্কেল 1:4

মুই রিনি চেইনে দেগিলুং উত্তোরেত্তুন্ এক্কান তুট্যে বোইয়্যের্ এজের্, এক্কান দাঙর্ মেঘ ভিদিরে ঝিমিলের্ আর চেরোকিত্তেদি পোত্‌‌‌পোত্যে পহ্‌‌‌রে ঘিজ্যে। সে ঝিমিলেনিগান সংমোধ্যে দোগ্‌দোক্যে ধাতু ধোক্ক্যেন কিজু ঝিমিত্ ঝিমিত্ গরের্।

যিহিষ্কেল 1:6

মাত্তর্ বেক্কুনোর্ চেরান্ গুরিনে মু আর চেরান্ গুরি ডুয়ো এলঅ।

যিহিষ্কেল 1:9

আর তারার্ ডুয়োনি এক্কান সমারে আরেক্‌‌‌কান বাস্যে এলঅ। তারা পত্তিজনে সোজা উজেই যেদাক্, যেবার্ সময় ন-ফিরিদাক্।

যিহিষ্কেল 10:16

করূব্‌‌‌পুনে গেলে তারার্ কায়-কুরে চাক্কাগুনো যেদাক্; করূব্‌‌‌পুনে মাদিত্তুন্ উগুরে উদিবাত্তে ডুয়ো মিলিলে চাক্কাগুন তারার্ কায়-কুরেত্তুন ন-যেদাক্।

যিহিষ্কেল 10:21

পত্তিজনর চেরান্ গুরি মু আর চেরান্ গুরি ডুয়ো এলঅ আর তারার্ ডুয়োগানি তলে মান্‌জ্য আঢ ধোক্ক্যেন কিজু এলঅ।

দানিয়েল 7:10

তা মুজুঙোত্তুন্ এক্কান আগুনো গাঙ্ নিগিলিনে বেঈ যার্। আজার্ আজার্ মান্‌‌‌‌‌জ্যে তারে সেবা গত্তন্; লাখ্ লাখ্ মানুচ্ তা মুজুঙোত্ থিয়্যেই এলাক্। বিচের্ আরাম্ভ অলঅ আর বোইয়ুন খুলো অলঅ।

দানিয়েল 9:21

মুই সেক্কেয়ো তবনা গরঙর্ এমন সময়োত্ আগ দর্শনত্ মুই যিবেরে দেখ্যং সেই গাব্রিয়েল দূতে সাজোন্যে উৎসর্বর সময়োত্ জোরে উরিনে মইদু এলঅ।

সখরিয় 3:4

সেই দূত্‌তো নিজো মুজুঙোত্ থিয়্যেই থেইয়্যে অন্য দূত্‌তুনোরে কলঅ, “তার কজরা কাবড়-চুগোরানি খুলি ফেলঅ।” সে পরেদি তে যিহোশূয়রে কলঅ, “চাহ্, মুই তঅ পাপ্পানি দূর্ গুরি দুয়োং‌‌ আর মুই তরে দোল্ কাবড়-চুগোর্ উরেম।”

লূকে লেখ্যে গম্ হবর্ 1:10

পৌইরেক্ জ্বালেবার্ অক্তত্ বারেদি বোউত্ মানুচ্ তবনা গত্তন্।

ইব্রীয় 1:7

স্বর্গদূত্‌‌তুনো পৌইদ্যেনে গোজেনে কত্তে, “তে বোইয়্যেরানরে তার্ দূত বানেয়্যে; জ্বোল্-জোল্যে আগুনানরে গোজ্জ্যেদে তার্ চাগর্।”

ফগদাং পেইয়্যে 14:6

সে পরেদি মুই আর এক্কো স্বর্গদূতোরে আগাজর্ ভালোদ্দুর্ অজলত্ উড়োদে দেগিলুং। পিত্‌থিমীত্ বজত্তি গুরিয়্যে মানুচ্চুনো ইধু, অত্তাৎ পত্তি জাত্, গুট্টি, ভাযা আর দেজর্ মানুচ্চুনো ইধু ফগদাং গুরিবাত্যে তাইধু উমরর্ গম্ হবর্ এলঅ।

ফগদাং পেইয়্যে 4:8

এই চের্‌বো জেদা পরাণবলার্ পত্তিবোর্ ছ'গান গুরি ডুয়ো এলঅ আর বেক্‌ জাগানিত্ চোগ্‌কোই ভরণ এলঅ। সেই পরাণবলাগুনে দিনে-রেদে এ কধাগান কধন্, “বেগত্তুন্ খেমতাবলা প্রভু গোজেন, যিবে এলঅ, যিবে আঘে আর যিবে এজের্, তে পবিত্র, পবিত্র, পবিত্র।”

ফগদাং পেইয়্যে 7:11

সে পরেদি স্বর্গদূত্‌তুনে বেক্কুনে সেই সিংহাসনর, নেতাগুনোর আর চের্‌‌বো জেদা প্রাণীর চেরোকিত্যেদি থিয়্যেলাক্। তারা সিংহাসন মুজুঙোত্ মাঢা নিগুরিনে গোজেনরে সালাম গুরিনে কলাক্,

ফগদাং পেইয়্যে 8:13

পরেদি মুই এক্কো ঈগল পেগোরে আগাজত্ বোউত্ অজলত্ উড়োদে দেগিলুং, আর সেই ঈগল্লোরে দাঙর্ গুরি কধে শুনিলুং, “অন্য যে তিনজন স্বর্গদূতে তুরী বাজেবাত্যে যাদন্, তারার্ তুরীগুনোর্ আবাজ্ অলে যিগুনে এ পিত্‌থিমীর্ তারার্ দজা, দজা, দজা অবঅ।”