যিশাইয় 6:11 - Chakma Bible

¹¹ সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিশাইয় 6:11 Iomraidhean Croise

গীতসংহিতা 74:10

ও গোজেন, শত্রুগুনে আর কয়দিন ঠাট্টা-তামাজা গুরিবাক্? জিংকানিবর্ কি শত্রুগুনে তর্ নাঙান অগমান গুরিবাক্?

গীতসংহিতা 79:5

ও লগেপ্রভু, আর কয়দিন? তুই কি জিংকানিবর্ বেজার ওই থেবে? আর কয়দিন তর্ পাইদ্যে ভোক্তি ন-পানার জ্বালা আগুনো ধোক্ক্যেন জুলিবো?

গীতসংহিতা 90:13

ও লগেপ্রভু, আর কয়দিন? এবেরা তুই ফিরি চাহ্, তর্ চাগরুনো উগুরে তুই মেয়্যে দেগা।

গীতসংহিতা 94:3

আর কয়দিন, ও লগেপ্রভু, আর কয়দিন পাজি মানুচ্চুনে রঙ্গ-ফুত্তি গুরি থেবার জু পেবাক্?

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 13:12

সেক্কে মুই মান্‌জ্যে পেইয়্যে খাটি সোনা পানাত্তুন্অ বেশ্ দরমর গুরিম্, ওফীরোর সোনা পানাত্তুন্অ বেশ্ দরমর গুরিম্।

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 3:8

যিরূশালেমে উজোত্ হেইয়্যে আর যিহূদা পড়ি যেইয়্যে, কিত্তে তারার্ কধা আর কামানি লগেপ্রভুর বিরুদ্ধে; তারা গোজেন মুজুঙোত্ তা মহিমাগানরে এলাফেলা গরন্।

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিশাইয় 35:1

ধূল্যেচর-চাগালা আর শুগুনো ভূইয়ানি হুজি অবঅ; ধূল্যেচর জাগায়ানিয়ে হুজি অবঅ আর ফুল ফুদেব। ফাগোন্-চৈত্ মাজত্ পত্তম ফুলো ধোক্ক্যেন সিয়েনিত্ বোউত ফুল ধুরিবাক্; ধূল্যেচরানিয়ে বোউত্ হুজি অবঅ আর হুজিয়ে রঅ ছাড়িবো। সিয়েনরে লেবানন ধোক্ক্যেন বাঈনী গরা অবঅ, দিয়্যে অবঅ কর্মিল আর শারোণর দোল্ জিনিস্‌‌চান; মানুচ্চুনে লগেপ্রভুর বাঈনীগান্ দেগিবাক্, দেগিবাক্ আমা গোজেনর দোল্ জিনিস্‌চান।

যিশাইয় 5:9

বেগত্তুন্ খেমতাবলা লগেপ্রভু মুই নিজো কানেদি এ কধাগান্ শুন্যং, “ঘেচ্চেকগুরি দাঙর্ দাঙর্ ঘরানি ভস্ত ওই যেবঅ, দোল্ দোল্ বিল্ডিঙানিত্ কনঅ মানুচ্ ন-থেবাক্।

যিশাইয় 60:15

“যুনিয়ো তরে ছাড়ি দেনা বা ঈচ্ গরা ওইয়্যে,‌‌‌‌‌‌‌‌‌‌‌‌‌‌ কনজনে তমা ভিদিরেদি ন-যেদঅ, তো মুই তরে চির জিংকানিবরর্ মানুচ্ গুরিম আর বংশর পর বংশর বেক্কুনোর হুজির হবর্।

যিশাইয় 64:10

তর্ সুদ্ধো-সাংগ শঅরানি ধূল্যেচর চাগালা ওই যেইয়্যে; এমন্ কি, সিয়োনর্‌‌অ সেই অবস্থা ওইয়্যে, অয়, যিরূশালেম মানুচ্ নেইয়্যে ওইয়্যে।

যিরমিয় 22:6

যিহূদার রাজঘরর বেক জাগানি পৌইদ্যেনে লগেপ্রভু কোইয়্যেদে, যুনিয়ো তুই মইধু গিলিয়দ ধোক্ক্যেন আর লেবানন মোন তোগোন ধোক্ক্যেন তো মুই তরে হামাক্কায় ধূল্যেচর-চাগালা ধোক্ক্যেন বা মানুচ্ নেইয়্যে শঅর ধোক্ক্যেন গুরিম।

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 44:2

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই যিরূশালেম আর যিহূদার বেক্ আদামানি আর শঅর উগুরে যে অমকদ দজা আন্যং সিয়েনি তুমি দেখ্য। সিয়েনি এচ্চ্যে ভস্ত ওইনে পড়ি আঘে; সিয়েনিত্ কনজনে বজত্তি ন-গরন্।

যিরমিয় 52:27

রাজা হমাৎ দেজর্ রিব্‌লাত ইগুন বেক্কুনোরে মারে ফেলেল। এবাবোত্যেগুরি যিহূদার মানুচ্চুনোরে বন্দী গুরিনে নিজোর্ দেজত্তুন্ দূরোত্ নেযা অলঅ।

যিহিষ্কেল 6:6

তুমি যিয়েনত্ বজত্তি গুরিদা সাৎ সিদুগোর্ শঅরানি এনেবাদে পড়ি থেবঅ আর পূজোর্ অজল্ জাগায়ানি ভস্ত অবঅ; সিয়েনর কারনে তমা ডালিপূজোগুন পড়ি থেবাক্ আর বর্‌‌‌‌‌‌বাত্ ওই যেবঅ, তমা মূত্তিগুন কট্টা কট্টা আর ভস্ত অবাক্, তমা ডালিপূজোগুন ভাঙিনে পড়ি যেবঅ আর তমার বানেয়্যে বেক্কানি ভস্ত ওই যেবঅ,

দানিয়েল 8:13

সে পরেদি মুই এক্কো পবিত্র স্বর্গদুতোরে কধা কদে শুনিলুং আর এক্কো পবিত্র স্বর্গদূতে তারে পুযোর্ গুরিলো, “এই দর্শনানত্ যিয়েন দেগা অলঅ সিয়েন কয়দিন ধুরি চলিবো? কয়দিন ধুরি পত্তিদিনোর্ উৎসর্বর অনুষ্ঠানর বদলে সর্বনাশ পাপর জিনিস থেবঅ? কয়দিন ধুরি উবোসনা-ঘর আর তারাগুনোরে টেঙোই উরো অবঅ?”

লেবীয় 26:31

মুই তমার্‌ আদামানি আর শঅরানি আর উবোসনার্‌ ঘরানি শেজ্ গুরি দিম। তমার উৎসর্বর তুম্‌বাজ্‌চান্ মুই গুজি ন-লোম।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

মীখা 2:4

সেদিন্যে অমকদ আবিলেচ্ হেবাক্ আর এ দুঘোর্ গান গাহ্ অবঅ; আমি এক্কুবারে ভস্ত ওই যেইয়্যেই; আমা জাদর্ সোম্বোত্তিগানি নেযা ওইয়্যে। লগেপ্রভু সিয়েনি আমাত্তুন্ নেযেয়্যে। আমা খেত্-খামারানি তে বে-জবান্যেগুনোরে দি দিয়্যে।”

মীখা 5:11

তঅ দেজর্ শঅরানি মুই ভস্ত গুরি দিম আর তর্ বেক তাম্বুলানি ভাঙি দিম।

মীখা 6:13

সেনত্তে মুই তমারে পাপত্তে অমকদগুরি সাজা দিম্ আর তমারে ভস্ত গুরিম।

মীখা 7:13

পিত্‌‌‌থিমীত্ বজত্তি গুরিয়্যেগুনোর পাজিগানির কারনে পিত্‌‌‌থিমীগান মানুচ্ নেইয়্যে অবাক্।

দ্বি’লম্বর বিররণ 28:62

তমা মান্‌জ্যর সোংখ্যে আগাজর্‌ তারা ধোক্ক্যেন অলেয়ো তমার গোজেন লগেপ্রভু উগুরে অবাধ্য অনার কারনে তুমি সেক্কে বানা থরা কয়েকজনই বাঁজি থেবা।

দ্বি’লম্বর বিররণ 28:63

যে খুজিলোই লগেপ্রভু তমারে ভালেদি গোজ্যে আর তমার মান্‌জ্যর সোংখ্যে বাড়েই দিয়্যে সেই খুজিলোই সেক্কে তে তমারে ভস্ত গুরিনে শেজ্‌ গুরি দিবো। যে দেজ্‌ছান তুমি গজক্ গুরিবাত্তে যর্‌ সে দেজ্‌ছানত্তুন শিঙোর্‌ সুদ্ধো তমারে তুলি ফেলা অবঅ।