যিশাইয় 6:1 - Chakma Bible

¹ যে বজরত্ রাজা উষিয় মুরি গেলঅ সে বজরত্ মুই দেগিলুং প্রভু অমকদ অজল্ এক্কান সিংহাসনত্ বজি আঘে। তা রাজ্-পোজাগর্ তলে কট্টাগান্দোই উবোসনা-ঘরান্ ভর্‌পুনোং এলঅ।

যিশাইয় 6:1 Iomraidhean Croise

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

২ রাজাবলী 15:7

পরেন্দি অসরিয় তার পূরোণি মানুচ্চুনোর্‌ ইদু গেলগোই আর তারে দায়ূদ-শঅরত্‌ তা পূরোণি মানুচ্চুনোর লগে গোর্ দিয়্যে অলঅ। তা জাগানত্‌ তা পুয়ো যোথমে রাজা অলঅ।

২ বংশধর 18:18

মীখায় কুয়া ধুরিলো, “সালে তুমি লগেপ্রভুর কধা শুনো। মুই দেগিলুং, লগেপ্রভু তা সিংহাসনত্‌ বোই আঘে তার্‌ ডেনে আহ্‌ বাঙেন্দি বেক্‌ স্বর্গদূত্তুনে আগন্‌।

ইয়োব 42:5

আগেদি মঅ কানানে তঅ পৌইদ্যেনে শুন্যে, মাত্তর্ ইক্কিনে মঅ চোখকুনে তরে দেগিলাক্।

গীতসংহিতা 108:5

ও গোজেন, তর্ মহিমাগান্ দেবাবো সং উদোক্; তর্ বাঈনী পানাগান্ পিত্‌থিমীগান উগুরে দেগা দোক্।

গীতসংহিতা 113:5

আর কন্না আঘে আমা গোজেন লগেপ্রভু ধোক্ক্যেন্? তে আগাজত্তুন্‌অ বোউত্ উগুরে বজত্তি গরে

গীতসংহিতা 46:10

লগেপ্রভু কয়দে, “তুমি থাম; তুমি এ কধাগান জানি লঅ, মুয়ই গোজেন; বেক্ জাদ্‌তুনে মরে বাঈনী গুরিবাক্, বাঈনী দান গুরিবো পিত্‌থিমীগানে।”

যাত্রা 24:9

ইয়েন পরেদি মোশি, হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বীগুনে মুড়োবো উগুরে উদিনে ইস্রায়েলীয়গুনোর্‌ গোজেনরে দেগিলাক্। তা টেঙর্‌ তলে এলঅ‌ জোক্‌জোক্যে আগাজ ধোক্ক্যেন নীলকান্তমণিলোই বানেয়্যে পাক্কা ধোক্ক্যেন কিজু এক্কান।

যিশাইয় 1:1

যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 12:4

সেদিন্যে তুমি কবা, “লগেপ্রভুরে ভালেদি জান, তা গুণোর্ কধানি ফগদাং গরঅ; তে যিয়েনি গোজ্যে সিয়েনি বেক্ জাদ্‌তুনোরে জানঅ‌‌ আর ফগদাং গরঅ, তে দাঙর্।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

যিহিষ্কেল 1:1

ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

যিহিষ্কেল 10:1

সে পরেদি মুই রিনি চেলুং, আর করূব্‌‌‌‌‌‌‌‌পুনোরে মাঢা উগুরেদি যিয়েনি বিজেয়্যে এলঅ সিয়েন উগুরে নীলকান্তমণির সিংহাসন ধোক্ক্যেন কিজু এক্কান দেগিলুং।

যিহিষ্কেল 10:4

সে অক্তত্ লগেপ্রভুর মহিমাগান্ করূব্‌পুনো উগুরেত্তুন উদিনে উবোসনা-ঘরর্ ফ্রেমানি ইন্দি গেলঅ। উবোসনা ঘরান্ মেঘ্‌কোই ভুরি গেলঅ, আর সেক্কে লগেপ্রভুর মহিমাগানর্ পহ্‌রে উদোনান্ ভরা এলঅ।

দানিয়েল 10:17

ও মর্ প্রভু, মুই তর্ চাগর্, মুই কিবাবোত্যেগুরি তঅ লগে কধা কোম্? মর্ বল্ নেই আর মঅ ভিদিরে নিজেস্অ নেই।”

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 12:41

যিশাইয় যীশুর মহিমাগান্ দেক্ক্যে বিলি তা পৌইদ্যেনে এ কধাগান্ কোইয়্যে।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

ফগদাং পেইয়্যে 15:8

গোজেনর্ মহিমা আর খেমতাগানত্তুন যে ধূমোগান নিগিলের্ সেই ধূমোগান্দোই উবোসনা-ঘরান ভুরিলো। সেই সাতজন স্বর্গদূতোর্ সাত্‌তান আঘাত থুম্ ন-অনা সং কেঅ সেই উবোসনা-ঘরত সোমেই ন-পারিলাক্।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।

ফগদাং পেইয়্যে 4:10

সেক্কে সেই চব্বিচ্‌জন নেতা সিংহাসনর অধিকারী, অত্তাৎ যিবে উমরত্যে জেদা আঘে তারে মাঢা নিগুরিনে সালাম গরন্। এই নেতাগুনে সেক্কে সেই সিংহাসনান মুজুঙোত্ তারার মুকুট্‌তুন খুলি থোইনে কদন্দে,

ফগদাং পেইয়্যে 4:2

আর সেলক্কে মুই পবিত্র আত্মার চালে স্বর্গত্ এক্কান সিংহাসন দেগিলুং। মুই দেগিলুং, সেই সিংহাসনত্ একজন বৈ আঘে।

ফগদাং পেইয়্যে 4:3

তা চেঙারাগান্ ঠিগ্ হীরা আর সার্দীয় মণি ধোক্ক্যেন। সিংহাসনানর চেরোকিত্ত্যেদি এক্কান রান্‌‌জনী এলঅ; সিয়েন দেগদে ঠিগ্ এক্কান পান্না ধোক্ক্যেন।

ফগদাং পেইয়্যে 4:9

উমরত্যে জেদা প্রভু গোজেন, যিবে সিংহাসনত্ বৈ আঘে, এই জেদা পরাণবলাগুনে যেলক্কে তারে বাঈনী, সর্মান আর ভালেদি জানায়,

ফগদাং পেইয়্যে 5:1

যিবে সেই সিংহাসনান উগুরে বৈ এলঅ তার্ ডেন্ আঢত্ মুই এক্কো বোই দেগিলুং। বোইবো ভিদিরে আর বারেদি লেগা এলঅ আর সাত্‌টো মহ্‌রলোই সীলমাজ্জ্যে এলঅ।

ফগদাং পেইয়্যে 5:7

পরেদি সেই ভেড়া-ছবুয়ো এইনে যিবে সিংহাসনানত্ বৈ এলঅ তা ডেন্ আঢত্তুন্ বোইবো ললঅ।

ফগদাং পেইয়্যে 6:16

তারা মোন্‌মুড়ো আর পাত্তরুনোরে কলাক্, “আমা উগুরে পড় আর যিবে সেই সিংহাসন উগুরে বৈ আঘে তা মুয়ো মুজুঙোত্তুন্ আর ভেড়া-ছবোর্ রাগত্তুন্ আমারে লুগেই থঅ,