যিশাইয় 59:9 - Chakma Bible

⁹ সেনত্তে ন্যায়বিচেরান আমাত্তুন দূরোত্ থায় আর সততাগান আমা ইদু ন-লুমেগি। আমি পহ্‌‍‌‌‌‌র পেবাত্তে চেই, মাত্তর্ বেক্কানি আন্ধার; জোল্‌‍‌‌‌‌জোল্যে পেবাত্তে চেই, মাত্তর্ ঘন ছাবালোই চলিই।

যিশাইয় 59:9 Iomraidhean Croise

ইয়োব 19:8

তে মঅ পথ্‌তানত্‌ টেঙেরা দিয়্যে বিলিনে মুই পার্‌ ওই ন-পারঙর্‌; মর্‌ বেক্‌ পথ্‌তানত্‌ তে আন্ধারলোই ঢাগি দিয়্যে।

ইয়োব 30:26

মাত্তর্ যেক্কেনে মুই ভালেদি আজা গুরিলুং সেক্কেনে অমংগল গুদিলো; যেক্কেনে পহ্‌রত্তে বাজ্জ্যেই থেলুং সেক্কেনে আন্ধার্ অলঅ।

গীতসংহিতা 82:5

শাজন্‌গুরিয়্যেগুনোর জ্ঞান আর বিচের বুদ্ধি বিলিনে কিচ্ছু নেই, তারা আন্ধারত্ ঘুরদন্; পিত্‌থিমীর বেক তলাগান গির্‌গিরের্।

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিশাইয় 59:11

আমি বেক্কুনে ভালুগো ধোক্ক্যেন গুজুরিই, কঅ ধোক্ক্যেন নরম্ গুরি ডাগিই। আমি ন্যায়বিচের পেবাত্তে চেই, মাত্তর্ ন-পেই; আমি উদ্ধোর্ পেবাত্তে চেই, মাত্তর্ সিয়েন বোউত্ দূরোত্ থায়।

যিশাইয় 59:14

সেনত্তে ন্যায়বিচেরানরে ওদেই দিয়্যে ওইয়্যে আর ন্যায্যগান দূরোত্ থিয়্যেই আঘে; সত্যগান পধে পধে উজুদো হেইয়্যে, সততাগানে চোমেই ন-পারে।

যিশাইয় 59:8

তারা সুগ্-শান্দির পথ্‌‍‌‌‌‌তান হবর্ ন-পান্; তারা পদথ্ কনঅ ন্যায়বিচের নেই। তারা নিজো পথ্‌‍‌‌‌‌তান বেঙা-তেরা গোজ্যন্; যিগুনে সে পধেদি চলন তারা সুগ্-শান্দি কি সিয়েন হবর্ ন-পান।

যিশাইয় 8:21

দুঘ্ আর পেট্‌‌পরা হেই হেই তারা দেজ ভিদিরে ঘুরিবাক্। পেট্‌‌পরার্ দুঘে তারা রাগ্ গুরিনে উগুরেদি রিনি চেইনে তারার্ রাজা আর তারার্ গোজেনরে অভিশাব্ দিবাক্।

যিশাইয় 8:22

সে পরেদি তারা পিত্‌‌‌‌থিমীগান ইন্দি রিনি চেইনে দেগিবাক্ বানা দুঘ্, আন্ধার আর দর্‌‌গরেপারা যন্ত্রণা। গুর্‌‌গুজ্যে আন্ধার ভিদিরে তারারে দূর্ গুরি দিয়্যে অবঅ।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 8:15

আমি শান্তির আজা গোজ্যেই মাত্তর্ কনঅ ভালেদি ন-অলঅ; আমি গম্ অবার আজা গোজ্যেই মাত্তর্ অমকদ বুগোত্ দর্ সোমেল।

আবিলেচ্ 3:2

তে মরে লোড়েই দিয়্যে; তে মরে পহ্‌‌‌রত্ নয়, মাত্তর্ আন্ধারত্ আঢেয়্যে;

আবিলেচ্ 4:14

সেনত্তে তারা কান্ মানুচ্চুনো ধোক্ক্যেন পধে পধে বিজিরে বিজিরে বেড়েয়োন্; তারা এদক্ লোলোই ফি-বলা ওইয়োন্ যে, কনজনে তারার্ কাবড়ানি ধুরিবাত্তে ন-চান।

আমোষ 8:9

প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

মীখা 1:12

যিগুনে মারোদত্ বজত্তি গরন্ তারা উবোল্‌‍ফাল্ ওইনে রেহাই পেবাত্তে বাজ্জেই আগন্, কিত্যে লগেপ্রভুত্তুন্ দযা এচ্চ্যে; এমন কি, সিয়েন যিরূশালেমর গেদো সং লুম্মেগি।

হবক্‌‌‌‌কূক 1:13

তুই এদক্ আজল্ যে, তুই ভান্ন্যেয়দি রিনি চেই ন-পারচ্ আর অন্যেয় সোজ্য গুরি ন-পারচ্। সালে তুই কেধোক্ক্যেনগুরি সেই বেঈমানীগুনোরে গম্ চোগেদি দেগর্? পাজিগুনে যেক্কে তারাত্তুন্অ বেশ্ গম্ মানুচ্চুনোরে গিলোদন্ সেক্কে কিত্তে তুই জুরো গুরি থাচ্?

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।