যিশাইয় 59:7 - Chakma Bible

⁷ তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিশাইয় 59:7 Iomraidhean Croise

গম্ উপদেজ্ 1:16

কিত্তে তারা টেঙানি পাপ কামত্ যায়, খুন গুরিবাত্তে তারা ধাবা যান্।

গম্ উপদেজ্ 15:26

লগেপ্রভু বেক্ কুজুরোমিগানি ঘিনায়, মাত্তর্ ভালেদির কধাবাত্তানি তা চোগেদি দোল্।

গম্ উপদেজ্ 24:9

বাজে-বিবেক্ মান্‌জ্যর কুজুরোমিগানি অলঅ পাপ; মান্‌জ্যে ঠাট্টা-ঈচ্ গুরিয়্যেবোরে ঘিনেন্।

গম্ উপদেজ্ 6:17

বার্বো বার্বো চোগ, মিজেকধা কোইয়্যে জিলান্, গম্ মান্‌জ্যরে খুন্‌গোজ্যে যে আঢ্‌তানি,

গম্ উপদেজ্ 6:18

কুজুরোমিলোই ভরা মনান্, অন্যেয় কাম গুরিবাত্তে ধাবা যেইয়্যে টেঙানি,

যিশাইয় 15:5

মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিশাইয় 32:6

কিত্তে চিগোন মন মানুচ্চো ভান্ন্যেই কধা কয় আর তা মনান্ ভান্ন্যেয় পৌইদ্যেনে লুদুপুদু গুরি থায়। তে জঘন্য জঘন্য কাম গরে আর লগেপ্রভু পৌইদ্যেনে অগমানর্ কধা ছড়ায়। তে এমন্ বেবস্থা গরে যেনে পেট্ পুজ্যে মানুচ্চুনে হানা ন-পান্ আর পানি তিরেস্ পেইয়্যে মানুচ্চুনে পানি ন-পান্।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 59:3

তমা আঢ্‌‍‌‌‌তানি লো-লোই আর আঙুলুন্ পাপে অসিজি ওইয়্যে। তমা মুয়োনিয়ে মিজে কধা কোইয়্যে আর তমা জিলানিয়ে পাজি কধা কয়।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 65:2

একবুস্যে মানুচ্চুনো ইন্দি মুই সারা দিন মঅ আঢ্‌তান বাবেই রাগেয়োং। তারা নিজো নিজো কল্পনার পিজেদি যেইনে ভান্ন্যেই পধেদি চলন্।

যিশাইয় 66:18

মুই তারার বেক্ কামানি আর কল্পনার কধাগানি হবর্ পাং। বেক্ জাদ ভাষার মানুচ্চুনোরে এগত্তর্ গুরিবার সময় এচ্চ্যে। তারা এইনে মর্ মহিমাগান দেগিবাক্।”

যিশাইয় 66:4

সেনত্তে মুইয়ো তারা উগুরে সাজার্ বেবস্থাগান্ বেঈ নেযেম্ আর তারা যিয়েনি দরান্ সিয়েনি তারা উগুরে আনিম, কিত্তে মুই ডাগিলে কনজনে জোব্ ন-দুয়োন, মুই কধা কলে কনজনে ন-শুনোন্। মঅ চোগেদি যিয়েনি ভান্ন্যেই সিয়েনি তারা গোজ্যন্, আর মরে যিগুনে অহুজি গরন সেনত্তে তারা বেঈ লোইয়োন।”

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিরমিয় 41:7

তারা শঅরত্ সমানা লগে লগে ইশ্মায়েল আর তা লগে মানুচ্চুনে সে মানুচ্চুনোরে মারে ফেলেইনে এক্কো কূয়ো ভিদিরে ফেলেই দিলাক্।

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

যিহিষ্কেল 18:12

তে নাঢা আর অভাবীগুনোরে অত্যেচার গরে। তে চুর্ গরে আর বন্ধগী জিনিস্‌‌চানি ফিরেই ন-দে। তে মূত্তিপূজো গরে আর জঘন্য কাম্ গরে।

যিহিষ্কেল 22:6

চঅ, তঅ ভিদিরে ইস্রায়েলর্ পত্তি শাজন্‌গুরিয়্যে লো ঝোরেবাত্তে কিবাবোত্যেগুরি তার্ খেমতাগান বেবহার গরের্।

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।